Ingurumen Kutsaduraren Tratamendua irakasgaia Ingurumen Zientzietako Graduko nahitaezko irakasgaia da, 2. mailako 2. lauhilekokoa. 9 kreditu ECTS ditu: 4.0 kreditu eskola magistralak, 2.3 kreditu ikasgelako praktikak, 1.9 kreditu laborategiko praktikak eta 0.8 kreditu landa-praktikak.

Ingurumen Kutsaduraren Tratamendua irakasgaia 4. moduluan sartzen da (Ingurumen-teknologia). Modulu horretan ingurumen kutsadura mota desberdinekin erlazionaturiko zenbait alderdi aztertzen dira: zertan oinarritzen diren, nola sortzen diren, nola detektatu eta neurtzen diren, haien tratamendua, kontrola edo arintzea egiteko ditugun baliabide teknologikoak, etab. Gai horien garrantzia Ingurumen Zientzietan nabarmena da, eta moduluak, beste bi moduluekin batera, bigarren mailaren muina osatzen du. Moduluak nahitaezko 24 kreditu ditu, hiru irakasgaietan banatuta: Ingurumen Ingeniaritzaren Oinarriak, Kutsatzaileen Analisia eta Ingurumen Kutsaduraren Tratamendua.

Irakasgai hau ikastean gaitasun hauek garatu behar ditu ikasleak:

1. Kutsatzaileen sakabanaketaren oinarrizko ereduak erabiltzea eta kontrol-sareen funtzionamendua ulertzea.

2. Kutsatzaileen tratamendurako metodoak ulertzea eta baita kasu bakoitzean erabili beharreko kontrolerako estrategiak ere.

3. Ura eta lurzoruaren kutsadura saihesteko edo zuzentzeko teknologiak ezagutzea eta ulertzea.

4. Gas-isurketen arazketa fisiko eta kimikoko sistemak diseinatzea.

- EGITARAU TEORIKOA:

1. Gaia. EAEko ingurumenaren egoera

I. BLOKEA: URA

2. Gaia. Uraren kutsadura

3. Gaia. Uren potabilizazioa

4. Gaia. Hondakin-uren tratamendua

II. BLOKEA: AIREA

5. Gaia. Airearen kutsadura

6. Gaia. Kutsatzaileen sakabanaketa atmosferan

7. Gaia. Gas efluenteen tratamendua. Gasak eta lurrunak nola desagerrarazi

8. Gaia. Gas efluenteen tratamendua. Partikulak nola bereizi

III. BLOKEA: LURZORUA ETA HONDAKINAK

9. Gaia. Zoruaren kutsadura

10. Gaia. Zoruen deskutsatzea

11. Hiri hondakin solidoen tratamendua



- EGITARAU PRAKTIKOA:

Laborategiko praktikak:

1. praktika: Uraren arazketa ioi-trukearen bidez

2. praktika: CO2 bahitzeko absortzio-zutabearen analisia.

3. praktika: Partikulen bereizketa zikloi bat erabiliz.

4. praktika: Sedimentazio-tanga.

5. praktika: Energiaren ekoizpena eguzki-energiaren eta erregai-zelularen bidez.



Landa-praktikak:

Bisitak: Arakako EUA (edateko uren araztegia) eta Krispiñanako HUA (hondakin-uren araztegia).

- Eskola teorikoak: Irakasleak gai bakoitzari dagozkion oinarrizko ezagutzak aurkeztuko ditu.

- Ariketak ebazteko eskolak: Irakasleak edo ikasleek ariketak ebatziko dituzte.

- Laborategiko praktikak: Eskola teorikoetan azaldutako ezagutzak lantzeko saiakuntzak egingo ditu ikasleak laborategian.

- Landa-praktikak: Irakasgaiarekin lotutako enpresak edo ikerkuntza-zentroak bisitatuko dira.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 60
  • Praktikak egitea (ariketak, kasuak edo buruketak) (%): 10
  • alde lanak (arazoen ebazpenak, proiektuen diseinuak) (%): 30

- Kalifikazio-ehunekoak (ebaluazio jarraitua):

Laborategiko praktiken nota: % 20

Azterketa partziala teoriko-praktikoa (uraren blokea): % 40

Azken azterketa (teoriko-praktikoa): % 40

Hautazko jarduerak: nota aurrekoekiko gehigarria (% 10 gehienez)

Ikasle batek azterketa partziala gainditzen badu, uraren blokea gaindituta izango du. Kasu horretan, ohiko deialdiko azken azterketan beste bi blokeen edukiak sartuko zaizkio bakarrik. Azterketa partziala ez badu gainditzen, aldiz, eduki guztiak sartuko zaizkio azken azterketan, eta horren pisua % 80 izango da.

Laborategiko nota jartzeko azterketa bat egingo da ordenagailu gelan. Horretan, ikasleek debekatuta izango dute liburuak, oharrak edo apunteak erabiltzea, bai eta unibertsitateko ordenagailua ez den beste tresna edo gailu telefoniko, elektroniko, informatiko edo bestelakoak erabiltzea ere.

Azterketa idatzietan ikasleek debekatuta izango dute liburuak, oharrak edo apunteak erabiltzea, bai eta tresna edo gailu telefoniko, elektroniko, informatiko edo bestelakoak erabiltzea ere.



- Azken proba

Ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu (Graduko Titulazio Ofizialetako Ikasleen Ebaluaziorako Arautegia). Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du lauhilekoko irakasgaien kasuan, ikastegiko eskola egutegian zehaztutakoarekin bat, lauhilekoa hasten denetik kontatzen hasita.



- Deialdiari uko egitea

Azken ebaluazioaren kasuan, azterketa egun ofizialean egin beharreko probara ez aurkezte hutsak ekarriko du automatikoki deialdiari uko egitea. Etengabeko ebaluazioaren kasuan, azken probaren pisua irakasgaiko kalifikazioaren % 40 edo hori baino txikiagoa denez, deialdiari uko egin nahi dioten ikasleek irakasgaiaren irakaskuntza aldia bukatu baino, gutxienez, hilabete lehenago egin beharko dute eskaria. Eskari hori idatziz aurkeztu beharko zaio irakasleari

Irakasgaia ohiko deialdian gainditzen ez duten ikasleek, hautatutako ebaluazio sistema gorabehera, eskubidea izango dute ezohiko deialdiko azken ebaluazioko proba osatzen duten azterketa eta jardueretara aurkezteko. Ezohiko deialdian irakasgaiak ebaluatzeko sistema bakarra azken ebaluazioa izango da. Ezohiko deialdiko azken ebaluazioko probak ikaskuntzaren emaitzak ebaluatzeko eta neurtzeko behar beste azterketa eta ebaluazio jarduera izango ditu, emaitzok ohiko deialdiaren pareko baldintzetan ebaluatu ahal izateko. Ikasleek ikasturtean zehar eskuratutako emaitza positiboak (praktiken eta hautazko jardueren nota) gordeko dira. Aldiz, ikasturtean zehar egindako etengabeko ebaluazioaren emaitzak negatiboak badira, deialdi horretan ikasleek kalifikazioaren %100 eskuratu ahal izango dute.

Azken proban ikasleek debekatuta izango dute liburuak, oharrak edo apunteak erabiltzea, bai eta tresna edo gailu telefoniko, elektroniko, informatiko edo bestelakoak erabiltzea ere.

Klaseko apunteak, ariketen zerrendak, taulak eta irudiak, kalkulagailua, laborategiko praktiken gidoiak.
Laborategiko praktikak egiteko, derrigorrezkoa da bata erabiltzea. Halaber, ordenagailua ekartzea nahitaezkoa da (gutxienez bat talde bakoitzeko).

Oinarrizko bibliografia

Liburu orokorrak

Henry, J. G., Heinke, G. W., “Ingeniería ambiental”, Prentice Hall, Mexiko (1999).

Kiely, G. “Ingeniería ambiental. Fundamentos, entornos, tecnologías y sistemas de gestión”, McGraw-Hill, Madril (1999).

Orozco, C., Pérez, A., González, M.N., Rodríguez, F.I., Alfayete, J.M. “Contaminación ambiental. Una visión desde la química”, Thomson, Madril (2003).



I. Blokea: Ura

Bueno, J.L., Sastre, H., Lavín, A.G. “Contaminación e ingeniería ambiental. III. Contaminación de las aguas”, FICYT, Oviedo (1997).

Ramalho, R.S. “Tratamiento de aguas residuales”, Bartzelona (1996).



II. Blokea: Airea

De Nevers, N. “Ingeniería de control de la contaminación del aire”, McGraw-Hill, Mexiko (1997).

Wark, K. eta Warner, C.F. “Contaminación del aire. Origen y control”, Limusa, Mexiko (2005).



III. Blokea: Lurzorua eta Hondakinak

Bueno, J.L., Sastre, H., Lavín, A.G. “Contaminación e ingeniería ambiental. IV. Degradación del suelo y tratamiento de residuos”, FICYT, Oviedo (1997).

LaGrega, M.D., Buckingham, P.L., Evans, J.C. “Gestión de residuos tóxicos: Tratamiento, eliminación y recuperación de suelos” McGraw-Hill, Madril (1996).

Web helbideak