Ikasgai honek sare informatikoen ikuspegi orokorra, Internet-ena bereziki, aurkezten du. Ordenagailu sare baten oinarrizko kontzeptuetatik abiatuta (informazioaren transmisio fisikoa, sare-gailu motak, zerbitzu eta protokolo arkitekturak, eta sare motak), sistema banatuen interkonexiorako OSI erreferentzia eredua aurkezten da eta, hortik abiatuta, Internet bereizten duen TCP/IP protokolo pila ikasten da.



"Konputagailu Sareen Oinarriak" ikasgaia Kudeaketaren eta Informazio Sistemen Informatikaren Ingeniaritzako Graduko derrigorrezko ikasgaia da. M01-Oinarrizko Prestakuntza moduluaren barruan kokatzen da.

Konpetentzia orokorrak:



[K1] Datu-transmisio sistemen oinarriak ulertzeko behar den oinarrizko jakintza teorikoa lortzea.

[K2] OSI eta TCP/IP ereduak oinarri harturik, zerbitzu eta protokolo arkitekturaren kontzeptua ulertu eta erabili.

[K3] Sare teknologia garrantzitsuenak ulertzea eta ezagutzea, eta jakintza hau sare txikiak sortzeko erabiltzea.

[K4] Internet sarearen oinarririk, protokolorik, sarbide mekanismorik eta zerbitzurik erabilienen ezagutzea.



Informatika arloko konpetentzia espezifikoak:



M02CM05 Sistema, zerbitzu eta aplikazio informatikoen berri izatea, haiek administratzea eta mantentzea



M02CM011 Sistema banatuen, konputagailu sareen eta Interneten ezaugarriak, funtzionaltasunak eta egitura zein diren

jakitea eta aplikatzea eta horietan oinarritutako aplikazioak diseinatzea eta inplementatzea



M02CM018 Estatuko, Europako eta nazioarteko esparruetan informatikari buruzko araudiaren eta arautzearen berri

izatea.

OINARRIAK: SARE MOTAK, SAILKAPENA, ERREFERENTZIA-EREDUAK ETA PROTOKOLOAK.

Konputagailu sareen oinarrizko kontzeptuen sarrera, garapen historikoa jarraituz urruneko komunikazioetan erabiltzen diren eta erabiliko diren mekanismo desberdinak aurkeztu eta azalduko dira.



ERREFERENTZIA EREDUAK ETA PROTOKOLOAK.

Protokolo egitura kontzeptuaren azterketa OSI erreferentzia eredua adibide paradigmatiko gisa erabiliz, beste sare egiturak, hala nola Internet sarearen egitura, ulertzeko eskaintzen duen erraztasuna dela eta.



APLIKAZIO PROTOKOLOAK.

Gaur egun Internet-ek erabiltzen dituen hainbat aplikazio protokoloak aztertuko dira. Eta hauek inplementatzen dituzten gehien erabiltzen diren programak aztertuko dira.



SARE ETA GARRAIO MAILAK TCP/IP EREDUAN.

Internet sarearen oinarriak aztertu. IP eta TCP protokoloak eta hauen ondoko kolaboratzaileak azalduko dira.



LOTURA MAILA. DATU LOTURA MAILAREN BETEBEHARRAK.

Lotura mailaren helburua bi makinen arteko informazio fluxua, akatsik gabe, ziurtatzea da. Maila hau modu sakonean aztertuko da bere funtzio, protokolo eta estandar hedatuenak ezagutzeko eta ulertzeko gai izateko.



MAILA FISIKOA. DATU TRANSMISIOA. TRANSMISIO - BIDEAK.

Datu transmisio baten arrakasta transmititzen de seinalearen kalitatea eta transmisio-bidearen ezaugarrien menpe dago. Seinaleen, hauen transmisio moduen eta medio fisikoen azterketa eta analisia menpekotasun hau ulertzea baimenduko du.



SARE LOKALAK.

Sare lokalen elementu bereizleak identifikatu eta analizatuko dira: transmisio bidea, transmisio modua, topologia eta atzipen teknikak.



HARIRIK GABEKO SAREAK.

Haririk gabeko sareak azalduko dira. Hauek hainbat abantaila eskaintzen dituzte bai mugikortasun ikuspuntutik bai instalazio erraztasunagatik, eta bere erronka nabarmenenak segurtasuna eta fidagarritasuna izanik. Arlo honetan estandar erabilienak aztertuko dira.



SEGURTASUNA KOMUNIKAZIOETAN.

Komunikazioetan segurtasun integrala mantentzeko kontutan hartu beharreko kontzeptuak aztertuko dira, baita hauei loturiko hainbat aplikazio eta politika.

Eskola magistralak: Ikasgaia ulertu ahal izateko beharrezkoak diren gai teorikoak erabiliko dira. Posible denean, ikasleen parte-hartzea bilatuko da klasearen dinamizazioa bilatuz.



Gela praktikak: ariketen garapena egiteko baita lanen aurkezpena egiteko erabiliko dira. Banakako zein talde lana bultzatuko da.



Laborategi praktikak: Sesio hauen bidez , klase teorikoetan azaldutakoaren hainbat kontzeptu praktikan jarriko dira. Gai teorikoen adibide praktikoak ere ikusiko dira.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 60
  • Praktikak egitea (ariketak, kasuak edo buruketak) (%): 20
  • alde lanak (arazoen ebazpenak, proiektuen diseinuak) (%): 20

a) Ebaluazio jarraitua:



-Idatzizko azterketa (notaren %60) zentroaren ohizko deialdiaren egunean egingo dena. Bataz bestekoa egiteko 5 bat beharko da gutxienez froga honetan.

-Beste ekintzak (notaren %40): Laborategiko praktikak (% 15), ekintzak taldeka (%10), eta banakako ariketak eta test motako frogak (%15).



b)Ebaluazio finala (ikasleak eskatzen badu):



Notaren %100 balioko duen froga final bakar batez osatuta dago, zentroaren ohizko deialdiaren egunean egingo dena. Bi atal izango ditu: Idatzizko azterketa (%60) eta laborategiko azterketa praktikoa (%40). Bataz bestekoa egiteko 5 bat beharko da gutxienez froga hauetako bakoitzean.

Ebaluazio sistema hau eskatzeko (b) ikasleek irakasle arduradunari idatziz jakinarazi beharko diote. Horretarako 9 asteko epea egongo da lauhilekoaren hasieratik.



Deialdiari uko egitea:



Ebaluazio jarraituaren kasuan ikasleek deialdiari uko egin ahal izango diote irakasgaiaren irakaskuntza aldiaren amaiera baino hilabete bat lehenago. Uko egite hau idatziz aurkeztu beharko zaio irakasgaiaren irakasle arduradunari.



Ebaluazio finalaren kasuan azterketa ofizialaren datan egiten den froga finalera ez aurkezteak dagokion deialdira automatikoki uko egitea suposatzen du.





*** Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

Notaren %100 balioko duen froga final bakar batez osatuta dago, zentroaren ezohizko deialdiaren egunean egingo dena. Bi atal izango ditu: Idatzizko azterketa (%60) eta laborategiko azterketa praktikoa (%40). Bataz bestekoa egiteko 5 bat beharko da gutxienez froga hauetako bakoitzean.



Irakasgaia ebaluazio jarraituarekin egin duten ikasleek beraien ebaluazio jarraituko nota mantendu ahal izango dute. Kasu horretan ebaluazioa ohiko deialdiarenaren antzekoa izango da.



Azterketa ofizialaren datan egiten den froga finalera ez aurkezteak dagokion deialdira automatikoki uko egitea suposatzen du.



*** Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

Ikasgaiaren apunte edota gardenkiak (praktika gidoiak, ariketak eta dokumentu osagarriak).

Oinarrizko bibliografia

- J.F. Kurose - K.W. Ross: "Computer Networking: A Top-Down Approach" / "Redes de Computadoras: Un enfoque descendente", 5th ed. Pearson/Addison-Wesley 2010



- Andrew S. Tanenbaum: "Computer Networks" 5. Ed Prentice Hall 2011.

- W. Stallings: "Data and Computer Communications", 8th ed. Prentice Hall 2007.

Gehiago sakontzeko bibliografia

- Halsall, Fred.: Redes de computadores e Internet, 5ª Ed. Addison-Wesley, 2006.
- Comer, Douglas E.: El libro de Internet. Prentice Hall, 1995.
- William Stallings: Business Data Communications, 6/E. Prentice Hall, 2009
- Rivadeneyra, JMª "TCP/IP sareak" 3. Ed. UEU 2009
- Alegria, I - Cortinas, R "Linux - Sistemaren eta Sarearen administrazioa" UEU 2008
- Forouzan B. A.: “TCP/IP Protocol suite” 4th ed. McGraw-Hill, 2010

Web helbideak

http://authors.phptr.com/tanenbaumcn4/
http://ietf.org (Documentos RTF )
http://www.icann.org (Internet Corporation for Assigned Names and Numbers)
http://www.iana.org (Internet Assigned Numbers Authority)
http://www.computernetworks5e.org/cover02.html
http://www.aw-bc.com/kurose_ross/