Irakasgai honen helburu nagusia da ikasleak zerbitzu eta aplikazio telematiko aurreratuak, banatuak eta sareetakoak

programatzeko gai izatea. Teknologia moduan Java EE erabiliko da, baina beste batzuk ere aurkeztu ahal izango dira.

Gainera, ikasleak zerbitzuak bere zerbitzarian konfiguratuko dituenez, zerbitzarien kudeaketa ere lantzen da.



Irakasgai honetan, "Ingurune Banatuetako Programazioa" irakasgaian ikasitako Java lengoaia eta, "Programazioaren

Oinarriak" irakasgaiko datu-baseen kontzeptuak oinarrizkoak dira.

M01CM02: Oinarrizko ezagutzak edukitzea ingeniaritzan erabiltzen diren ordenagailuen, sistema eragileen, datu-baseen

eta informatika-programen erabileran eta programazioan.



M02R7: Telekomunikazioko sareen, sistemen eta zerbitzuen programazioak zer oinarri dituen jakitea eta erabiltzea.



M04TE7: Gaitasuna zerbitzu eta aplikazio telematikoak programatzeko, sarean eta banatuak.



M07OP2: Euskararen erabilera sustatzea, komunikazio teknikorako hizkuntza gisa, eta hizkuntza arloko kontsultak egiteko

tresnak erabiltzen jakitea.

1- ZERBITZARIAK KUDEATZEA



2- WEB ORRIALDE ESTATIKOAK



3- WEB ORRIALDE DINAMIKOAK



4- DATUEN ADIERAZPENA



5- ZERBITZUETAN OINARRITUTAKO ARKITEKTURA



6- AURKEZPEN MAILA



7- NEGOZIO MAILA



8- DATUEN MAILA



9- WEB APLIKAZIOEN HOSTING

Gai guztiak klase magistraletan irakatsiko dira. Gehiengoa, gelako ariketa eta ordenagailuko praktiken klaseetan ere

landuko dira.



Klase magistraletan zein gelako ariketetarako klaseetan zehar, ikasleek ebaluaziorako testak egingo dituzte, norberaren

ikasketen jarraipena egitea ahalbidetuko dutenak eta irakasgaiaren etengabeko ebaluazioaren parte izango direnak.



Ordenagailuetako klase praktikoak banakakoak dira eta klase magistraletan irakatsitako kontzeptuak garatzea dute

helburutzat; klase magistraletan jadanik irakatsitako azalpen teorikoak ez dira errepikatuko.



Gelako ariketetan, ikasleek taldekako aurkezpenak egingo dituzte batez ere, ordenagailuko praktikei buruzkoak; amaieran

galdera/eztabaida txanda ere izango da eta guztia etengabeko ebaluazioaren parte izango da.



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei

aldaketa horren berri emango zaie.

• Azken Ebaluazioaren Sistema
• Kalifikazioko tresnak eta ehunekoak:
  • Test motatako proba (%): 20
  • Praktikak egitea (ariketak, kasuak edo buruketak) (%): 5
  • Lanen, irakurketen... aurkezpena (%): 5
  • AZTERKETA (%): 70

Irakasgaiaren ebaluazioa etengabekoa izango da eta bi atal nagusietan banatzen da:



- Prestakuntza aldian zehar egingo diren probak (%30): gai teorikoen jarraipena klase magistraletan edo gelako

ariketetako klaseetan egingo diren idatzizko testekin neurtuko da, irakasleak klase horien garapenean ikusitako

irakaskuntza-beharrei egokituta. Gai praktikoen jarraipena berriz, ordenagailuen praktiketako klaseetako lanarekin zein

gelako ariketetako klaseetako parte hartzearekin egingo da, azken horietan, gainera, ahozko aurkezpen bat ere egin

beharko delarik. Horretarako, derrigorrezkoa izango da klase mota guztietara etortzea. Idatzizko testen, gelako

ariketetako klaseen edo ordenagailuen praktiketako klaseen %80 baino gutxiagora etortzeak, prestakuntza aldiko proben

guztirako nota 0 izatea dakar. Egokitutako ahozko aurkezpena ez egiteak ere, prestakuntza aldiko proben guztirako nota

0 izatea dakar. Praktika bat dagokion klasera ondo prestatuta ez ekartzea, praktikara ez etortzea bezala izango da.



- Azterketaren data ofizialeko proba (%70): ordenagailuan egin beharreko programa bat izango da.



Irakasgaia gainditzeko beharrezkoa da azterketaren data ofizialeko proban gutxienez 4.0 ateratzea eta etengabeko

ebaluazio sistemaren bi atalekin lortutako nota osoa gutxienez 5.0 izatea (atal bakoitzean lortutako nota dagokion pisuaz

batuta).



Ohiko deialdiari uko egiteko, nahikoa izango da azterketaren data ofizialeko probara ez aurkeztea.



Etengabeko ebaluazioari uko egiteko, EHUko "Ikasleen Ebaluaziorako Arautegia" delakoaren 8 Artikuluaren arabera

jokatu beharko da. Kasu horretan, ebaluazioa ezohiko deialdirako adierazitako moduan egingo da.

Ebaluazioa azterketa final batekin egingo da, notaren %100 balio duena, eta idatzizko zati teorikoa eta ordenagailuarekin

egin beharreko zati praktikoa izango dituena. Bi zatiak gainditzea (bakoitzean gutxienez 10etik 5 ateratzea) beharrezkoa

izango da irakasgaia gainditzeko.



Ikasle batek ohiko deialdiko testen nota bezala gutxienez 10etik 6 badu, nota hori ikasturteko ezohiko deialdiko zati

teorikoaren nota bezala mantendu ahalko du.

Irakasgaiak badu UPV/EHUko eGelan webgunea, non ikaslegoak klase mota bakoitzean derrigorrez erabili beharreko
materiala eskuragarri izango duen:
- Magistralak: azalpen teorikoak jarraitzeko eskemak, ikasleek osatu beharrekoak
- Praktikak: ordenagailuan egin beharreko praktiken enuntziatuak, klase praktikoak egokiro prestatzeko derrigorrez
irakurri beharrekoak.

Oinarrizko bibliografia

The Java EE 7 Tutorial



http://docs.oracle.com/javaee/7/tutorial/



EJB 3 Developer Guide: A Practical Guide for developers and architects to the Enterprise Java Beans Standard.



http://www.amazon.com/EJB-Developer-Guide-developers-architects/dp/1847195601



Core JavaServer Faces.



http://www.amazon.com/Core-JavaServer-Faces-David-Geary/dp/0131463055

Gehiago sakontzeko bibliografia

SCJP Sun Certified Programmer for Java 6 Exam 310-065
http://www.amazon.com/SCJP-Certified-Programmer-Java-310-065/dp/0071591060
Sun Certified Developer for Java Web Services Study Guide (Exam 310-220)
http://www.amazon.com/Certified-Developer-Services-310-220-Certification/dp/0072259523
Service-Oriented Architecture (SOA): Concepts, Technology, and Design
http://www.amazon.com/Service-Oriented-Architecture-SOA-Concepts-Technology/dp/0131858580
Cloud Computing Bible
http://www.amazon.es/Cloud-Computing-Bible-Barrie-Sosinsky/dp/0470903562

Web helbideak

Oinarrizko bibliografian zehaztuta