Erritmoa, mugimendua eta dantza Musika Mentzioa osatzen duten bost irakasgaietariko bat da. Mentzio honek musika irakasle espezialista profila lortzea ahalbidetu eta espezialista bezala lan egiteko eskuduntza ematen du.



Irakasgai honetan erritmoa eta musika gorputzaren bizipenetik abiatuta lantzen dira, gaitasun erritmikoak eta musika-lengoaiaren garapena sustatzeko jatorrizko lotura natural gisa. Gorputz-adierazpena eta dantza musikarekin konektatzeko modu gisa eta berezko musika-jarduera gisa ulertzen dira, musika-hezkuntzarako oinarrizko erreferentziak kontsideratuz.



Irakasgaian zehar, ikasleek jarduera erritmiko-musikaletan modu egokian moldatzeko beharrezko dituzten ezagutzak eta gaitasunak lortu behar dituzte; adierazpenetan gorputz-konexioa medio zuzentasunez eta espresiboki aritzeko gai izatea eta musika-hezitzaile bezala adierazpen-jarduerak dinamizatzeko baliabide didaktikoak eskuratzea.

KONPETENTZIAK



- ­Erritmo eta musikarekin bat ematen den gorputz-bizipenaz jabetu eta musika-hezkuntzan duen garrantzia ulertu.



- Musika jardueretan entzule eta interprete gisa gorputz-bizpenetik abiatzea naturaltasuna eta sormena medio, interpretazio egoki eta adierazkorrak bermatzeko eta irakaskuntza jardueren bitartekari gisa.



- Musika-hezkuntzan erritmo- eta musika-gaitasunen garapena sustatzeko funtsezko baliabideak diren aldetik, mugimen- eta espazio-baliabideak erabiltzen ikastea.



- Dantzak sozializaziorako duen garrantziaz jabetu eta adierazpen kolektibo gisa musikarekin duen lotura ulertzea. Bere erabilera eskolan bultatu eta abian jartzeko baliabide didaktikoak garatzea,bere bitartez musika talde-bizipena sustatzeko.

­





IKASKUNTZA EMAITZAK



­- Musika entzunaldi eta adierazpen jardueretan mugimendua naturaltasunez integratzea.



- Eskema erritmikoak zehaztasunez interpretatzea.



- Dantza herrikoien errepertorio oinarrizkoa ezagutu eta interpretatzea.



- Musika talde-jarduerak eraginkortasunez gidatu eta bideratzea, mugimendua eta espazioa modu egokian kudeatuz.



- Mugimendua eta musikaltasuna integratzen dituzten proposamen eszeniko sortzaileak burutzea

1. MUSIKAREN BIZIPENA GORPUTZ ESPERIENTZIATIK ABIATUZ

Gorputzaren bidez musikarekin konektatu eta esperimentatzeko dinamikak. Analisi musikala eta musika-lengoaiaren edukiak gorputz-esperientziatik abiatuta. Gorputz-bizipenak musika-hezkuntzan daukan garrantziaren inguruan sakontzea (bere ekarpenak eta onurak) irakurketa eta gogoeta bidez.



2. ADIERAZPEN ETA SORMENAREN GARAPENA

Gorputz adierazpena musika adierazpenaren manera eta baliabide gisa lantzen da. Inprobisaketak eta talde sormena bultzatzen dira.



3. ADIERAZPEN ERRITMIKOA ETA BERE DIDAKTIKA

Gaitasun erritmikoen garapena sustatzeko oinarri eta baliabide ezberdinen ezagutzak eskuratzen dira, praktikatik habiatuz.



4. DANTZA ESKOLAN.

Dantzak musika hezkuntzari eskaintzen dizkion aukerak ezagutzen dira eta baita eskola komunitatearen dinamizaio eta integraziorako tresna gisa eskaintzen dituen onurak ere. Dantza errepertorioa ikasteaz gain eskolan lantzeko baliabide didaktikoak eskuratzen dira.



5. TALDE JARDUERAK koordinatu ETA DINAMIZATZEA

Musika adierazpenetan gorputz eta espazio ikuspegiak kontuan izatearen garrantzia, jarduerak bideratzeko. Esperimentazioan oinarrituz, taldeak dinamizatzeko baliabideen ezagupena eta trebaketa lantzen dira.

Esperientziatik abiatuz edukiak modu progresiboan kurtsoan zehar lantzen dira. Irakurketa eta hausnarketak ere irakasgaiaren ibilbidearen parte izango dira barneratze prozesuan. Hiru-lau pertsonako talde finkoak ikasturte osorako eratzen dira, prozesua aurrera eraman eta lanak modu kolaboratiboan aurrera eramateko. Asistentzia eta parte hartze aktiboa ezin bestekoak dira.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Ahozko defentsa (%): 40
  • Praktikak egitea (ariketak, kasuak edo buruketak) (%): 15
  • Portfolio (%): 20
  • MUGIMENDUZKO SORMEN PROIEKTU ARTISTIKOA (%): 25

Ohiko deialdian ebaluazioa jarraia izango da eta horretarako irakasgaian zehar lortutako ezagutza eta trebetasun ezberdinak ebaluatuko dira. Irakasgaia gainditzeko kurtsoan planteatutako ariketa guztiak burutu beharko dira.



Azken kalifikazioa jartzeko kontutan hartuko dira: Kurtsoan zehar klasean aurkeztutako ariketak, egindako eboluzioa eta eskuratutako baliabideak %15, sormen proiektua %25, aurkeztutako memoria %20, erritmo azterketa praktikoa %20, dantza azterketa praktikoa %20.





EBALUAKETA JARRAIARI UKO EGITEA



Ikasleak ebaluaketa jarriari uko egin eta azken ebaluaziora pasatzea eska dezake. Horretarako irakasgaia hasten denetik bederatzigarren astea bete arteko epea izango du eskaera idatziz irakasleari zuzentzeko. Kasu honetan azterketa egun ofizialean aurkeztu eta planteatzen diren ariketa guztiak gainditu beharko dira irakasgaia aprobatzeko. Azken kalifikazioa jartzeko kontutan hartuko dira: erritmo azterketa praktikoa %20, dantza azterketa praktikoa %20, idatzizko azterketa teoriko-praktikoa %40 eta prestatuta ekarri beharko den mugimendu sorkuntza lan baten zuzeneko aurkezpena %20.

Azterketa egun ofizialean aurkeztu eta eskatzen diren ariketa guztiak gainditu beharko dira irakasgaia aprobatzeko.



Azken kalifikazioa jartzeko kontutan hartuko dira: erritmo azterketa praktikoa %20, dantza azterketa praktikoa %20, idatzizko azterketa teoriko-praktikoa %40 eta prestatuta ekarri beharko den mugimendu sorkuntza lan baten zuzeneko aurkezpena %20.

EGELA PLATAFORMAN ESKEGITAKO ORIENTABIDEAK ETA MATERIALAK: irakasgaiaren antolaketa, lan ezberdinak egiteko irizpideak, irakurketarako erreferentziak.

IKUS ENTZUNEZKO BALIABIDEAK

Oinarrizko bibliografia

BACHMANN, M. L. (1998) La rítmica Jaques-Dalcroze. Una educación por la música y para la música. Madrid: Pirámide

WIGMAN, M. (2002) El lenguaje de la danza Barcelona: Ediciones del aguazul

BLASER, A. / FROSETH, J.O/ WEIKART, P. (2001): Música y Movimiento. Actividades rítmicas en el aula. Barcelona: Graó

GARCIA RUSO, H. M. (1997): La danza en la escuela. Sevilla: dip. Foral de Sevilla

Gehiago sakontzeko bibliografia

FUENTES, S. (2008) Pedagogía de la Danza. Bilbao: Asociación cultural danza Getxo
PALACIOS, P. (1985) Cuerpo, sonido, música y otros lenguajes. Bilbao: Cuadernos de ADARRA
SACHS, CURT (1942): Historia Universal de la Danza. Buenos Aires: Centurión
ZAMORA, A. (1999) Danzas del mundo. Madrid: CCS

Aldizkariak

Eufonía: Didáctica de la música. Barcelona: Graó
Música y Educación. Madrid: Musicalis S.A.
Música, Arte y Proceso. Salamanca: Amarús Ediciones

Web helbideak

http://www.gaztedi.net/
http://www.dantzanet.net/
https://danzasdelmundo.wordpress.com/