nireEHU Lehen Hezkuntzak 6 eta 12 urte bitarteko hezkuntza aldia hartzen du. Hezkuntza aldi horretan, haurren garapen pertsonalean eta soziokulturalean laguntzen da, eta bizitza osoko ikaskuntzarako oinarriak prestatzen dira. Irakasleen eginkizuna funtsezkoa da aldi horretan.
Lehen Hezkuntzako Graduan, beharrezkoa den prestakuntza akademiko teorikoa eta praktikoa eskuratuko duzu, erronka handi horri ekiteko. Haurren garapen pertsonalean laguntzeko beharrezkoak diren tresnak barneratuko dituzu, eduki zientifikoa, etikoa eta soziala, hizkuntzakoa, motorra, matematikoa, teknologikoa eta didaktiko/pedagogikoa duten gaien bidez.
Aukera izango duzu aipamen edo ibilbide hauetan espezializatzeko: Atzerriko Hizkuntza; Hezkuntza Berezia; Euskara, Hezkuntza Tresna; eta, Hezkuntza Berrikuntzarako Proiektuak Lehen Hezkuntzan. Egindako aipamenean, irakasle tutore eta irakasle espezialista gisa aritzeko gaitasuna eskuratuko duzu, batez ere, Atzerriko Hizkuntzaren eta Hezkuntza Bereziaren kasuan.
Horrez gainera, bigarren mailatik aurrera, nahitaezko praktiken bidez, irakasle lanak inplikatzen dituen alderdietan parte hartzeko aukera izango duzu hainbat ikastetxetan.
Sarrera baldintza: Euskarazko B2 titulua izatea.
Ezagutza arloa
Gizarte eta Lege Zientziak
Ikastegia
Hezkuntza, Filosofia eta Antropologia Fakultatea
Campusa
Gipuzkoa
Harremanetarako
Iraupena
4 ikasturte
Kreditu kopurua
240 ECTS kreditu
Hizkuntzak
Euskara, Gaztelania, Ingelesa
Irakaskuntza mota
Ikasgelako gradua
Kredituaren prezioa 1. matrikulan
13,72 €
Gutxieneko nota
9,424 ohiko deialdian (2023/24)
Eskainitako plazak
120 plaza
4 arrazoi gradu hau aukeratzeko
- Umeen gaitasun kognitibo, afektibo eta psikomotorrak garatzen ikasiko duzu.
- Prestakuntza jasoko duzu psikomotrizitate, teknologia, hezkuntza fisiko, adierazpide plastiko eta musikalerako ikasgeletan zein laborategietan nola literatura gela edo tailerrean.
- Praktikak egingo dituzu ikastetxe ezberdinetan eta bertan ezagutuko lan errealitatea eta egunerokotasunean parte hartuko.
-
Mugikortasun akademikoetarako programetan parte hartuz prestatzeko aukera izango duzu.
Sarrera-profila
Hezkuntza eta pertsonak interesatzen bazaizkizu, gizarte eta kultura aniztasuna errespetatzen baduzu, jakin-mina eta behatzeko gaitasuna badituzu eta gure gizartea txikienetatik hasita (6-12 urte) hobetu behar dela uste baduzu, zure aukera onena Lehen Hezkuntzako Gradua da.
Irteera profesionalak
Irakaslea, Lehen Hezkuntzako etapan, ikastetxe publiko nahiz pribatuetan.
Baita hezkuntzari lotutako beste arlo batzuetan ere: ludotekak, museoak, ospitaletako gelak, espetxetako gelak, gobernuz kanpoko erakundeak, argitaletxeak, etab.