DESKRIBAPENA: Oinarrizko kontzeptuak, ikerketa objektua, historia eta edukiak. Ikas-irakaskuntza prozesuaren ikuspegi teorikoak. Ezagutzaren eraikuntza. Eskolako ikasketa eta motibazioa. Irakasle eta ikasleen igurikapenak eta irudipenak eta hauek ikaskuntzan duten eragina. Autokontzeptua hezkuntza eremuan. Ikasgelako elkarreraginak. Ikaskuntzaren gizadimentsioa eta dimentsio emozionala. Ikasgelarako aplikagarritasuna.



TESTUINGURAPENA: Hezkuntzaren Psikologia irakasleen prestakuntzarako oinarrizko irakasgaia da, 1. ikasturtearen 2. lauhilabetean (2. modulua) eskaintzen dena,1. moduluan "Garapenaren Psikologia Eskola Adinean" irakasgaia ikasi ondoren. Irakasgai honen bidez, ikasleek hezkuntza-prozesuetan parte hartzen duten faktoreak ezagutzeko aukera izango dute, ikaskuntza-irakaskuntza prozesuetan eragina duten pertsonabarruko zein pertsonarteko faktoreak. Honek ahalbidetzen du, ikasleek etorkizunean Lehen Hezkuntzako (6-12) irakasleak izatean, zenbait testuingurutan haurren garapenerako hezkuntza esku-hartze egokiak era kooperatiboan aztertzea eta diseinatzea, beti ere, adin hauetako berezko ezaugarriak eta ikaskuntza-irakaskuntza prozesuetan parte hartzen duten faktoreak kontuan hartuz. Era horretan irakasgai honek "Garapenaren Psikologia Eskola Adinean" irakasgaian ikasitakoa gaurkotzea eskatzen du, Lehen Hezkuntzako (6-12) haurren beharrei eta ezaugarriei dagokienez, izan ere, "Zailtasunak Garapenean eta Ikaskuntzan" irakasgaiarekin ( 4. modulua) loturak eginez.

A) 6-12 urteko aldiari dagozkion hezkuntza-prozesuak aztertzea eta ulertzea familian, gizartean eta eskolan, ikaskuntzaren teoria psikologikoen ekarpenak eta gaitasunen irakaskuntzan oinarritutako egungo planteamenduak interpretatuta.



B) Hezkuntza-egoeren irtenbideak identifikatzea eta horien plangintza egitea ikasleen askotariko erritmoak eta gaitasunak aintzat hartuz (norbanako gisa eta familiako eta testuinguru soziokultural jakin bateko kide gisa). Horretarako, hainbat prozedura eta teknika aukeratu eta horien aplikazioa argudiatuko da.



C) Gizarte-trebetasunak izatea testuinguru anitzetan hezkuntza-egoerak ulertzeko eta bideratzeko, eta norberaren eginahalaz eta hausnarketarako gaitasunaz elkarlanari laguntzea.

1. GAIA- Hezkuntzaren Psikologia.

2. GAIA- Irakas-ikaskuntzari buruzko hainbat ikuspegi psikologikoak.

3. GAIA- Irakas-ikaskuntzaren aldagai indibidualak edo intra-pertsonalak.

4. GAIA- Irakas-ikaskuntzaren aldagai sozialak edo inter-pertsonalak.

Irakaskuntzak banakako lana zein taldekako lana uztartuko du, hausnarketa eta gelako azalpenak nahastuko ditu, banakako zein taldekako erantzukizunean eta lankidetzan oinarrituz eta ezinbestekotzat hartuz prozesua aurrera egitea. Beraz, nahitaezkoa izango da ikasleek haien ikasketa prozesuaren erantzukizuna bere gain hartzea eta esfortzu zein lanerako jarrera positiboa erakustea: modu aktiboan parte hartzea, lankidetzan jardutea, errespetuzko ikuspegi ulerkorra eta aldi berean ikuspegi eta hausnarketa kritikoa eta arrazoituta egitea, iturri egokien informazioa ezagututa eta kontuan hartuta.

Ikasgelako saioek eta mintegiek denen artean funtsezko edukiak ulertzea, barneratzea eta ahal den neurrian beste testuinguruetara orokortzea edo aplikatzea bilatuko dute.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • 1. Ebaluazio jarraia (bi atal): 1.1. ATALA. Azken notaren %36 eta %70 artean. Ondorengo lanak gainditu beharko dira: - Irakasgaiari dagozkion lan ezberdinak: azken notaren %20 eta %50 artean. - Diziplina arteko modulu lana: azken notaren %16 eta %20 artean. 1.2. ATALA. Azterketa: azken notaren %64 eta %30 artean. 2. Azken ebaluazioa: ikasgaiaren notaren %100 (baldin eta ikasle horrek diziplina arteko modulu lana egin behar ez badu). (%): 100

1-EBALUAZIO JARRAIA

Gainditu beharreko bi atal izango ditu:

1.1. ATALA: azken notaren %36 eta %70 artean

• Irakasgaiari dagozkion banaka zein taldeko jarduerak, gelakoak eta gelatik kanpo (ikasle

gidan eta gela saioetan zehaztuko direnak): azken notaren %20 eta %50 artean.

• Diziplina arteko modulu lana: azken notaren %16 eta %20 artean.

• Gelako jarrera eta jokabide egokia eta errespetuzkoa.

1.2. ATALA: Idatzizko froga indibiduala: amaierako notaren %64 eta %30 artean.



Irakasgaia gainditzeko aurretik aipatutako ATAL GUZTIAK egin beharko dira, eta irakasgaiaren jarduerak eta irakasgaiaren azken froga indibiduala GAINDITU BEHARKO dira ikasle gidan kontrakoa zehaztu ezean .



Ikasketa emaitzak eta ebaluazio irizpideak irakasleak argituko ditu ikasle gidan.

Ebaluazio formatiboa izango da: ikasleen ikaskuntza errazteko, irakasgaiaren eta gelako lanen jarraipena egingo da.



2. AZKEN EBALUAZIOA:

Ikasleak, irakasgaiko jakintzak eta gaitasunak bereganatu dituela egiazta dezan, froga teoriko-praktikoa gainditu behar ditu irakasgaia gainditzeko:

- Idatzizko proba TEORIKO-PRAKTIKO indibiduala/k. Ikasgaiaren notaren %100 balioa izango du,

baldin eta ikasle horrek diziplina arteko modulu lana egin behar ez badu (moduluaren gida ikusi

salbuespenak ezagutzeko). Diziplina arteko modulu lana egin behar dutenentzako, probak

ikasgaiaren %80 eta %84 arteko balioa izango dute (diziplina arteko modulu lana moduluan

eskatzen den moduan egin beharko da; ikusi moduluko gida). Idatzizko proben atal praktikoa zein

teorikoa gainditu beharko dira, eta atal praktikoa egiteko irakasgaian zehar erabilitako

materiala erabiliko da. Proben nondik norakoak, atalak eta ehunekoen zehaztapenak irakasgaiaren

ikasle gidan jasota egongo dira.



Ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du lauhilekoa hasten denetik kontatzen hasita.



DEIALDIARI UKO EGITEA

Araudiaren arabera (2016ko abenduaren 155ekoa, Universidad del País Vasco / Euskal Herriko Unibertsitatekoaren Gobernu Kontseiluarena, Graduko Titulazio Ofizialetako Ikasleen Ebaluaziorako Arautegia onartzeko):

1.– Deialdiari uko egiten dioten ikasleek «Ez aurkeztuta» kalifikazioa jasoko dute.

2.– Etengabeko ebaluazioaren kasuan azken probaren pisua irakasgaiko kalifikazioaren %40 baino handiagoa bada, nahikoa izango da proba horretara ez aurkeztea azken kalifikazioa "aurkezteke" izan dadin. Aldiz, azken probaren pisua irakasgaiko kalifikazioaren %40-a edo hori baino txikiagoa bada, deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino, gutxienez, hilabete lehenago egin beharko dute eskaera. Eskari hori idatziz aurkeztu beharko zaio irakasgaiaren ardura duen irakasleari.

3.– Azken ebaluazioaren kasuan, azterketa egun ofizialean egin beharreko probara ez aurkezte hutsak ekarriko du automatikoki kasuan kasuko deialdiari uko egitea.



OHAR GARRANTZITSUA: Irakasgai honen atalak moduluaren gidan eta irakasgaiaren ikasle gidan zein gela saioetan zehaztuko dira. Ikasleak gida horiek kontsultatu beharko ditu eta bere taldeko irakaslearekin ager daitezkeen zalantzak argitu beharko ditu.



OHAR GARRANTZITSUA: COVID-19

Covid-19tik eratorritako egoerak hala eskatuko balu, ebaluazio sistema ez presentziala izango litzateke eta e-gela eta Black board collaborate bidez aurrera eramango litzateke, azken ebaluazio proba barne.

EZOHIKO EBALUAZIO SISTEMA (ikusi "azken ebaluazioa" ohiko deialdiaren atalean)

1.– Irakasgaia ohiko deialdian gainditzen ez duten ikasleek, hautatutako ebaluazio sistema gorabehera, eskubidea izango dute ezohiko deialdiko azken ebaluazioko proba osatzen duten azterketa eta jardueretara aurkezteko.

2.– Ezohiko deialdietan irakasgaiak ebaluatzeko sistema bakarra azken ebaluazioa izango da (honek suposatuko dituen atal eta zeregin ezberdinekin). - Hortaz, aurreko atala ikusi ezaugarriak ezagutzeko.

3.– Ezohiko deialdiko azken ebaluazioko probak definituta dauden ikaskuntzaren emaitzak ebaluatzeko eta neurtzeko behar beste azterketa eta ebaluazio jarduera izango ditu, emaitzok ohiko deialdiaren pareko baldintzetan ebaluatu ahal izateko (ikusi "azken ebaluazioa" ohiko deialdiaren atalean). Ikasleek ikasturtean zehar eskuratutako emaitza positiboak gorde ahal izango dira. Aldiz, ikasturtean zehar egindako etengabeko ebaluazioaren emaitzak negatiboak badira, emaitzok ezin izango dira ezohiko deialdirako mantendu eta deialdi horretan ikasleek kalifikazioaren % 100 eskuratu ahal izango dute.



EZ OHIKO DEIALDIARI UKO EGITEA

Araudiaren arabera (2016ko abenduaren 155ekoa, Universidad del País Vasco / Euskal Herriko Unibertsitatekoaren Gobernu Kontseiluarena, Graduko Titulazio Ofizialetako Ikasleen Ebaluaziorako Arautegia onartzeko):

– Deialdiari uko egiten dioten ikasleek «aurkezteke» kalifikazioa jasoko dute.

– Azken ebaluazioaren kasuan, azterketa egun ofizialean egin beharreko probara ez aurkezte hutsak ekarriko du automatikoki kasuan kasuko deialdiari uko egitea.



OHAR GARRANTZITSUA: COVID-19

Covid-19tik eratorritako egoerak hala eskatuko balu, ebaluazio sistema ez presentziala izango litzateke eta e-gela eta Black board collaborate bidez aurrera eramango litzateke, azken ebaluazio proba barne.

- Irakasleak proposatutako ikas-materialak (apunteak, irakugaiak, jarduerak, etb.)

- Baliabide elektronikoak: ikasleek irakasgaiaren e-gela plataforma birtuala maiz kontsultatu beharko dute eguneratuta egoteko

Oinarrizko bibliografia

Coll, C., Palacios, J., eta Marchesi, A. (eds.) (1991). Desarrollo Psicológico y Educación,II. Psicología de la Educación. Alianza.



Navarro, J. I., eta Martín Bravo, C. (coord.) (2010). Psicología de la educación para docentes. Pirámide.



Trianes Torres, Mª V., eta Gallardo Cruz, J. A. (coords.) (2004). Psicología de la Educación y del Desarrollo en contextos escolares. Pirámide.



Woolfolk, A. (2014). Psicología Educativa. Pearson Education.



Merino, E., eta Valdivieso, J. A. (2015). Prácticas de psicología del aprendizaje aplicadas al Grado en Educación Primaria. Piramide.

Gehiago sakontzeko bibliografia

Alonso Tapia, J. (1997). Motivar para el aprendizaje: Teoría y práctica. Edebé.

Carretero, M. (1993). Constructivismo y educación. Edelvives.

Coll, C. (coor.) (1998). Psicología de la Educación. Edhasa.

Delval, J. (1983). Crecer y pensar. La construcción del conocimiento en la escuela. Laia.

González Pineda, J. A. (coord.) (2002). Manual de Psicología de la Educación. Pirámide.

Mietzel, G. (2003). Claves de la Psicología. Herder Editorial.

Vila, I. (1998). Familia, escuela y comunidad. Horsori.

Aldizkariak

European Journal of Educational Psychology
Revista de Psicología de la Educación
Infancia y Aprendizaje
Revista de Psicodidáctica
C¿E. Cultura y Educación
Tantak
Hik Hasi

Web helbideak

http://psicoeduc.rediris.es
http://www.fia.es
http://www.fundacionyuste.org/acciones/infad/revistas.htm
www.educaweb.com