Lehen Hezkuntzako matematikako bloke teorikoak ikasiko dira, ikuspuntu zientifiko, didaktiko, psikologiko eta curricularra erabiliz, eta baliabide manipulatibo eta grafikoen erabilerari garrantzi berezia eskainiz.

• Zenbakiak eta Eragiketak, Geometria, Magnitudeak eta Neurria, eta Informazioaren trataera, Zoria eta Probabilitatea blokeei dagozkien oinarrizko kontzeptuak ezagutzea.

• Zenbakiak eta Eragiketak, Geometria, Magnitudeak eta Neurria, eta Informazioaren trataera, Zoria eta Probabilitatea blokeei dagozkien edukiak lantzeko irakaskuntza estrategia egokiak bereganatzea.

• Lehen Hezkuntzako ikasleengan matematikaren ikaskuntza sustatzeko material didaktikoak ebaluatu, aukeratu eta eraikitzeko gaitasuna garatzea.

• Praktika profesional egokien, testu liburuen eta beste hainbat informazio pedagogikoren inguruko gogoeta bultzatzea.

1. GAIA. Zenbakiak eta Eragiketak.

1.1. Zenbaki multzoak: arruntak, osoak, arrazionalak, errealak.

1.2. Eragiketak eta hauen propietateak: batuketa, kenketa, biderketa, zatiketa, berreketa, erroketa.

1.3. Zatigarritasuna.

1.4. Kalkulurako prozedurak: algoritmoak, buruzko kalkulua eta estimazioa.

1.5. Zenbakiak eta eragiketak barneratzeko egokiak diren material eta baliabide didaktikoak: Dienesen bloke oinarrianitzak, abakoa eta Cuisenairen Erregeletak.

1.6. Kontzeptuzko eta prozedurazko ohiko hutsegiteak Lehen Hezkuntzan.

1.7. Eredu psikologikoa eta curricularra zenbakikuntza eta eragiketen inguruan.



2. GAIA. Geometria.

2.1. Geometria laua: Irudi lauak ezagutu, sailkatu eta eraiki. Angelu eta poligonoen azterketa.

2.2. Geometria espaziala: Gorputz geometrikoak ezagutu, sailkatu eta irudikatu. Poliedro eta biraketa-gorputzen azterketa.

2.3. Eraldatze geometrikoa: simetria, biraketa eta translazioa.

2.4. Geometria lantzeko material eta baliabide didaktikoak: Geoplanoa, Tangrama, Mekanoa, Bloke logikoak, Simetria jokoak, Geometria dinamikoko softwarea.

2.5. Kontzeptuzko eta prozedurazko ohiko hutsegiteak Lehen Hezkuntzan.

2.6. Eredu curricularra geometria eta espazioaren inguruan.



3. GAIA. Magnitudea eta Neurria

3.1. Magnitudea: magnitude motak eta unitate sistemak.

3.2. Magnitudea eta proportzionaltasuna. Tales eta Pitagorasen Teoremak.

3.3. Azalera eta bolumena.

3.4. Magnitudea eta neurriaren irakaskuntzarako material eta baliabide didaktikoak: Balantza, metroa, ontzi graduatua.

3.5. Kontzeptuzko eta prozedurazko ohiko hutsegiteak Lehen Hezkuntzan.

3.6. Magnitudea eta neurriari dagokion eredu curricularraren azterketa.



4. GAIA. Informazioaren trataera, Zoria eta Probabilitatea.

4.1. Estatistika: oinarrizko kontzeptuak, datuen bilketa, zentralizazio eta sakabanatze neurriak eta grafikoen azterketa.

4.2. Zoria eta probabilitatea: Laplacen erregela.

4.3. Informazioaren trataera eta zoria lantzeko material eta baliabide didaktikoak.

4.4. Kontzeptuzko eta prozedurazko ohiko hutsegiteak Lehen Hezkuntzan.

4.5. Eredu curricularra informazioaren trataera, zoria eta probabilitateari dagokionean.

Eskola orduak:



Irakasgaiari dagozkion edukien azapalpenak, eta ikasleen lanen aurkezpenak eta hauen inguruko eztabaida.



Eskola orduetatik kanpo:



Eduki teoriko eta praktikoak ikastea.

Gomendaturiko testuen irakurketa eta hauen inguruko hausnarketa.

Ikaskuntza autonomoa eta informazioaren antolaketa egokia IKTak erabiliz.



Oharra:



Unibertsitatearen nahiz Osasun agintarien aginduz, irakasgaiaren beraren presentzialtasuna aldatu beharko balitz, egin beharreko moldaketak irakasgaiaren eGelan argitaratuko lirateke.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Hurrengo atalean azaltzen dira (%): 100

Bertaratzen diren ikasleen gaitasunen jabetzea ebaluatzeko sistema:



AZTERKETA IDATZIA (%90 gehienez)

BANAKAKO ZEIN TALDEKAKO LANAK (%10 gutxienez)



Bertaratzen ez diren ikasleak

Irakasgaiaren zati teorikoa zein praktikoa jasoko ditu(zt)en proba idatzia(k), diziplinarteko proiektua dagokionean barne izango delarik. Kalifikazioaren %100 balioko du.



Etengabeko ebaluazioaren kasuan, azken probaren pisua bada irakasgaiko kalifikazioaren %40 baino handiagoa, nahikoa izango da proba horretara ez aurkeztea azken kalifikazioa "aurkezteke" izan dadin. Aldiz, azken probaren pisua bada irakasgaiko kalifikazoaren % 40 edo hori baino txikiagoa, deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino, gutxienez, hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari.



Oharra:



Urruneko ebaluazioa egiteko beharra sortuko balitz, irakasgaiaren eGelan argitaratuko lirateke egin beharreko moldaketak. Kasu horretan, nagusiki, eGelaren bidez UPV/EHUk komunitatearen eskura jartzen dituen baliabide telematikoak erabiliko lirateke. Baldin eta, salbuespenez, beste baliabide osagarriren bat erabili beharko balitz, ikasleei aldez aurretik jakinaraziko litzaieke.

Ikasgaiaren alderdi teorikoa eta praktikoa ebaluatuko dituen proba idatzia, diziplinarteko proiektua dagokionean barne izango delarik.



Etengabeko ebaluazioaren kasuan, azken probaren pisua bada irakasgaiko kalifikazioaren %40 baino handiagoa, nahikoa izango da proba horretara ez aurkeztea azken kalifikazioa "aurkezteke" izan dadin. Aldiz, azken probaren pisua bada irakasgaiko kalifikazoaren % 40 edo hori baino txikiagoa, deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino, gutxienez, hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari.



Oharra:



Urruneko ebaluazioa egiteko beharra sortuko balitz, irakasgaiaren eGelan argitaratuko lirateke egin beharreko moldaketak. Kasu horretan, nagusiki, eGelaren bidez UPV/EHUk komunitatearen eskura jartzen dituen baliabide telematikoak erabiliko lirateke. Baldin eta, salbuespenez, beste baliabide osagarriren bat erabili beharko balitz, ikasleei aldez aurretik jakinaraziko litzaieke.

- EHAA. 236/2015 DEKRETUA, abenduaren 22koa, Oinarrizko Hezkuntzaren curriculuma zehaztu eta Euskal Autonomia Erkidegoan ezartzen duena (EHAA, 2016-01-15).

- NCTM. Principios y estándares para la Educación Matemática. Sociedad Andaluza de Educación Matemática Thales. Sevilla, 2003.

Oinarrizko bibliografia

- Arrieta, Modesto. Matematikaren Didaktika. Lehen Hezkuntza II: Geometría eta Neurria. Euskal Herriko Unibertsitatea. Bilbo, 2001.

- Calderero Hernández, J.F. ¿Qué me pasa con las matemáticas? Ed. "El Rompecabezas". Madrid, 2005

- Castro, E., Castro. E., Rico, L. Números y operaciones. Fundamentos para una aritmética escolar. Ed. Síntesis, 1987.

- Hidalgo Alonso, Santiago. Las Matemáticas en el Titulo de Maestro. Consideraciones Teóricas, didácticas y prácticas. L. Diagonal. Segovia, 1997.

- National Council of Teachers of Mathematics. Principios y estándares para la educación matemática. Traducido por THALES, 2003.

Gehiago sakontzeko bibliografia

- Cirre Torres, F. J. Matemática Discreta. Anaya. Madrid, 2004.
- Gómez Alfonso, B. Numeración y cálculo. Síntesis. Madrid, 1988.
- Guzmán, Miguel de. Como hablar, demostrar y resolver en Matemáticas. Anaya. Madrid, 2003.
- Norman, L.C. El país de las mates para novatos. Un juego de aventuras con problemas matemáticos. Nivola. Madrid, 2000.
- Segarra, Lluís. Problemates. Colección de problemas matemáticos para todas las edades. Ed. Graó. Madrid, 2004 (3ª ed.). Madrid, 2003.

Aldizkariak

Suma
Uno
Sigma
Educación Matemática (Iberoamericana, de Santillana)
Thales

Web helbideak

www.ugr.es/~jgodino/edumat-maestros/welcome.html
www.educared.net/
www.divulgamat.net
www.zientzia.net
http://www.oma.org.ar/index.htm