Irakasgaiaren helburua da teknologiek eta bereziki IKTek hizkuntzen ikaskuntzan eta irakaslearen bizitza osoan zeharreko formazioan eskaintzen dituzten aukerak kritikoki baliatzen trebatzea eta teknologien inguruko hausnarketan sakontzea, euskarazko hezkuntzaren testuinguruan.



Jakintzak aniztasunean eta kolektiboki eraikitzeko gaitasuna garatuko du ikasleak, hainbat teknologiaren laguntzaz.



Irakasgai honek irakasle izateari lotutako hausnarketa bultzatzen du, bizitza osoan zeharreko formazioan teknologiek izan dezaketen garrantzia kritikoki eta aberastasunez aztertuz.



Irakasgai honetan, halaber, teknologia zehar-gaitasun gisa lantzen da, beste irakasgai edo zeregin batzuen euskarri gisa.

GAITASUNAK:

G03 HIZKUNTZEN IKASKUNTZA. KULTURA ANITZEKO TESTUINGURUAK

- Hezkuntza-proiektu eta ekimenetan hizkuntza eta kultura dibertsitatearekiko sentsibilitatez jokatzea.



G10 PRAKTIKARI BURUZKO HAUSNARKETA

- IKTek hizkuntzaren ikaskuntzarako duten balioaz jabetzea

- Sare sozialek lankidetzarako dituzten aukerak kritikoki baliatzea

- Bizikidetza-tresnen ikuspegia kontuan hartzea irakats-praktikari buruzko hausnarketan



G11 DOKUMENTAZIOA ETA INFORMAZIOA AUKERATZEA (IKT)

- Hizkuntzaren eta literaturaren inguruko dokumentazio-guneen ezagutza eta erabilera

- IKTak baliabide-iturri gisa erabiltzea eta kritikoki baloratzea



G13 KOMUNIKAZIO-KONPETENTZIAK

- Komunikatzeko erabil daitezkeen eta erabiltzen diren baliabide, estrategia, teknologia eta askotariko moduak ulertzea, komunikazio konpetentziaren ikuspegia zabaltzeko

- Komunikazio-konpetentziak eta teknologiak erlazionatzeko moduekin erlazionatzea.

1. GAIA - IRAKASLEEN GAITASUN DIGITALA.

2. GAIA - IKASLEEN GAITASUN DIGITALA.

3. GAIA - IKTak ETA EUSKARAZKO KULTURA EKOIZPENAK.

Ikasgelako eskola-orduetan saio dinamikoak eta partehartzaileak izango dira nagusi, bai (GA) gelako praktiketan eta bai (M) Magistralen modalitateetan. Ikasleek tresna teknologikoak erabiliko dituzte eskoletan (mobilak, tabletak, ordenagailu eramangarriak...).



Praktikak testuinguru errealera eramateko aukerak baliatuko dira.



Osasun egoeraren edota ez-ohiko bestelako egoeraren baten ondorioz bertaratzea murriztu beharko balitz, unibertsitateak ezarritako jarraibideen arabera egokituko lirateke irakasgaiaren metodologia eta ebaluazioa, eGela eta Webex bezalako tresnak erabiliz.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Ikus beheko jarraibideak (%): 100

Irakasgai honek IKTak erabiltzeko trebetasuna garatzea eskatzen duenez, ezinbestekoa da zeregin praktikoak gauzatzea, hausnarketa teorikoekin batera.



Irakasgai honen kalifikazioa honela osatuko da:



-Bakarkako lanak (% 40)

-Taldekako lanak (% 60)



Irakasgaia gainditzeko ezinbestekoa da ebaluazioa osatzen duten atal guztiak gainditzea.



Irakasgaia gainditzeko ezinbestekoa da hizkuntza koherentziaz, zuzentasunez eta egokitasunez erabiltzea, ahoz eta idatziz.



Osasun egoeraren edota ez-ohiko bestelako egoeraren baten ondorioz bertaratzea murriztu beharko balitz, unibertsitateak ezarritako jarraibideen arabera egokituko lirateke irakasgaiaren metodologia eta ebaluazioa, eGela eta Webex bezalako tresnak erabiliz. Dena dela, irakasgaiaren kalifikazio tresnak eta ehunekoak bere horretan mantenduko lirateke: taldekako lanak %60 eta bakarkako lanak %40.



Arrazoi desberdinengatik ebaluazio jarraituaren sistema segitu nahi ez duten ikasleek, beren nahia adierazi behar diote irakasleari, idatziz, irakasgaiaren 9. astea baino lehen. Hartara, eskubidea izango dute azken ebaluazio sistemaren bidez ebaluatuak izateko, ikasgaiaren %100eko balioarekin.



Ikasleak aurkeztu dezake eskaria deialdi bati uko egiteko, eskari hori ikasgaiko irakasleari idatziz helaraziz, beranduenez azterketa garai ofiziala hasi baino 10 egun lehenago.

Ezohiko deialdian ohiko deialdian erabilitako ebaluazio sistema bera jarraituko da.

IKT tresna desberdinak erabiliko dira eskoletan eta irakasgaiko lanak egiteko, besteak beste: eGela, webguneak, telefonoak, bideo eta argazki kamerak eta unean unean behar ditugun eta eskuragarri ditugun bestelako teknologiak eta materialak.

Oinarrizko bibliografia

Garmendia, M., Garitaonandia, C., Martinez, G. & Casado, M. A.(2010). Adingabeboak eta Internet. EU Kids Online sarearen gomendio politikoak. Jakin, (179), 51-63.



Garmendia, M., Jiménez, E., & Mascheroni, G. (2017). Riesgos y oportunidades en Internet y uso de dispositivos móviles entre menores españoles (2010-2015). Madrid: Red. es/Universidad del País Vasco.



Iruskieta, M., Maritxalar, M., Arroyo-Sagasta, A. & Camacho, A. (arg.) (2019). IKTak eta konpetentzia digitalak hezkuntzan. Bilbo: Udako Euskal Unibertsitatea eta Euskal Herriko Unibertsitatea.



Jiménez, E., Garmendia, M., & Casado, M. A. (2018). Entre selfies y whatsapps. Oportunidades y riesgos para la infancia y la adolescencia conectada. Barcelona: Gedisa.



Martín-Barbero, J. (2009). Cuando la tecnología deja de ser una ayuda didáctica para convertirse en mediación cultural. A. San Martín (koord.): Convergencia Tecnológica: la producción de pedagogía high tech [monografikoa sarean], Revista Electrónica Teoría de la Educación: Educación y Cultura en la Sociedad de la Información, Vol. 10, nº 1. Universidad de Salamanca. Sarean: http://www.usal.es/~teoriaeducacion/rev_numero_10_01/n10_01_martinbarbero.pdf



Quiñones, J. (2013). Reflexión crítica sobre la incorporación de las TIC a la educación formal, Solidaridad.net. Sarean: http://www.solidaridad.net/educacion-y-solidaridad/index.php/21-reflexion-critica-sobre-la-incorporacion-de-las-tic-a-la-educacion-formal



UNICEF. (2017). Estado mundial de la infancia 2017: Niños en un mundo digital. Sarean: https://www.unicef.es/sites/unicef.es/files/comunicacion/estado-mundial-infancia-2017.pdf

Gehiago sakontzeko bibliografia

Antos, G., Ventola, E. (2008). Handbook of Interpersonal Communication, HAL Vol. 2, 133-178. Berlin: Walter de Gruyter GmbH&Co.

GFA, Arteleku, Tabakalera (2011). Jolasean, (Bideo)jokoa kultura garaikidean. Zehar aldizkaria, 69.

Hardgreaves, A. (2003). Enseñar en la Sociedad del Conocimiento. Bartzelona: Octaedro.

Lasagabaster, D., Sierra, J.M. (argit.) (2005). Multilingüismo, competencia lingüística y nuevas tecnologías. Cuadernos de Educación - Interculturalidad. Bartzelona: ICE-HORSORI.

Rickheit, G., Strohner, H. (2008). Handbook of Communication Competence, HAL Vol. 1, 15-62. Berlin: Walter de Gruyter GmbH&Co.

Aldizkariak

Bat. Soziolinguistika aldizkaria. 66. zenb. Teknologi berriak eta euskara

Cuadernos de Pedagogía

Hik Hasi Aldizkaria

Tantak

Web helbideak

http://digitala.berritzegunenagusia.eus/home-page/

https://eizie.eus/eu/baliabideak/hizkuntza_baliabideak

https://euskaljakintza.com/baliabideak/

http://heziberri.berritzegunenagusia.eus/material-didaktikoa/

https://www.baieuskarari.eus/eu/baliabideak/hizkuntza-baliabideak-sarean

https://www.ehu.eus/eu/web/eukidsonline/hasiera

https://www.ehu.eus/es/web/euskara

https://www.etxepare.eus/eu/baliabideak

https://www.euskadi.eus/eusko-jaurlaritza/hezkuntza-euskara/

https://www.euskaltzaindia.eus/index.php?lang=eu

https://www.innova.euskadi.eus/informazioa/gaitasun-digitalak/v62-ikanoscd/eu/