Mikroekonomia irakasgaia nahitaezkoa da Enpresen Administrazio eta Zuzendaritza Graduan, Marketineko Graduan, Finantza eta Aseguruetako Graduan, bai eta Enpresen Administrazioa eta Zuzendaritza + Zuzenbidea gradu bikoitzean ere. Irakasgaiak Teoria Mikroekonomikoko edukiak garatzen ditu ondasun eta zerbitzuen merkatuen funtzionamendua aztertzeko. Zehazki, lehiakidetza inperfektuan aritzen diren merkatuen funtzionamendua aztertzen da, agente ekonomikoen elkarreraginean informazio asimetrikoaren ondorioak eta kanpo-eragin edo ondasun publikoen ondorioz sor daitezken merkatuaren huts egiteak landuz. Testuinguru horietan sor daitezkeen arazoak leuntzeko planteatu daitezkeen irtenbide batzuk ere aztertzen dira, bai eta merkatuaren ongizatean dituzten ondorioak eta agintari ekonomikoek hartu ditzaketen neurriak ere.



Horretarako, lehen ikasturteko Ekonomiarako Sarrera I: Mikroekonomiaren Oinarriak irakasgaian eskuratutako ezagutzak hartzen ditu abiapuntutzat, zehazki, kontsumitzailearen teoriatik, enpresaren teoriatik eta merkatu lehiakorren azterketatik. Gomendagarria da baita Matematika I eta Matematika II irakasgaietako ezaguerak barneratuta izatea, irakasgai hauetan analisirako beharrezko tresnak irakasten direlako.

Irakasgaia politika ekonomikoko edukiekin (politika fiskala eta merkatuen erregulazioa), zuzenbide estrategiko eta komertzialarekin (prezioen finkapen optimoa), eta enpresaren zuzenbideko edukiekin erlazionatua dago.



Irakasgaia ikasi ondoren, ikasleek merkatu jakin baten funtzionamendua deskribatzeko merkatu-teoriari buruzko zein balizko diren egokienak identifikatu ahal izango dute, eta tresna analitikoak izango dituzte merkatuaren esleipena eta ondoriozko ongizatea irudikatzeko eta kuantifikatzeko, eragileen arteko elkarrekintza estrategikoa kontuan hartzeko eta merkatu hutsegiteen aurrean esleipen efizienteak lortzera bideratutako politika publikoen eragina aztertzeko.



Lanbide-eremuari eta irteera-profilari dagokienez, mikroekonomia ondo ulertzea funtsezkoa da enpresa-erabakiak hartzeko, politika ekonomikoa formulatu eta ulertzeko eta, oro har, ekonomia modernoak nola funtzionatzen duen ulertzeko.



Irakasgaiaren konpetentziak erlazionatuta daude dimentsio desberdinetako Nazio Batuen Erakundeko 2030 Agendako Garapen jasangarriaren helburuekin (GJH):

- 2 GJH-a Zero Gose (2c helburua). Irakasgaiak merkatuek nola funtzionatzen duten erakusten du, beraz oinarrizko elikadura-produktuen eta bere eratorrien bezalako merkatu espezifikoei aplikatzeko baliagarria izan daiteke. (1, 2 eta 3. Gaiak).

- 3 GJH-a Osasuna eta ongizatea (3.8 helburua). Irakasgaiak eraginkortasun ekonomiko gabeziak identifikatzen eta ezabatzen erakusten du, honela ekonomiako baliabide nabarmenak helburu honetarako askatzen lagunduz. Prezioak igotzen dituen eta baliabideak txikiagotzen dituen merkatu boterearen analisia kontsumitzaileen eta gizartearen ongizatearen ikuspuntutik neurtzen da (1, 2 eta 3. Gaiak). Informazio asimetrikoaren efektuak mediku-aseguru merkatuan ere aztertzen dira (5. Gaia).

- 7 GJH-a Energia eskuragarria eta ez kutsatzailea (7.a helburuak). Jokoen Teoriako oinarrizko kontzeptuak aztertzen dira, Nazioarteko lankidetzaren aukerak teknologia arloan ikastea baimentzen dutelarik (4 Gaia).

- 13 GJH-a Klimagatik eragina (13.2 helburua) eta 12 GJH-a Ekoizpen eta kontsumo arduratsuak (12.2 12.c, 12.5 helburuak), 15 GJH-a Lurreko Ekosistemako Bizitza (15.2 helburua). Ingurumenaren kudeaketa eraginkorrari, jabetza komuneko ondasunei eta ondasun publikoei buruzko kontuak aztertzen dira, helburu hauetarako nabarmenak (6. Gaia).

Irakasgaia IKD i3 proiektuaren barruan dago.

GAITASUNAK



1.- Analisiari eta merkatuen funtzionamenduari arrazionaltasuna eman, enpresen eta famili ekonomien banakako portaeratik abiatuz.



2.- Agenteek elkarri eragiten dieten merkatuetan, helburuak emanik, aukera ezberdinek izan ditzaketen ondorioak ebaluatzeko eta onena aukeratzeko gaitasuna.



3.- Agenteek arrazionaltasunez jokatzen duten merkatuetan erlazio mikroekonomikoak ulertzeko eredu ekonomikoen eginkizuna ulertzea. Estrategia mikroekonomikoan eta gestioan izan ditzaketen ondorioak ulertzea.



4.- Ariketa mikroekonomiko batean aldagai garrantzitsuenak identifikatzeko gaitasuna.



5.- Politika mikroekonomiko ezberdinen ondorioak ulertu, horretarako beharrezkoak diren tresna grafikoak eta matematika erabiliz.



6.- Merkatuan lehiakidetza inperfektuko ariketak planteatzeko eta analitikoki ebazteko gaitasuna. Merkatu boterearen ondorioak eta merkatu boterea duten enpresen estrategia konpetitibo ezberdinak ulertzea.



7.- Merkatuetan informazio asimetrikoaren arazoei sorturiko erantzunak azaltzeko gaitasuna. Informazio asimetrikoak agente ekonomikoen arteko elkarreraginan eduki ditzaken ondorioak ulertzeko gaitasuna.



8.- Merkatuaren hutsegiteak eta hutsegite horiek konpontzeko sorturiko arau publikoak ulertzeko gaitasuna. Merkatuaren hutsegiteen ondorioak ulertzea.



IRAKASGAIAREN GAITASUN ESPEZIFIKOAK

E1. Merkatuen funtzionamenduarekin lotutako fenomeno ekonomikoak identifikatzea eta modelizatzea.

E2. Eredu mikroekonomikoen emaitzak interpretatzea, ekonomiari dagokionez.

E3. Oligopolioko, monopolioko eta lehia perfektuko merkatuetan enpresek erabakiak hartzeko modua ulertzea.

E4. Portaera estrategikoko ereduak mundu errealeko arazo ekonomikoekin lotzea.

GAITASUN ESPEZIFIKO HORIEK M02CM05 MODULUAREN KONPETENTZIEI LOTUTA DAUDE.



IRAKASGAIAREN ZEHARKAKO GAITASUNAK

Z1. Analisi- eta sintesi-gaitasuna (3. domeinu-maila: errealitate konplexu baten azterketaren emaitzak atera eta argudiatzen ditu, eta haren mugak ezartzen ditu).

Z2. Erabakiak hartzea eta arazoak konpontzea (2. menderatze-maila: arazoari nolabaiteko autonomia-mailarekin irtenbidea ematea proposatzen du).



IKASKETA EMAITZAK

E1: Merkatu-teoriari buruzko zer suposizio diren egokienak identifikatu merkatu erreal jakin baten funtzionamendua deskribatzeko.

E2: Eragile ekonomikoen arteko elkarrekintza estrategikoa aztertzea, informazio simetriko zein asimetrikoko baldintzetan.

E3: Merkatuaren esleipena eta ondoriozko ongizatea grafikoki irudikatzea eta kuantifikatzea.

E4: Merkatu-akatsen arabera esleipen eraginkorrak lortzera bideratutako politika publikoen eragina aztertzea.

E5: Txostenak egitea, Fakultatean ikasle guztientzat eskuragarri dauden informazioaren eta komunikazioaren teknologiak erabiliz, bai bakarka bai taldeka.



GARAPEN IRAUNKORRERAKO HEZKUNTZA-GARAPEN IRAUNKORREKO HELBURUAK (GIH): Gainera, iraunkortasuneko zeharkako gaitasunak lantzen dira. Horiek lortzeko, ikaskuntza helburu kognitiboak, giza-emozionalak eta konduktualak lantzen dira. Gaitasunak, helburuak eta emaitza konkretuak ikasleen gidetan daude adierazita. Emaitza hauen ebaluaketa, ebaluaketa jarraiko testuinguruan daude barneratuta.

Lehen zatia. Merkatu-egitura eta lehiatzeko estrategia



1- Merkatu-boterea: monopolioa eta monopsonioa



2- Prezioak finkatzea, merkatu-boterea egonik



3- Lehia monopolistikoa eta oligopolioa



4- Jokoen teoria eta lehiatzeko estrategia



Bigarren zatia. Informazioa, merkatuaren hutsegiteak eta Estatuaren zeregina



5- Informazio asimetrikodun merkatuak



6- Kanpo-eraginak eta ondasun publikoak

Klase magistralak: irakasgaia osatzen duten sei gaiak garatuko dira. Zehazki, klase magistraletan irakasgaiaren gorputz teorikoa garatuko da, kontzeptuak azalduz eta adibideen bitartez landuz. Arazo ekonomikoak planteatzen, analitikoki ebazten, grafikoki adierazten eta azkenik emaitzak arrazoi ekonomikoen bitartez azaltzen ikasiko da. Formalizazioari eta arrazoi ekonomikoen bidezko arrazoiketari berebiziko garrantzia emango zaio.



Klase praktikoak eta mintegiak: Klase praktiko eta mintegietan ariketak landuko dira. Ariketa hauek teoriko zein praktikoak izango dira eta klase magistraletan azaldutako kontzeptuak finkatzeko erabiliko dira. Klaseetan parte hartze aktiboaren garrantzia berebizikoa da. Klase praktikoetan, erantzun argi eta koherenteen elaborazioan trebatuko zara eta irakaslearekin argitu ditzakezue kontzeptuak aplikatzerakoan sortzen zaizkizuen zalantzak. Klase praktiko hauetan bai banakako ariketak bai taldeko ariketak landuko dira. Jarduera hauetan lantzen dira baita Nazio Batuen Erakundearen Garapen Jasangarrirako Helburuak.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Test motatako proba (%): 100

Ebaluazio-sistema, ikasturtean zehar aurrera eramandako jarduera hezigarri ezberdinetan partehartzeari buruzko balorazioan, eta azken proba batean oinarrituko da. Ebaluazio-irizpidea berbera izango da bi deialdietan, ohikoan eta ezohikoan.



Ebaluazio mistoan mintegi eta ikasgelako praktika bakoitzerako planifikatu diren jarduera hezigarri bakoitzean ikasleen partehartzea baloratuko da, eta irakasgaiari dagozkion konpetentziak lortzen doazen neurria. Azken notan ebaluazio jarraiak izango duen gehienezko pisua %25 izango da.



Irakasgaian aurreikusitako konpetentzien eskuratzea ebaluatzeko helburuaz idatzitako azken proba presentzial bat ere aurrera eramango da. Azkeneko proba honek bai ohiko deialdian bai ezohiko deialdian irakasgaiko notaren %100 lortzea baimenduko du.



Arrazoi estra-akademikoengatik azkeneko proba era presentzialean ezin bada egin, irakasgaiaren azkeneko proba mota aldatu ahal izango da. Hau ikasleei aurrerapen nahikoarekin iragarriko zaie, azkeneko probaren aldaketak jakinaraziz.



Irakasgaia gainditzeko 10eko eskalan ikasleak 5 atera beharko du. Azken proban ikasleak atera beharko duen nota minimoa 10-eko eskalan 4 izango da irakasgaia gainditzeko.



Ebaluazio-metodoa ohiko deialdian eta ez-ohiko deialdian berdina izango da, arrazoi estra-akademikoengatik bi deialdietako bat era presentzialean ezin bada egin izan ezik.



Deialdiari uko egitea: Azterketa egun ofizialean egin beharreko probara ez aurkezte hutsak ekarriko du automatikoki kasuan kasuko deialdiari uko egitea.

Ebaluazio-metodoa ohiko deialdian eta ez-ohiko deialdian berdina izango da, arrazoi estra-akademikoengatik bi deialdietako bat era presentzialean ezin bada egin izan ezik.

Ikasturtean erabiliko den materiala egelan izango duzue eskuragarri.

Oinarrizko bibliografia

- R.S. Pindyck y D.L. Rubinfeld, Mikroekonomia, 7. argitalpena, 2010, Argitaletxea: Deustuko Unibertsitatea.

- R.S. Pindyck y D.L. Rubinfeld, Microeconomía. 9º edición. Editorial: Pearson.

Gehiago sakontzeko bibliografia

- Varian, H.R., “Microeconomía Intermedia”. 8ª edición, 2011. Antoni Bosch Editor.
- Nicholson, W., “Teoría Microeconómica. Principios Básicos y Aplicaciones”. 9. edizioa. 2008. Editorial Cengage Learning.

Aldizkariak

Irakaskuntza honen arduraduna den irakasleak zehaztera.

Web helbideak

- https://www.un.org/sustainabledevelopment/es/objetivos-de-desarrollo-sostenible/
- https://www.cnmc.es/
- https://europa.eu/european-union/topics/competition_es