Makroekonomia irakasgaiak, ekonomia ikuspegi bateratu batez ulertzea du helburu, ekoizpenaren erabakiak, epe labur, epe ertain eta epe luzean ere, analizatuz.

Epe labur eta ertaineko epealdiak Ekonomiarako Sarrera II: Makroekonomiaren Oinarriak irakasgaian ikusi dira. Irakasgai horretan ikusitako kontzeptuak, barne-produktu gordina, langabezia-tasa eta politika fiskalaren eta ekonomia itxiko moneta-politikaren tresnak, sakondu egiten dira Makroekonomia irakasgaian. Kontzeptu hauek hiru lehen gaietan aztertuko dira. IS-LM ereduaren bitartez, epe laburrean ekoizpen-maila eta interes-tasa zeren araberakoak diren eta nola zehazten diren ulertarazten saiatzen gara, Banku Zentralaren eta politika fiskalaren paperak uler ditzaten ikasleek.

Hurrengo hiru gaietan, 4., 5. eta 6. gaietan, eskaintzaren aldea eta, honi lotuta, produkzioaren determinazioa aztertuko dira, epe ertainean erreparatuz. Horretarako, lan-merkatua barneratuko da eta inflazio eta langabeziaren arteko erlazioak erakutsiko dira. Azkenik, epe ertaineko produkzio, langabezia eta inflazioaren arteko harremanak aztertzen dira.

Ondoren, 7. gaiak epe luzeko produkzioaren determinazioa aztertzen du, hau da, hazkundeaz arduratzen gara. Aurrezkiak eta kapitalaren metaketak produkzioan nola eragiten duten ikasiko dugu.

Azkenik, 8. gaian ekonomia irekia aztertzen duen eredua eraikitzen da. Modu honetan produkzio, interes-tasa eta kanbio-tasa aldagaiak modu bateratuan determinatu daitezkeelarik, ondasunen merkatua eta merkatu finantzieroak mundu mailan irekiak daudenetan. Bukatzeko, politika fiskal eta moneta-politikek ekonomia irekiaren jardueran duten eragina aztertuz.



Mikroekonomia irakasgaian lortutako gaitasunak, tresna grafiko eta matematikoei dagokienez, oinarri dira Makroekonomia irakasgaia jarraitzeko. Era berean, hirugarren mailako Ekonometria irakasgaian egiten diren eredu makroekonomikoen kontraste enpirikoak ulertzeko oso baliagarria da Makroekonomia irakasgaia.

Makroekonomia irakasgaiak graduatu izango denari ekonomiaren jarduera ulertzeko eta politika fiskal eta moneta politikak jarduera honetan izango duten eragina aztertzeko tresnak ematen dizkio.



Osasun egoera dela-eta aurrez aurreko irakaskuntza eta ebaluazioa ezinezkoak balira, hurrengo ataletan azaldutako metodologia eta ebaluazioa aldatzeko eskubidean egongo lirateke irakasgaiko irakasleak.

IRAKASGAIREN GAITASUN ESPEZIFIKOAK

1.- Aldagai makroekonomiko nagusienak nola determinatzen diren jakitea: produkzioa, inflazioa, interes tasa ...

2.- Makroekonomia ikuspegi bateratu batez ulertzea, ekonomiaren portaera epe labur zein epe ertainean azalduko duena.

3.- Politika fiskal eta moneta politikaren eraginak aztertzea , epe labur eta ertainean.

4.- Langabeziaren determinanteak identifikatzea eta politikek langabeziaren gainean izan dezaketen eragina ulertzea.

5.- Hazkundearen azpiko faktoreak eta ekonomiaren funtzionamendua epe luzean ulertu.

6.- Inflazio eta langabeziaren arteko erlazioak ulertzea.

7.- Ikasitako ereduak behatutako gertakari errealekin erlazionatzea.



HELBURUAK

1.- IS-LM eredua erabiltzea ekonomia itxietan errenta eta interes tasen gainean moneta-politika eta politika fiskalaren eraginak aztertzeko.

2.- Langabeziaren eta inflazioaren arteko erlazioa ulertzea.

3.- IS-LM-PK eredua erabiltzen jakitea politika ekonomikoen eragina aztertu ahal izateko.

4.- Denboran zeharko produkzio agregatuaren hazkunde jarraitua ulertu.

5.- IS-LM eredua erabiltzea kanbio-tasa finko eta malguko ekonomietan moneta-politika eta politika fiskalaren eraginak aztertzeko.



IKASKETAREN EMAITZAK

1.- Aldagai makroekonomiko garrantzitsuen kontzeptuak eta hauen determinazioaren bideak ezagutu: barne produktu gordina, langabezia-tasa eta inflazio-tasa.

2.- Ekonomia itxi bateko IS-LM erlazioa lortu epe labur zein ertainean.

3.- Epe laburrean ekonomia ireki bateko IS-LM erlazioa lortu.

4.- Lortu diren emaitzan termino ekonomikotan azaltzen jakin.

5.- Datuak interpretatzen jakin ikuspuntu sozial eta ekonomikotik garrantzitsuak diren gaiei buruz iritziak emateko.



IRAKASGAIAREN ZEHARKAKO GAITASUNAK

1.- Hainbat iturri erabiliz informazioa bilatzen, laburbiltzen eta aztertzen jakin.

2.- Arrazoitutako iritziak eman eta txosten argi eta koherenteak lantzearen gaitasuna garatu.

3.- Norberaren prestakuntzarako beharrezkoak diren trebetasun autonomoarekin lotuta dauden gaitasunak landu.

1. Ondasunen merkatua

2. Finantza-merkatuak

3. IS-LM eredua

4. Lan-merkatua

5. Phillips-en kurba

6. IS-LM-PK eredua

7. Hazkunde ekonomikoa

8. Ekonomia irekia

ARGIBIDEAK

Atal nagusia azalpenerako klase magistralak dira; hauetan irakasgaia osatzen duten gaiak garatuko dira. Praktika eskoletan irakasleak ikasgaiari buruzko ariketak egingo ditu. Mintegietan ikasleek, banaka eta talde lanean, klase magistraletan eta praktiketan aztertutako gaiei buruzko test erako zenbait galderei erantzungo diete eta galdera teorikoak eta kasu praktikoak ebatziko dituzte.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 70
  • proba/k (%): 30

Ebaluazioa jarraia izango da:

1. Proba bat edo gehiago egingo ditugu eta hauen ingurukoak kurtsoaren hasieran zehaztuko ditugu. Guztira azken notaren % 30 ingurukoa izango da (% 40 gehienez) .



2. Azken azterketaren pisua azken notaren % 70 izango da (% 60 gutxienez). Dekanotzak ezarritako datan egingo da. Proba honetan test galderak, zein ariketa teoriko eta praktikoak egin ahal izango dira. Ikasleren bat ez bada proba honetara aurkezten bere nota ez aurkeztua izango da.

Oharra: Nahi izanez gero, ikasleak azken azterketa egin dezake zuzenean eta bertan lortutakoa izango da notaren % 100. Edozein kasutan kalifikazioa bi hauen arteko maximoa izango da: a) % 100 azken azterketa eta b) ebaluazio jarraituan ateratakoa. Azken probara aurkezten ez den ikasleak ez aurkeztua jasoko du.

Ebaluazioa azken azterketa bat izango da notaren % 100 balioko duena. Ikasleak programaren edozein gairi buruzko ariketa praktiko zein teoriko erantzun beharko ditu

BLANCHARD, O. "Macroeconomía", 2017, 7. edizioa, 2017. Pearson argitaletxea

Oinarrizko bibliografia

Oinarrizko Bibliografia:

BLANCHARD, O. "Macroeconomía", 2017, 7. edizioa. Pearson argitaletxea.

Gehiago sakontzeko bibliografia

Sakontzeko bibliografia:

- BELZUNEGUI, B., J. CABRERIZO, R. PADILLA eta I. VALERO, "Macroeconomía: Problemas y Ejercicios Resueltos", 2007, Prentice Hall argitaletxea.
- DELONG, B. eta OLNEY, M., "Macroeconomía", 2007, 2. edizioa. McGraw-Hill argitaletxea.
- DORNBUSCH, FISCHER y STARZ, "Macroeconomía", 2009, 10. edizioa. McGraw-Hill argitaletxea.
- KRUGMAN, P. and WELLS, R.,"Introducción a la Economía. Macroeconomía", 2007, Ed. Reverté.

Web helbideak

www.pearson.es/blanchard
www.ine.es
www.bde.es
www.ecb.int
www.oeced.org
www.imf.org