Irakaskuntzaren helburua ekuazio diferentzial arrunten zenbakizko soluzioa hurbiltzeko Zenbakizko Analisiak eskaintzen dituen oinarrizko metodorik eta tresnarik garrantzitsuenetako batzuk sistematikoki aurkeztea da.Kurtsoan zehar ezinbestekoa da ordenagailu praktikak burutzea bai programazio zientifikoko lengoai batez edota ikasitako metodo batzuk aplikatu eta kudeatu egiten duten pakete informatikoak erabiltzen. Ikasgai hau, bigarren mailako Zenbakizko Metodoak I ikasgaiarekin eta hirugarren mailako Ekuazio Diferentzialak eta Eredu Matematikoak ikasgaiekin erlazionatuta daude.

GAITASUNAK



M05CM01 - Zenbakizko kalkuluko oinarrizko tresnak ezagutzea eta problemak ebazteko balio duten algoritmo edo metodo konstruktiboetan bihurtzea.

M05CM02 - Ikasitako zenbakizko metodoak ordenagailuaz programazio lengoai estrukturatsuaz inplementatzea eta modu eraginkorrez aplikatzea.

M05CM03 - Ikasitako metodo batzuk aplikatu eta kudeatu egiten duten pakete informatikoak erabiltzea eta oinarri bezala integratzea norberak egindako programetan.

M05CM04 - Errorearen analisia, lan konputazionala eta beste ezaugarrien arabera, problema bereziaren gainean metodo bakoitzaren erabilpenaren egokitasuna aztertzea.

M05CM05 - Simulazio baten bidez lortutako emaitzak balioztatu, irudikatu eta ondorioak atera.



IRAKASGAIA IKASTEAREN EMAITZAK

Hastapen baldintzetako problemak eta ekuazio diferentzial arrunteko sistemak zenbakizkoki ebazteko balio duten metodorik garrantzitsuenak ezagutzea eta aplikatzen jakitea.

1. ZENBAKIZKO INTERPOLAZIORAKO SARRERA:

Interpolazio polinomiala. Lagrange-ren interpolazioa. Hermite-ren interpolazioa. Interpolazio arrazionala.



2. ZENBAKIZKO INTEGRAZIO ETA DERIBAZIO METODOAK: Newton Cotes-en formulak. Richardson-en estrapolazioa.Romberg-en integrazioa. Integrazio orokorreko formulak. Koadratura Gaussiarra.





EKUAZIO DIFERENTZIAL ARRUNTEN ZENBAKIZKO EBAZPENA



3. SARRERA: Ordena murrizketa handitik txikira. Diferentzi linealen ekuazioak. Euler-en metodoa.



4. URRATS BATEKO METODOAK. R-K: Runge-Kutta metodoak. Runge-Kutta metodoen egonkortasuna.



5. URRATS UGARIKO METODO LINEALAK: Urrats ugariko metodo linealen egonkortasuna; Aurresan-zuzentzaile metodoak; Aurresan-zuzentzaile metodoen egonkortasuna.



6. DIFERENTZIA ATZERAKORREKO METODOAK: Diferentzia atzerakorreko Adams metodoak. BDF formula.



7. STIFF SISTEMAK: Kontzeptuaren interpretazioa. Egonkortasunaren definizioa Stiff sistemetan. Esponentzialaren Pádè-ren hurbilketak. Stiff sistemetarako metodoak.



EDUKI PRAKTIKOAK

Ikasgaiaren zati teorikoan ikasten eta analizatzen diren zenbait algoritmoak aplikatzen dituen ordenagailu praktikak egin behar dira.

Eskola magistraletan ikasgaiaren eduki teorikoak garatuko dira bibliografian agertzen diren oinarrizko erreferentziei jarraituz. Eskola teorikoekin batera ariketa saioak eskainiko dira ere gelako praktikak), azken hauetan ikasleei erantzuteko galderak proposatuko zaie, non eskola teorikoan garatutako kontzeptuak aplikatzen diren. Mintegietan ikasgaiaren edukiari lotutako galdera eta adibidea esangarriak garatuko dira. Mintegia burutu baino lehenago ikasleei galdera eta adibideak bideratuko zaie saioan bertan hausnarketa eta eztabaida sustatzeko. Hortaz gain ikasgaiaren gaitasunaz jabetzeko ordenagailu praktikak egingo dira.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 60
  • Praktikak egitea (ariketak, kasuak edo buruketak) (%): 20
  • Banakako lanak (%): 20

Idatzizko azterketak (notaren %60)

Ordenagailu programak (notaren %20)

Banakako problemak eta lanak (notaren %20)



Azterketan gutxienez 4,00ko nota ateratzea ezinbestekoa da aurretik zehaztutako portzentaiak eta irizpideak gauzatzeko.



Ordenagailu praktikak bikoteka egingo dira. Talde bakoitzak bere praktikak era autonomoan egingo ditu, hau da, haien edukiak beste taldeekin konpartitu gabe. Baldin bi taldeen arteko programen egituran antzekotasun nabariak aurkitzen badira, praktika hauek automatikoki baliogabeak geratuko dira. Praktiken entrega derrigorrezkoa da ebaluazio indibidualean parte hartzeko eskubidea izateko. Ordenagailu praktiken banakako ebaluazioa programen aurkezpena edo azterketa izango da, non gaitasunen menderatzea bermatzen den eta norberaren nota zehaztea posiblea den.



Ikasturteko bigarren lauhilabetekariaren lehenengo 9 astetan zehar eskatzen duten ikasleek ebaluazio jarraituari uko egiteko eskubidea izango dute. Horretarako, irakasgaiko koordinatzaileari sinatutako dokumentuan jakinarazi behar dio. Orduan, irakasgaiaren gaitasunen menderatzea bermatzen duen "ebaluazio bakarreko" modalitateaz ordeztuko da. Ebaluazio mota hau proba bakar batez ala zenbait probetaz osatuta egongo da, besteak beste, idatzizko azterketa, irakasgaiaren gaitasunekin eta edukiekin erlazionatutako materialei buruzko ahozko aurkezpena edo programazio azterketa praktikoa.



Deialdi bakoitzeko azterketako data ofizialean aurkezten ez diren ikasleak deialdiari uko egin dioten bezalakoak hartuko dira eta irakasgaiko irakasleek horrela erregistratuko dute.



Ebaluazio-probak egiten diren bitartean, baldin eta irakasgaiko irakasleriak berariaz eta idatziz baimendu ez badu, debekatuta dago liburuak, oharrak edo apunteak erabiltzea. Baita gailu elektronikoak, telefonikoak, informatikoak edo bestelakoak erabiltzea debekatuta dago ere. Banakako probetan, debekatuta dago pertsonen arteko edozein motatako lankidetza eta material akademikoa partekatzea. Irregulartasunen bat, jardunbide araugabeko bat edo iruzur antzemanez gero, "UPV/EHUko ebaluazio probetan eta lan akademikoetan jokabide makur eta iruzurrezkoak eragozteari eta etika akademikoari buruzkoa" protokoloan esandakoa aplikatuko da. Araudi hori esteka honetan kontsulta daiteke:



https://www.ehu.eus/es/web/estudiosdegrado-gradukoikasketak/akademia-araudiak



Aipatutako protokoloan zehapen-araubidea aipatzen da, "Decreto de 8 de septiembre de 1954 por el que

se aprueba el Reglamento de disciplina académica de los Centros oficiales de Enseñanza Superior y de Enseñanza Técnica dependientes del Ministerio de Educación Nacional, que recoge las acciones consideradas infracciones, y las posibles sanciones a imponer tras su comisión", non 5.4 artikuluan "hutsegite larritzat" jarrera batzuk zehazten diren, besteak beste, "La suplantación de personalidad en actos de la vida docente y la falsificación de documentos".



Ebaluazio-probak aurrez aurre egingo dira, baldin eta egungo egoerak baimentzen badu eta agintari eskudunek ez badute horren aurkako agindurik ematen.

Ezohiko deialdian ohiko deialdian aplikatutako ebaluazio irizpide berberak erabiliko dira. Idatzizko azterketaz gain proposatutako jarduera osagarri ebaluagarriak gainditu gabe edukitzeak ez du jarduera horiek burutzeko behar diren ezagutza eta gaitasuna frogatzetik salbuesten. Beraz, irakasleak ezagutza horiek balioztatzea bermatzen duen proba bat proposa dezake. Behin betiko notan proba horren balioa ohiko deialdian bezainbeste proportzioan kontutan hartuko da. Proposatutako proba ahozko aurkezpena, ordenagailuarekiko saioa, banakako lana prestatzea zein jarduera osagarrietan ikasitako ezagutza praktikoen idatzizko deskribapena.

e-gela webgunean argitaratutako edukiak.

Oinarrizko bibliografia

D.F. Griffiths and D.J. Higham: Numerical Methods for O.D.E. Initial Values Problems, Springer, 2010.



E. Hairer and S.P. Nørsett, and G. Wanner: Solving Ordinary Differential Equations I. Non-Stiff Problems. Springer, 1987.



M.H. Holmes: Introduction to Scientific Computing and Data Analysis, Springer, 2016.



S.D. Lambert: Numerical Methods for Ordinary Differential Systems. John Wiley & Sons, 1991.



C.D. Moler: Numerical Computing with MATALB. SIAM 2004.



J. Stoer, R. Bulirsch: Introduction to Numerical Analysis. Springer, 1983.



L.F. Shampine and I. Gladwelll and S, Thompson: Solving O.D.E. with MATLAB. Cambridge, 2003.

Gehiago sakontzeko bibliografia

J.C. Butcher: The Numerical Analysis of Ordinary Differential Equations. John Wiley & Sons, 1987

E. Hairer, S.P. Nørsett, G. Wanner: Solving Ordinary Differential Equations II. Stiff and Differential-Algebraic Problems. Springer, 1996.

L.N. Trefethen and A. Birkisson and T.A. Driscoll: Exploring ODEs. SIAM 2018.

Web helbideak

Octave: https://www.gnu.org/software/octave/index

Python: https://www.scipy.org/

C & C++ (GNU): https://www.gnu.org/software/gsl/

netlib: http://www.netlib.org/