Biokimika Medikoa Medikuntza Graduko “Giza Gorputzaren morfologia, egitura eta funtzioa“ delako 1 moduluko gaia da. 1. mailako derrigorrezko gai honetan gizakiaren metabolismoan sakontzen da patologiaren eta ekintza medikoaren ulermenak eskatzen dituen berezitasunak kontutan hartuz. Biokimika Medikoaren ikaskuntza helburuak hurrengo mailatan lantzen diren zenbait gairen oinarri garrantzitsuak dira, hala nola 2. eta 3. mailatako Giza Fisiologiarekin, Farmakologiarekin edo Patologia Orokorra eta Klinikarekin lotutakoak; hauetan bereziki garrantzitsua da metabolismoaren oinarriak, ehunen espezializazio metabolikoa eta integrazio organikoaren funtsa ezagutzea.

Aurretik Oinarrizko Biokimika menperatuta duten ikasleek ez dute azarorik izango gai hau arrakastaz burutzeko.

Biokimika medikoan lortu beharreko ikaskuntza emaitzak hurrengoak dira:

1- Gizakiaren metabolismoaren antolakuntza orokorra eta nutrizioaren oinarrizko hastapenak ulertzea

2- Gizakiaren bide metaboliko nagusiak eta beren erregulazioa eta gorputzeko integrazioa ezagutzea

3- Gizakiak dituen xenobiotikoen eliminaziorako baliabide orokorrak ulertzea

4- Adierazle metabolikoen analisi prozedurak gainberiraketaz gauzatzea eta emaitzak interpretatzea.

I. KAPITULUA. METABOLISMOAREN HASTAPENAK

Bioenergetikaren hastapenak. Mitokondrioko ATP sintesia. Erradikal askeak, oxigenotik eratorritako espezie erreaktiboak (ROS) eta antioxidatzaileak. Xenobiotikoen metabolismoa.

II. KAPITULUA. KARBOHIDRATOEN METABOLISMOA

Glukosaren eta glukogenoaren metabolismoa.

Pirubato deshidrogenasa konplexu multientzimatikoa eta azido trikarboxilikoen zikloa.

III. KAPITULUA. LIPIDOEN METABOLISMOA.

Dietako lipidoen asimilazioa eta metaketa

Lipidoen katabolismoa

Lipidoen biosintesia

Lipoproteinen metabolismoa

IV. KAPITULUA. METABOLISMO ENERGETIKOAREN INTEGRAZIOA

Karbohidratoen, lipidoen eta aminoazidoen metabolismo energetikoaren integrazioa gizakian

V. KAPITULUA. NITROGENODUN KONPOSATUEN METABOLISMOA

Aminoazidoen metabolismoa

Nukleotidoen metabolismoa

VI. KAPITULUA. METABOLISMOAREN AZTERKETARAKO LABORATEGIKO PROZEDURAK

Gaiaren garapenean metodologia ezberdinak erabiltzen dira.



Azalapen eskolak. Eskola magistraletan oinarrizko kontzeptuak lantzen dira. Jarduera mota honetan presentzialtasunak garrantzi handia dauka metabolismoaren konplexutasunak ulertzeko azalpenak eta baliabideak emango baitira. Jarduera mota honi lotuta ikasle bakoitzak lan autonomoa egin beharko du eskolatako materialarekin eta emandako bibliografiarekin.



Mintegiak eta gidatutako lanak. Jarduera mota hauetan ikasleak elkarlanean arituko dira, talde txikitan, gai espezifiko eta osagarrietan sakontzeko.



Gelako praktikak. Hauetan ikasleek ikasgai teorikoetan landutako kontzeptuei buruzko eta eduki osagarriei buruzko problemen ebazpenean eta aplikazio lanean esku hartuko dute taldekako lanean.



Ordenagailu praktikak. Banaka edo binakako lanean aplikazio informatikoak erabiliz bide metabolikoei eta iturri bibliografikoei buruzko ariketak ebatziko dira.



Laborategiko praktikak. Taldekako lanean praktika ezberdinak burutuko dira adierazle metabolikoen analisi prozeduratan eta emaitzen interpretazioan saiakera bidez sakontzeko.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Praktikak egitea (ariketak, kasuak edo buruketak) (%): 10
  • alde lanak (arazoen ebazpenak, proiektuen diseinuak) (%): 10
  • Lanen, irakurketen... aurkezpena (%): 5
  • Froga mistoa, test motako eta idatzizko galderekin. (%): 75

Gaiaren eduki teorikoak (batez ere eskola magistraletan landutakoak) idatzizko 2 froga mistoren bidez ebaluatuko dira. Lehenengo azterketa dagokion materia landu ondoren (lauhilabetekoaren erdi aldean) egingo da eta bigarrena amaieran. Bigarrenean lehenengo froga errekuperatu ahal izango da. Gainerako jardueren ebaluazioa txostenen, ahozko aurkezpenen eta ariketen bidez egingo da gaiaren garapenean zehar. Guzti hauei buruzko xehetasunak, ebaluazio irizpideak eta modalitate ezberdinetan lortu beharreko helburuak Ikaslearen gidan zehazten dira.

Ikasgaia gainditzeko ebaluazio froga ezberdin guztiak gainditu behar dira.



Uko egitea:

Graduko Titulazio Ofizialetako Ikasleen Ebaluaziorako Arautegia jarraituko da: (http://www.ehu.eus/eu/web/estudiosdegrado-gradukoikasketak/ebaluaziorako-arautegia)

1.- Deialdiari uko egiten dioten ikasleek «aurkezteke» kalifikazioa jasoko dute.

2.- Etengabeko ebaluazioaren kasuan, deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino, gutxienez, hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari.



ETENGABEKO EBALUAZIOARI UKO EGITEA

Graduko Titulazio Ofizialetako Ikasleen Ebaluaziorako Arautegiaren arabera (http://www.ehu.eus/eu/web/estudiosdegrado-gradukoikasketak/ebaluaziorako-arautegia) Ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du lauhilekoko irakasgaien kasuan, ikastegiko eskola egutegian zehaztutakoarekin bat lauhilekoa edo ikasturtea hasten denetik kontatzen hasita. Irakasgaiaren irakaskuntza gidan epe luzeagoa ezarri ahal izango

Graduko Titulazio Ofizialetako Ikasleen Ebaluaziorako Arautegiaren arabera ezohiko deialdietan irakasgaia ebaluatzeko sistema bakarra azken ebaluazioa izango da.

Ezohiko deialdian egin beharko diren frogak ebaluazio jarraieko frogen baliokideak izango dira. Ebaluazio irizpideak eta modalitate ezberdinetan lortu beharreko helburuak Ikaslearen gidan zehazten dira.

Azterketa egun ofizialean egin beharreko probara ez aurkezte hutsak ekarriko du automatikoki kasuan kasuko deialdiari uko egitea.

Ez dago.

Oinarrizko bibliografia

- Devlin T.M. Bioquímica, 4ª ed., Ed. Reverté, 2004.

- Nelson D.L., Cox M.M. Principios de Bioquímica de Lehninger, Omega, 2009.

- Mathews C.K, van Holde K.E., Ahern K.G. Bioquímica, 3ª ed, Addison Wesley, 2003.

- Berg J.M., Tymoczko J.L., Stryer L.,. Bioquímica, 6ª ed, Reverté, 2008.

- Salway J.G. Metabolism at a glance, 3rd ed., Blackwell Publishing, 2004.

- Frayn K.N. Metabolic regulation. A human perspective, 3rd ed., Wiley-Blackwell, 2010.

Gehiago sakontzeko bibliografia

- Baynes J.W., Dominiczak M.H. Bioquímica Médica, 2ª ed. Elsevier Mosby, 2006.
- Garret R.H., Grisham C.M. Biochemistry, Saunders College Publishing, 1999.
- Smith C., Marks A.D., Lieberman M. Bioquímica básica de Marks. Un enfoque clínico. 2ª ed., McGraw-Hill Interamericana, 2006.
- Wilson K., Walker J. Principles and techniques of practical Biochemistry, 5th ed., Cambridge Univ. Press, 2000.

Web helbideak

The medical biochemistry page http://themedicalbiochemistrypage.org/
The National Center for Biotechnology Information http://www.ncbi.nlm.nih.gov/