Anatomia Patologiko Orokorra 3. mailako oinarrizko gaietako bat da. Prozedura Diagnostiko eta Terapeutikoak moduluaren barruan dago eta haren osagarria da 4. mailako Anatomia Patologiko Berezia irakasgaia.



Irakasgaia honetan ikasten dira oinarrizko prozesu patologikoak eta giza gorputzean gaixotasunak sortzen dituen aldaketa morfologiko makroskopikoak eta mikroskopikoak. Giza Anatomia eta Histologiarekin erlazionatzen da eta oinarria da maila klinikoetan ikasten diren prozesu patologikoak ulertzeko.



Ematen diren ezaguerak ondo ulertzeko eta ondo erabiltzeko, oinarri ona behar da Giza Anatomian eta, batez ere, ehunen eta organoen egitura normala, hots, Giza Histologia, oso ondo ezagutu behar da.



Ikasturtean zehar, kasu klinikoen bidez, aurkikuntza morfologikoak erlazionatu egiten dira pazienteek erakusten dituzten sintoma eta zeinuekin, gaixotasunen arabera. Hau da Morgagnik sortutako metodo anatomo-klinikoaren oinarria, Medikuntza Garaikidearen abiapuntua.



Horrez gain, Anatomia Patologikoa deritzon espezialitate medikuaren kokapena eta eginkizuna osasun sistemaren barruan, hark erabiltzen dituen lan-metodoak eta gainerako zerbitzu mediku eta kirurgikoekin duen erlazioa.

Gaitasuna:Anatomia Patologikoaren zeregina ezagutzea mediku-laguntzan, irakaskuntzan eta ikerkuntzan.

Ikaskuntza emaitzak: Anatomia Patologikoa kokatzen du osasun eta irakaskuntza sistemen barruan. Anatomia Patologikoaren metodo diagnostikoak (oinarrizkoak eta osagarriak) deskribatzen ditu.



Gaitasuna: Normaltasunaren eta gaixotasunaren arteko desberdintasunak ezagutzea giza gorputzean, gaixotasunak aldaketa makroskopiko eta mikroskopikoekin erlazionatuz.

Ikaskuntza emaitzak: Prozesu patologikoetan ikusten diren zelulen aldaketak identifikatzen ditu eta deskribatzen ditu.



Gaitasuna: Minbiziaren sailkapenen garrantzia ezagutzea. Morfologiaren, hedapenaren eta pronostikoaren artean dagoen erlazioa ezagutzea. Immunohistokimikaren, biologia molekularraren eta genetikaren garrantzia ezagutzea minbiziaren diagnostikorako, pronostikorako eta tratamendurako.

Ikaskuntza emaitzak: Tumore onberen eta gaiztoen oinarrizko ezaugarriak identifitzen ditu. Nomenklatura erabiltzen du tumoreen sailkapen histogenetikoaren arabera. Tumore baten hedapena interpretatzen du, TNM sailkapenaren arabera.

1. Anatomia Patologkoa. ¿Zer da eta zertarako? Metodoak Anatomia Patologikoan.

2. Zelulen heriotza eta zelulen egokitzea.

3. Asaldura hemodinamikoak.

4. Tronbosi, enbolia eta infartua.

5. Hanturaren patologia. Konpontzea eta orbaintzea.

6. Infekzioen alde anatomopatologikoak.

7. Immunitate sistemaren patologia.

8. Neoplasiak.

Maisu-eskolak. Irakasleak gai zehatz baten oinarrizko eta garrantzizko aldeak azalduko ditu.



Gelako praktikak. Kasu klinikoak aurkeztuko dira eta ikasleek, emandako informazioaren arabera eta maisu-eskolan hartutako ezagueren arabera, galderei erantzuna eman behako diete. Funtsean, proiektaturiko irudietan ikusten diren aldaketa morfologikoak deskribatu behar dira eta datu klinikoekin erlazionatu, diagnostiko bat lortzeko asmoz.

Mintegiak. Maisu-eskoletan eta gelako praktiketan ikusitako irudien berrikuste interaktiboa.

• Azken Ebaluazioaren Sistema

Maisu-eskoletara, gelako praktiketara eta mintegietara joatea beharrezkotzat jotzen da. Jarduera horietan azaltzen den edozer gauza, ebaluazioan sar daiteke.

Bai irudi proba bai test proba, biak gainditu behar dira irakasgaia gainditzeko.

Probetako bat edo proba biak ez egiteak “Ez aurkeztua” kalifikazioa ekarriko du eta ulertu egingo da ikasleak deialdiari uko egiten diola.

Ezohiko deialdian ebaluazio irizpideak ohiko deialdiko berberak izango dira:

- Irudi proba (azken notaren %30)

- Test proba (azken notaren 70%)

Bai irudi proba bai test proba, biak gainditu behar dira irakasgaia gainditzeko.

Probetako bat edo proba biak ez egiteak “Ez aurkeztua” kalifikazioa ekarriko du eta ulertu egingo da ikasleak deialdiari uko egiten diola.

Oinarrizko bibliografia

- Kumar, Abbas, Aster. Robbins y Cotran Patología Estructural y Funcional. Ed. Elsevier.

- Kumar, Abbas, Aster. Robbins y Cotran Patología Humana. Ed. Elsevier.

- Mitchell, Kumar, Abbas, Fausto, Aster. Compendio de Robbins y Cotran Patología estructural y funcional. Ed. Elsevier.

- Oliva Aldamiz H. Esquemas de Anatomía Patológica General. Ed. Ergon

- Cross. Underwood´s Pathology: A clinical approach. Ed. Churchill Livingston. Elsevier.