Ikasgai honek gaixotasunekiko lehenengo kontaktua eskaintzen du. Sindrome nagusien arrazoi orokorrak (etiologia), mekanismoak (patogenia), fisiologiaren alterazioak (fisiopatologia) eta adierazpen kliniko orokorrak (semiologia) ikasten dira.



Patologia eta Klinika Medikoa I eta II izeneko ikasgai klinikoen sarrera modukoa dela esan dezakegu, baita karreraren hurrengo kurtsoetan gauzatuko diren errotazioen atarikoa ere.

Aparatu kardiozirkulatorio, digestio-aparatu, nerbio-sistema, aparatu nefrourologiko, arnas aparatu, gaixotasun tumoral, sistema endokrino, metabolismo, odol, lokomozio-aparatu eta adineko pertsonen patologia nagusiak ezagutzea eta diagnostikatzea.



Patologia desberdinei bideratutako anamnesi osoa egiten jakitea bere esanahia interpretatuz.



Aparatuen eta sistemen azterketa fisikoa eta balorazio psikopatologikoa ere egiten jakitea eta haien esanahia interpretatzea.



Adin guztietan parametro klinikoen aldaketak baloratzen jakitea.



Diagnostiko sindromiko eta diferentziala egin.

PROGRAMA TEORIKOA Gai-zerrenda:



Aurkezpena eta atal orokorra



1. Patologia orokorra: aurkezpena, kontzeptua eta ikasgaiaren egitura.

2. Eragile biziek sortutako gaixotasunak.

3. Eragile kimikoek sortutako gaixotasunak.

4. Eragile fisikoek sortutako gaixotasunak.

5. Mekanismo genetikoen alterazioek sortutako gaizotasunak.

6. Zahartzearen fisiopatologia.

7. Sukar-sindromea.

8. Sentikortasunaren eta immunitatearen alterazioek sortutako gaixotasunak.

9. Neoplasia eta tumoreen patologia.



Arnas aparatua



10. Arnas sakontasunaren eta erritmoaren alterazioak. Disnea.

11. Arnas gutxiegitasuna.

12. Arnas gutxiegitasunaren ondorioak. Anoxia. Hiperkapnia. Zianosia.

13. Pleura eta mediastinoaren patologia orokorra.



Zirkulazio-aparatua



14. Bihotz-gutxiegitasuna.

15. Balbulopatiak.

16. Bihotz-erritmoaren eta kondukzioaren alterazioak.

17. Gutxiegitasun koronarioa.

18. Perikardioaren patologia orokorra.

19. Presio arterialaren patologia orokorra: hipertentsio arteriala, shocka eta sinkopea.

20. Zirkulazio periferikoaren patologia orokorra: arterietako eta zainetako gutxiegitasuna.

21. Birika-zirkulazioaren patologia orokorra.



Hematologia



22. Sail gorriaren patologia orokorra. Sindrome anemikoa. Poliglobuliak.

23. Leukozitoen patologia orokorra.

24. Tronbosiaren eta hemostasiaren patología.



Nefrologia



25. Giltzurruneko gutxiegitasun akutua.

26. Giltzurruneko gutxiegitasun kronikoa.

27. Glomeruluaren, tubuluen eta interstizioaren patologia orokorra.



Digestio-aparatua



28. Hestegorriaren patologia orokorra. Disfagia.

29. Urdailaren mugikortasunaren eta jariapenaren alterazioak.

30. Heste-mugikortasunaren alterazioak: idorreria, beherakoa eta ileoa.

31. Xurgapen-txarraren sindromeak. Pankrea exokrinoaren patologia orokorra.

32. Gibeleko gutxiegitasuna. Ikteriziak. Behazun-bideetako patologia orokorra.

33. Peritoneoaren patologia orokorra.



Metabolismoa



34. Elikaduraren alterazioen patologia orokorra.

35. Karbohidratoen metabolismoaren patologia orokorra.

36. Lipidoen metabolismoaren patologia orokorra.

37. Proteina plasmatikoen, aminoazidoen, nukleoproteinen eta porfirinen patologia orokorra.

38. Metabolismo eta hidrosalinoaren eta azido-base orekaren patología orokorra.





Sistema endokrinoa



39. Hipotalamo-hipofisi sistemaren patologia orokorra.

40. Tiroidearen patologia orokorra: hiperfuntzioa, hipofuntzioa eta bozioak.

41. Guruin paratiroideen patologia orokorra.

42. Giltzurrungaineko guruinen patologia orokorra (azala eta muina).

43. Gonaden patologia orokorra eta sexu-diferentziazioaren alterazioak.



Nerbio-sistema



44. Borondatezko alterazio motoreen patologia orokorra.

45. Sentimenaren alterazioen patologia orokorra.

46. Zerebeloaren eta sistema estrapiramidalaren alterazioen patologia orokorra.

47. Konortearen alterazioen patologia orokorra.

48. Nerbio-sistema begetatiboaren eta periferikoaren patologia orokorra.

49. Nerbio kranialen eta orno-muinaren patologia orokorra.

50. Likido zefalorrakideoaren patologia orokorra: garezur-barneko hipertentsioa eta sindrome meningeoak.



Lokomozio-aparatua



51. Hezurren eta artikulazioen patologia orokorra.

52. Muskuluen alterazioen patologia orokorra.



PROGRAMA PRAKTIKOA



PKL 1: Historia klinikoa eta bizi-konstanteak.



PKL 2: Toraxeko azterketa fisikoa (bihotza eta birikak).



PKL 3: Sabelaldeko azterketa fisikoa (digestio-aparatua, gernu-aparatua eta sexu-aparatua).



PKL 4: Proba osagarriak: elektrokardiograma eta torax eta zabelaren erradiografia.



PKL 5: Kasu kliniko bati buruzko mintegia



PKL 6: Praktika klinikoa osasun-zentro edo/eta ospitaleetan.



PKL 7: Historia kliniko oso bat egin.



PKL 8: Nerbio-sistemaren azterketa klinikoa.

Ikasgai honetan irakasteko metodo hauek erabiltzen dira:



A) Ikasgaiaren eduki eta kontzeptuak azaltzeko klaseak ematen dira eta horien osagarri bezala bibliografia emanda norberaren lana bultzatzen da. Horretaz gain, tutoretza pertsonalizatuak eskaintzen dira.



Klase hauetan parte hartzeagatik, azken notari 0,5 puntu gehitu ahal izango gaizkio gehienez.



B) Mota desberdinetako praktika klinikoak egiten dira:



1.- Ikasle talde txikiei azaldutako moduluak, ikasleen eta irakaslearen arteko elkarrekintza errazteko.



2.- Ospitaleetan eta osasun zentroetan gauzatutako praktika kliniko asistentzialak. Praktika hauetan egindakoa, portafolio baten idatzi behar da. Ondo legoke, istorio kliniko bat gutxienez agertzea.



3.- Portafolioa, irakasle-tutoreari bidali beharko zaio posta elektronikoz.



Ikasle bakoitzak kurtsoaren hasieran jakingo du zein den bere tutorea.



Derrigorrezkoa da 1,2 eta 3 jardueretara joatea ikasgaia gainditzeko.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Test motatako proba (%): 75
  • Praktikak egitea (ariketak, kasuak edo buruketak) (%): 20
  • Portfolio (%): 5

Urtarrilak 17, 15:30etan test motako 75 galderez osaturiko azterketa partziala egingo da. Galdera bakoitzak lau erantzun izango ditu, bat zuzena, eta gainerako hirurak ez-zuzenak izanik. Erantzun zuzen bakoitzak puntu positibo bat balio du eta erantzun ez-zuzen bakoitzak -0,33 puntu. Azterketa honetan ordura arte irakatsitako materia sartuko da eta 45 puntu edo gehiago lortuz gero, materia hori baztertzeko balioko du. Hala ere, derrigorrezkoa izango da bigarren partzialaren materia ere baztertzea jakintzagaia gainditzeko. Hau da, azken nota ez da bi azterketen batez bestekoa izango bigarren partziala gainditu ezean.



Azken azterketak edo azterketa finalak test motako 95 galdera izango ditu eta maiatzak 15ean egingo da. Galdera horietatik, 75 2. lauhilekoan emandako materiaren gainekoak izango dira, eta 20 praktiken gainekoak.



1.partzialaren materia baztertu ez dutenen azterketan, 75 galdera teorikoak irakasgai osoaren gainekoak izango dira.



Ikasgaia gainditzeko beharrezkoa da azterketaren atal biak gainditzea, hau da, atal teorikoaren 75 galderak eta atal praktikoaren 20 galderak.



Azterketako atalen bat gainditu ezean, ezohiko azterketan atal guztiak egin beharko dira.



Praktika klinikoen gainean portafolioan idatzitakoak 0,5 puntu gehiago balio dezake azterketan lortutakoaz gain, beti ere ikasgaia gaindituta badago.



Ikasleek aukera izango dute ohiko deialdiari uko egiteko horretarako ezarrita dauden arauak betez gero.



Pratika klinikoak berriro ere egiten ez dituzten errepikatzaileei, aurreko ikasturtean praktika hoietan lortutako nota kuntutan izango zaie.

Ekainak 29, 15:30etan ikasgaiaren ez-ohiko azterketa izango da. Test motako 95 galdera izango ditu: horietatik 75 teoriaren gainekoak eta 20 praktiken gainekoak.



Ikasgaia gainditzeko, beharrezkoa da azterketaren atal biak gainditzea, hau da, atal teorikoaren 75 galderak eta atal praktikoaren 20 galderak.

Praktika kliniko asistentzialetan bata zuria, fonendoskopioa eta identifikazio-txartela.

Azken hau Medikuntza Sailean jasoko da.

Oinarrizko bibliografia

Patologia Orokorra. Atal orokorra, arnas aparatua eta zirkulazio-aparatua. Ugarte, E. Ed. Elhuyar, 2005.





Sisinio de Castro. Manual de Patología General. Pérez Arellano, J.L. Ed. Elsevier Masson. 8ªed. 2020.



Introducción a la Medicina Clínica. Laso F.G. ed. Elsevier, 2020



Guía Seidel de exploración física. Ball J.W., Dains J.E., Flynn J.A., Solomon B.S., Stewart R.W. Ed. Elsevier 8ª ed, 2015.

Aldizkariak

Medicina clínica. Ed. Doyma
Jano: Medicina y Humanidades. Ed. Elsevier España
Revista de medicina familiar y comunitaria. Arán Ediciones, S.A. Sociedad Española de Medicina de Familia y Comunitaria

Web helbideak

Webgune interesgarriak

http://www.ehu.eus
http://www.ehu.eus/eus/web/medikuntzasaila
http://www.biblioteka.ehu.es
https://www.cmb.eus
http://www.osakidetza.euskadi.eus