Gaur egun dugun gizarte konplexu honetan, eta are gehiago globalizazio-garai honetan, beharrezkoa da denoi eragiten digun egitura juridiko zein den jakitea, eta, neurri handiagoan, ildo juridiko garrantzitsua duen unibertsitate-titulazio batean, hala nola gradu honetan: hainbat erakunde instituzionalen nazioarteko arauak, Estatuko arauak, autonomia-, foru- eta toki-arauak.

Eremu horretan jakin behar da zein den Konstituzioaren izaera gorena zuzenbidearen iturrien sisteman, gailentasun politikoa zein juridikoa, haren ondorio diren eta beheragoko gainerako arau juridikoei eragiten dieten balioen sistema aitortzea, bai eta gizartean eta botere publikoen funtzionamenduan oinarrizko eskubideen izaera eta eraginkortasuna ere.

Irakasgaiaren helburua da Estatuaren jatorria eta Konstituzionalismoarena aztertzea, gertakizun historiko, politiko eta juridiko diren heinean. Horrekin batera, aztergai ditu ere: Konstituzioaren nagusitasun balioa Zuzenbide iturrien multzoan; Espainiako Trantsizioa eta Konstituzioa egiteko prozesua; Konstituzioaren nagusitasuna eraginkortzeko tresnak, hau da, Konstituzio Auzitegia eta Konstituzioaren Aldaketa; Estatuaren erakunde sistemaren antolamendua; Zuzenbide Estatu sozial eta demokratikoa; Oinarrizko Eskubideen garrantzia eta, horrekin batera, landuko da ere ikasleak Konstituzio Zuzenbideari dagozkion dokumentu juridikoak bilatzeko gaitasuna.

1. Estatua eta Konstituzioa. Zuzenbideko iturriak. Estatuaren jatorria, kontzeptua, formak eta elementuak. Konstituzionalismoaren jatorria. Konstituzio kontzeptua eta haren izaera. Zuzenbideko iturrien piramidea.



2. Espainiako Trantsizio garaia eta prozesu konstituziogilea. Diktadura eta geroko egoera, demokraziaren harrera, lehen hauteskundeak eta Erreforma politikorako legea. Konstituzioa egiteko prozesuan konpontzeko zeuden arazo nagusienak, beste konstituzio batzuen eragina eta 1978ko Konstituzioaren egitura.



3. Zuzenbide Estatu Sozial eta Demokratikoa: kontzeptua, edukia eta eskubide sozialak. Zuzenbide-Estatua: kontzeptu eta elementuak



4. Konstituzioaren Eraldaketa eta Konstituzio Auzitegia: kontzeptua eta helburuak, prozesuaren hasiera, eraldaketaren mugak. Konstituzio Auzitegia: konstituziozkotasun kontrolerako ereduak, jatorria, izaera, osaera, funtzionamendua eta eginkizunak.



5. Estatuaren erakunde-antolamendua. Koroa, Gorte Nagusiak, Gobernua eta Auzi Boterearen Kontzeptuak, Antolamendua eta Eginkizunak.



6. Oinarrizko eskubideak. Kontzeptua eta ezaugarriak, klasifikazioa, bermeak eta eskubideen ahalgabetzea.

"Zinema eta Zuzenbidea" mintegia egingo da, "Hitzezko komunikazioaren" zeharkako gaitasuna ebaluatzeko.



Ikasle bakoitzak, ikasturtearen zehar, irakasleak eskainitako zerrendako filmen gaineko bere iritziak eman eta irakasleak egiten dituen galderei erantzun beharko die, betiere ahoz zein idatziz, mintegiko egun egokian.



Titulazioaren berezko hizkuntza teknikoan ahoz modu eraginkorrean komunikatzea baloratuko da, ideiak modu egituratu eta ulergarrian adieraziz, eta modu nabarmenean esku hartuz.

Ebaluazio-adierazleak honako hauek izango dira:



- Ekimena duten hitzezko truke-egoeretan esku hartzea



- Informazio garrantzitsua argi eta arrazoituta transmititzea



- Nerbioak kontrolatzea, jendaurrean hitz egiteko eta naturaltasunez hitz egiteko.



- Eraginkortasunez eta antolamenduz komunikatzea, eta sintesi-gaitasuna baloratzea.



- Egindako galderei erraztasunez eta egoki erantzutea

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 70
  • Test motatako proba (%): 10
  • Praktikak egitea (ariketak, kasuak edo buruketak) (%): 20

Azterketa teorikoa: azken notaren % 70.



Praktikak: amaierako notaren % 30.



Irakasgaia gainditzeko sistemak hiru baldintza bete behar ditu:



A) ordu presentzialen % 75 eskoletara joatea. (Online sisteman izango dira klaseak)

B) Emandako ikasgaiari buruzko amaierako azterketa teorikoa gainditzea (7 puntu)

C) ikasturtean zehar hainbat kasu praktiko arrakastaz egitea, ikasgaiaren berariazko eta zeharkako gaitasunei, hitzezko komunikazioari, lotutako hainbat gairi buruzkoak (3 puntu)



Amaierako azterketa teorikoak amaierako notaren % 70 hartuko du, eta praktikek gainerako % 30a.

Nota praktikoko 3 puntuetatik puntu 1 lortu ahal izango da ikasturtean zehar, aste batzuetan trantsizioari buruzko galdetegi bati zuzen erantzuten zaionean, Victoria Prregoren bideoetan oinarrituta. Beste 2 puntuak kasu praktiko batzuk ebatzita lortuko dira.

Ikasleak azken azterketara ez aurkeztea erabakitzen badu, deialdi arrunt horri uko egiten diola ulertuko da, eta aktetan EZ AURKEZTU bezala agertuko da.

Irakasleak, ikasleei aurretiaz abisatuz, kurtsoan zehar- edozein inguruabar kontuan izanda- egon daitezkeen aldaketen berri emango die, hauek ikasgaian zein azterketa eta kasu praktikoetan eragina badu.



Irakasgaia online sistema bidez emango da eta tutoretza orduak ere online izango dira. Ikasleak, aurretiaz irakasleari eskatuta eta berarekin ordua zehaztuta, tutoretza presentziala izateko aukera izango du.

Ikasleak azken azterketara ez aurkeztea erabakitzen badu, ezohiko deialdi horri uko egiten diola ulertuko da, eta aktetan EZ AURKEZTU bezala agertuko da

1978ko espainiar konstituzioa

Gomendatutako eskuliburua eta material ezberdinak

Oinarrizko bibliografia

Ignacio Gutiérrez y otros: Elementos de Derecho Constitucional español, editorial Marcial Pons



Tajadura Tejada, Javier: Los Derechos Fundamentales y sus garantías, editorial Tirant Lo Blanch



Molas, Isidre: Derecho Constitucional, editorial Tecnos

Gehiago sakontzeko bibliografia

- Morodo, Raul: La transición española. Ed. Tecnos, Madrid
- Torres del Moral, Antonio: Constitucionalismo Histórico español. Ed. Atomo Ediciones, Madrid
- AAVV: Los principios rectores de la política social y económica. Ed. Biblioteca Nueva, 2004

Aldizkariak

Revista Española de Derecho Constitucional
Revista de Derecho Político
Teoría y Realidad Constitucional

Web helbideak

http://constitución.rediris.es
www.euskadi.net/bopv
www. boe.es
www.tribunalconstitucional.es
www.congreso.es
www.senado.es