Matematika II irakasgaia irakasgai nabarmenki instrumentala da. Irakasgai honek prestakuntza ematen dio ikasleari aldagai bat baino gehiagoko funtzioen kalkulu diferentzial eta integrala ikasteko, eta prestakuntza ematen dio ikasleari, halaber, esparru ekonomikoan eta enpresakoan gehien erabiltzen diren tresna matematikoak barneratzeko. Halaber, prestakuntza ematen du optimizazio buruketen aukera zabal bat planteatu eta ebazteko, linealak izan nahiz ez izan, inolako murrizketarik gabe edo berdintasuneko murrizketekin. Horrek guztiak aukera emango dio ikasleari enpresa izaerako arazo ugari ebazteko.



Irakasgaiaren amaieran, ikasleak nolabaiteko zehaztasunez ezagutuko du lengoaia matematikoa, eta horrek bidea emango dio kontzeptu ekonomikoak ulertzeko eta emaitzak nolabaiteko zorroztasunez interpretatzeko. Halaber, graduko beste irakasgai batzuetan eta etorkizuneko bere lanbidean planteatu ahal zaizkion arazo ekonomiko eta enpresarial ugari ebazteko aukera emango dioten kalkuluko tresnak eta metodoak ezagutuko ditu.

Matematika II 6 kreditu ECTS dituen oinarrizko prestakuntzako irakasgai bat da . Lehenengo mailako bigarren lauhilekoan irakasten da eta Matematika I irakasgaiaren jarraipena da. Azken hori ikasmaila bereko lehenengo lauhilekoan irakasten da eta haren kontzeptuetan oinarritzen da Matematika II. Bi irakasgai horiek Enpresa Matematika jakintzagaia osatzen dute, Tresna-erreminten moduluaren barruan.



Honakoak dira irakasgaiaren gaitasunak:

- Kalkulu diferentzialean eta integralean erabiltzen diren kontzeptuak eta haien kasuko notazio matematikoa egoki identifikatu eta erabiltzea. Graduko G001, G002 eta G003 gaitasunekin lotutako berariazko gaitasuna.

- Funtzioen kalkulu diferentzial eta integraleko buruketak ebazteko tresna matematiko egokiak identifikatu eta aplikatzea. Graduko G001, G002 eta G003 gaitasunekin lotutako berariazko gaitasuna.

- Optimizazioko buruketak ebazteko tresna matematiko egokiak identifikatu eta aplikatzea. Graduko G001, G002, G003 eta G004 gaitasunekin lotutako berariazko gaitasuna.

- Buruketetan lortutako emaitzak analizatu eta interpretatzea. Graduko G004 gaitasunarekin lotutako berariazko gaitasuna.

- Trebetasun instrumental eta emozionalak barneratzea, autonomia edukitzeko eta banakako zein taldekako lanean jarduteko gaitasuna izateko. Graduko G005 gaitasunarekin lotutako zeharkako gaitasuna.

Honakoak dira irakasgai hau ikastearen emaitzak:

- Kalkulu diferentzialean eta integralean erabiltzen diren kontzeptuak eta haien kasuko notazio matematikoa egoki bereizi eta erabiltzea.

- Kalkulu diferentzial eta integraleko buruketak eztabaidatu eta ebaztea.

- Optimizazioko buruketak eztabaidatu eta ebaztea.

- Lortutako emaitza matematikoak analizatu eta interpretatzea, haiek negozioen esparruan aplikatu ahal izateko.

- Trebetasun instrumental matematiko eta emozionalak lortzea, halako moduz non ikasleak gaitasuna izango baitu bere lan profesionalean jarduteko.

1. gaia: Funtzioak. Aldagai anitzeko funtzioen limitea eta jarraitutasuna.

2. gaia: Aldagai anitzeko funtzioen deribazoa eta diferentziagarritasuna.

3. gaia: Bi aldagaiko funtzioak optimizatzea.

4. gaia: Programazio lineala.

5. gaia: Funtzio inplizituak. Funtzio homogeneoak.

6. gaia: Integrazioa.

Deskribatutako gaitasunak barneratu ahal izateko, ikasleek 150 ordu inbertitu beharko dituzte guztira; horietatik, 60 ordu bertaratu beharrekoak izango dira eta gainerako 90 orduak bertaratu beharrik gabekoak. Bertaratu beharreko 60 orduetatik, 42 eskola magistralen moduan emango dira eta 18 ordu, berriz, ikasgelako praktikak egiteko erabiliko dira.

Irakasgaiaren irakaskuntza prozesuaren jarraipen eta ustiapen egokirako, orokorrean ikasgelako jardueratara joatea egokia dela uste da.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 100

EBALUAZIO JARRAITUA

Ebaluazio jarraituak aukera ematen du ikasleak lauhilekoan zehar ikasgaiaren konpetentziak eskuratzeko egin duen aurrerapena baloratzeko, banakako hainbat proba eginez.

Lehenengo proba 1. eta 2. gaiak eman ondoren egingo da. Azken notaren % 30 izango da.

Bigarren proba 3. eta 4. gaiak eman ondoren egingo da. Azken notaren % 40 izango da.

Hirugarren proba 5. eta 6. gaiak eman ondoren egingo da. Azken notaren % 30 izango da.

Ikasgaia gainditzeko, nahitaezkoa izango da ebaluazio-proba guztietara aurkeztea eta horietako edozeinetan 4 baino gutxiagoko kalifikazioa ez lortzea.

Ebaluazio-probaren bat egiten ez duten ikasleek EZ AURKEZTUA kalifikazioa jasoko dute.



Ebaluazio jarraituaren sistemari uko egitea:

Ebaluazio jarraituaren sistemari uko egitea idazki normalizatuan aurkeztuko da, eta ikaslea kide den taldeko irakasleari emango zaio, gehienez 9. astean, lauhilekoaren hasieratik hasita, ikastetxearen egutegi akademikoaren arabera. Graduko titulazio ofizialetako ikasleen ebaluazioa arautzen duen Araudiaren 8.3 artikuluan ezarritakoaren arabera (EHAA). Uko egiteko inprimakia, 2017ko martxoaren 13koa, astelehena). Hemen eskuragarri: https://www.ehu.eus/es/web/ekonomia-enpresa-fakultatea/azken-ebaluazioaetadeialdiari-uko-egitea #Evaluaci%C3%B3nFinalyRenu5

OHARRA:

Ebaluazio jarraituari uko egiten dioten ikasleek % 100eko proba egiteko eskubidea izango dute, gaitasunen eskurapena ebaluatzen duten eta egiaztatzen duten azterketa batez edo gehiagoz osatua. Agintari sanitarioak hartu beharreko aldaketak behar bezala iragarriko dira, ikasleek ekitatez eta justiziaz ebaluatzeko duten eskubidea bermatzeko beharrezkoak diren estrategiak eta tresnak kontuan hartuta. "

Ezohizko deialdian, ikaslea idatzizko proba baten bitartez ebaluatuko da irakasgaiaren notaren %100 izanik.

Osasun-arrazoiak direla eta, probak ezin badira aurrez aurre egin, online egingo dira.

Irakasleak honako plataforma honetan argitaturiko ikasmateriala:
http://egela.ehu.eus/

Oinarrizko bibliografia

-Herrero De Egaña, A., Santos, J., Muñoz, A. y Muñoz, A.(2008). Cálculo para la Administración y Dirección de Empresas. Madrid: Académicas.

-Intxausti, M.A.(2008). Enpresarako Matematika II. http://testubiltegia.ehu.es/Enpresarako-Matematika-II. Bilbao: UPV/EHUko Euskara Errektoreordetzaren Sare Argitalpena.

Gehiago sakontzeko bibliografia

- Alegre,P., González,L., Ortí,F., Rodríguez,G., Sáez, J. y Sancho, T.(1995). Matemáticas Empresariales. Colección Plan Nuevo. Madrid: AC.
- Calderón, S. y Rey, M.L. (2012). Matemáticas para la economía y la empresa. Madrid: Pirámide.
- Cámara,A., Garrido,R.y Tolmos, P.(2002). Problemas Resueltos de Matemáticas para la Economía y la Empresa. Madrid: AC.
- Jarne, G., Pérez Grasa,I. y Minguillon,E.(2004). Matemáticas para la Economía. Álgebra lineal y Cálculo Diferencial. Madrid: McGraw-Hill.
- Pérez Grasa,I., Minguillón,E. y Jarne, G.(2001). Matemáticas para la Economía. Programación Matemática y Sistemas Dinámicos. Madrid: McGraw-Hill.

Web helbideak