AURKEZPENA



Ekonomia II: Politika Ekonomikoak izeneko irakasgaia Teoria Ekonomikoaren jakintzagaiaren zati bat da, eta Negozioen Kudeaketako Graduaren Ingurune Ekonomikoaren moduluan txertatuta dago. Analizatzen du nolako eragina duen sektore publikoak, eskari eta eskaintza politiken bitartez, produkzioaren, errentaren, prezioaren eta enpleguaren mailetan, ekonomia batean. Hau dena, Nazio Batuen Garapen Iraunkorrerako 2030 Agendan finkatutako erreformak kontutan hartuta.



Ikasketa hasiko da hainbat eragile ekonomikoren jokabidea aztertuz; gero, prezio finkoen ingurune batean, ekonomia baten oreka-errentaren maila lortuko da. Sektore publikoaren finantziazioa bezalako kontzeptu garrantzitsuak aurkeztuko ditugu. Halaber, zerga politikaren tresnak ere aurkeztuko dira.



Ondoren, moneta-merkatuari buruzko azterlan bat egingo da, diruaren eskariaren eta eskaintzaren bitartezkoa. Bankuek banku-diruaren sorrera-prozesuan betetzen duten zeregina azpimarratuko da. Europako Banku Zentrala aztertuko dugu, Euroguneko moneta-agintaritza gorena den aldetik. Horrek aukera emango digu Euroguneko moneta-politikaren alderdi garrantzitsu batzuk ezagutzeko.



Ondoren eskariaren eta eskaintza metatuaren azterketa egingo dugu, politika ekonomiko desberdinek arazo ekonomiko garrantzitsuenei erantzuna emateko daukaten eraginkortasuna ebaluatuko dugu. Eta, amaieran, gai garrantzitsuenetatik bi analizatuko ditugu: langabezia eta inflazioa.



Irakasgai honek aukera ematen dio ikasleari Ekonomiaren arloko oinarrizko terminologia ezagutzeko, ekonomia baten jardueraren funtsezko elementuak ulertu eta deduzitzeko behar adinako maila analitikoa eta abstrakzio-maila erabiliz, eta, azkenik, agintari ekonomikoek, politika ekonomikoen bitartez, aurrera eramaten dituzten jarduketak ulertzeko.

GAITASUNAK



Irakasgai honek aukera emango dio ikasleari honako gaitasunak barneratzeko:

1.- Aldagai makroekonomiko garrantzitsuenak identifikatzea eta horietako bakoitzak produkzio- eta errenta-maila zehazterakoan epe laburrean zein epe luzean betetzen duen zeregina analizatzea ere. Graduko G002, G003 eta G004 gaitasunekin lotutako berariazko gaitasuna.



2.- Politika ekonomikoek arazo makroekonomiko garrantzitsuenak ebazteko daukaten eraginkortasuna ebaluatzea.Graduko G002, G003 eta G004 gaitasunekin lotutako berariazko gaitasuna.



3.- Egungo arazo makroekonomikoei buruz gogoeta egitea, eskuragarri dagoen informazio ekonomikoa analizatu eta interpretatzeko eta politika ekonomikoen eraginkortasunari buruzko txostenak egiteko. Graduko G005, G007 eta G008 gaitasunekin lotutako zeharkako gaitasuna.



IKASKETAREN EMAITZAK



Gaitasun hauek honako ikasketa-emaitzen bitartez lortuko dira:

Eskari metatua lortzea, eskaintza metatua lortzea eta ekonomiak testuinguru batean duen oreka lortzea, bai prezio finkoei dagokienez, bai prezio aldakorrei dagokienez ere.

Eredu makroekonomikoak erabiltzea politika ekonomikoen eragina ezagutzeko.

Arazo makroekonomikoei buruzko gaiak taldeka lantzea eta azaltzea.

GAIAK

1. kapitulua. Keynesen eredua: Errenta zehazteari buruzko teoriaren sarrera.

2. kapitulua. Keynesen eredua: Zerga politika eta kanpoko sektorea.

3. kapitulua. Dirua eta banku-sistema.

4. kapitulua. Banku Zentrala eta moneta-politika.

5. kapitulua. Eskaintza eta eskari metatuen eredua.

6. kapitulua. Langabeziari eta inflazioari buruzko azterlana.

Ikasleak, guztira 150 ordu inbertitu beharko ditu irakasgai hau gainditu ahal izateko. Horietatik, 60 ordu bertaratu beharrekoak izango dira eta 90 ordu, berriz, bertaratu beharrik gabekoak. Bertaratu beharreko 60 orduetatik, 42 eskola magistralen moduan emango dira eta 18 ordu, berriz, ikasgelako praktikak egiteko erabiliko dira. Bestalde, bertaratzekoak ez diren 90 orduetatik, ikasleak 54 erabili beharko ditu eskola magistraletako edukiak (ariketak egitearen bitartez; besteak beste, agiriak irakurtzea) barneratzeko eta 36, berriz, ikasgelan praktikak egiteko (txostenak eginez, ariketak prestatuz eta abar).



31. taldean, 2022-2023 ikasturtean Brrrikuntza Proiektua IKD i3 Laborategia-Prototipoa LORATU garatuko da. Proiektu honetara 1,5 ECTS dedikatuko dira. Proiektu horretan Fenomenoetan oinarritutako Irakaskuntza erabiliko da. Aztertuko den Fenomenoa, DESBERDINTASUNA izango da.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Banakako eta taldeko ekintzak ikasturtean zehar egindakoak (entseguak, eztabaidak, problemak, fenomenoak, erronkak...) (%): 100

Ikusturtean zehar proposatuko diren ekintza guztiak egiten dituzten ikasleek, irakasgaia gainditzeko aukera edukiko dute azterketa finalera aurkeztu barik.



Ekintza guztiak ez badituzte egiten, edo (nahiz eta ekintzak egin), ez badute lortzen irakasgaia gainditzea ebaluazio jarriaren sistema honekin, azterketa finalera joateko aukera daukate. Ikasleak ez du ezer egin behar ebaluazio jarraiari uko egiteko, zeren ikasle guztiek dute azterketa finala egiteko aukera.



Azterketa finalak notaren %100 balioko du. Zentruko Batzarrak onesten duen datan egingo da.Azterketa hori ezinezkoa izango balitz modu presentzialean egin, eGela plataformako tresnak erabiliz egingo genuke.



Deialdi honi uko egiteko nahiko da azterketa finalera ez aurkeztea; kasu honetan, AURKEZTEKE agertuko da aktetan.



Euskal Herriko Unibertsitateko (UPV/EHU-ko) Etika Akademikoari buruzko Protokoloan finkatzen den bezala, ikasleek ebaluzaio proba desberdinatan kalkulagailu konbentzionalak erabili ahal dituzte. Proba horietan, ikasleek debekatuta izango dute liburuak, oharrak edo apunteak erabiltzea, bai eta tresna edo gailu telefoniko, elektroniko, informatiko edo bestelakoak erabiltzea ere.

Ezohiko deialdiari dagokion ebaluaketa: Azterketa finala izango da.



Azterketa horrek notaren %100 balioko du eta ariketa teoriko-praktikoak edukiko ditu. Zentruko Batzarrak onesten duen datan egingo da. Azterketa hori ezinezkoa izango balitz modu presentzialean egin, eGela plataformako tresnak erabiliz egingo genuke.



Deialdi honi uko egiteko, nahiko da azterketa finalera ez aurkeztea; kasu honetan, AURKEZTEKE agertuko da aktetan.



Euskal Herriko Unibertsitateko (UPV/EHU-ko) Etika Akademikoari buruzko Protokoloan finkatzen den bezala, ikasleek ebaluzaio proba desberdinatan kalkulagailu konbentzionalak erabili ahal dituzte. Proba horietan, ikasleek debekatuta izango dute liburuak, oharrak edo apunteak erabiltzea, bai eta tresna edo gailu telefoniko, elektroniko, informatiko edo bestelakoak erabiltzea ere.

Adierazitako bibliografiaz aparte, klaseetan eta eGela plataforman material gehigarria banatuko da (egunkarietako artikuluak, txostenak, ebatzitako problemak, .....)

Oinarrizko bibliografia

Rendueles, C. (2020). Contra la igualdad de oportunidades. Un panfleto igualitarista. Barcelona: Planeta Argitaletxea.



Guenaga, G. eta Vicente, S. (2009). Makroekonomiarako Sarrera. Argitaletxea: UPV/EHU. http://testubiltegia.ehu.es/



Guenaga, G. , Hernando, G. eta Vicente, S. (2011). Makroekonomiarekin Jolasean. Argitaletxea: UPV/EHU. http://testubiltegia.ehu.es/





Blanco, J.M. (2014). Economía: Teoría y Práctica. Madrid: McGraw-Hill.



Torres, J. (2011). Introducción a la Economía. Madrid: Pirámide.

Gehiago sakontzeko bibliografia

Bibliografia sakontzako materian:

Blanchard, O.(2012). Macroeconomía. Madrid: Pearson Educación.

Mankiw, N.G (2012). Principios de Economía. Madrid: McGraw-Hill.

Mochón, F. (2009). Economía, teoría y Política. Madrid: McGraw-Hill.

Parkin, M. (2018). Economía. Madrid: Pearson educación de México.

Aldizkariak

"La Caixa"ko ikerketa bulegoa. Hileroko txostena

Web helbideak

www.ine.es
www.eustat.es
www.bde.es
http://epp.eurostat.ec.europa.eu/portal/page/portal/eurostat/home/
www.attac.es
www.meh.es
www.bancomundial.org
www.bde.es
www.caixabankresearch.com
www.economiacritica.net