Finantza Kontabilitatea Negozioen Kudeaketako Graduaren barreneko nahitaezko irakasgai bat da, bigarren mailako lehenengo lauhilekoan ematen dena. Lehenengo mailako Finantza Kontabilitaterako Sarrera irakasgaiaren jarraipena da, eta, halaber, titulazioko “Kontabilitatea" moduluko “Finantza Kontabilitatea eta Kontabilitate Aplikatua" jakintzagaian integratuta dago.

Lehenengo mailan barneratutako gaitasunetan oinarriturik, jada ezagutzen diren eragiketen kontabilizatzean sakontzen da eta Kontabilitatearen aplikazio-esparrua eragiketa konplexuagoetara zabaltzen da. Prozedura bera jarraitzen da txosten ekonomikoak egin eta aurkezterakoan. Izan ere, haien kopurua eta lehendik ezagutzen direnen tamaina handitu egiten dira.

Irakasgai honetan sustatzen da ikasleak merkataritzaren arloko legedi indarduna kontsulta dezala, eta Kontabilitate Plan Orokorra nahitaez erabili behar da. Ikasleek lehenengo gaitik maneiatu behar dute, teoria konfrontatzeko eta ikasgelako praktiketan ebazteko aurkezten dizkieten buruketak ebazteko.

IRAKASGAIAREN GAITASUNAK

C1. Enpresaren kontabilitate-eragiketa eta -prozesu aurreratuak ulertzea. Graduko G002, G003 eta G004 gaitasunekin lotutako berariazko gaitasuna da.

C2. Kontabilitateko esparru kontzeptuala aplikatzea informazio ekonomiko muntadunaren lanketan eta analisian. Graduko G001, G002, G003, G004 eta G007 gaitasunekin lotutako berariazko gaitasuna da.

C3. Kontabilitateari buruzko informazio aurreratua modu arrazoituan interpretatzea. Graduko G001, G002, G003, G004, G005 eta G007 gaitasunekin lotutako berariazko gaitasuna da.



IDATZIZKO GAITASUNA LORTZEN DA.

IKASKETAREN EMAITZAK

RA1. Negozio baten eragiketa konplexuak ezagutzea eta gauza izatea aurkezten diren arazoetarako konponbideak aurkitzeko.

RA2. Arau indardunen arabera negozio batek behar duen informazioa prestatzeko Kontabilitate Plan Orokorra erabiltzeko gaitasuna lortzea. RA3. Kontabilitatearen arloko informazio aurreratua egoki interpretatzea.

1. gaia. Kontabilitatearen kontzeptu-esparrua.

2. gaia. Ibilgetua.

3. gaia. Inbertsio finantzarioak.

4. gaia. Izakinak.

5. gaia. Merkataritza-eragiketengatiko hartzekodunak eta zordunak

6. gaia. Diruzaintza eta bestelako kontu finantzarioak

7. gaia. Oinarrizko finantzaketa.

8. gaia. Ekitaldiaren emaitza.

9. gaia. Egoera-orri finantzarioak.

Eskola magistralak eta ikasgelako praktikak dira, funtsean, irakasgaiaren gaitasun berariazkoak lortzearekin zuzenean lotutako zereginak.

Eskola magistraletan ezagutza teknikoak transmititzen dira, kasu praktikoak eginez finkatzen direnak. Ariketak gero eta zailagoak izango dira. Klaseko apunteak eta indarrean dagoen legea erabiliko behar dute.

Ikasgelako praktiketan, ikasleek entregatzekoak diren lanetan aurkezten zaizkien kasuak ebatzi beharko dituzte. Aurrez zehaztu gabeko taldetan egingo da lan. Horrela, banakako eta taldeko hausnarketa praktikan jarriko dute.

Ikasleek bertaratu beharrekoak ez diren orduak (90 ordu) erabiliko dituzte eskola magistraletan transmititutako ezagutzako errepasatzeko, laburtzeko eta osatzeko, bai eta haietan planteatzen diren ariketak egiteko ere. Halaber, ikasgelako praktiketako ariketak osatu beharko dituzte.

Era berean, gomendatutako lana da aldizka, banaka edo taldeka tutoretza-saioetara joatea.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Prueba teórico práctica (%): 100

Ebaluazioa ondoren azaltzen den moduan egingo da:

- Azken kalifikazioaren %60a suposatzen duen azken proba. Ikasgaian landutako kontzeptuei buruzko ariketak eta/edo test erako galderen ebazpenean datza. Proba hau egutegi ofizialean iragarritako egunean egingo da.

- Azken kalifikazioaren %30a suposatzen duten eta Kurtsoan zehar burutuko diren bi proba idatzi. Eduki teoriko-praktikoei buruzko test probak (aukera anitza, egia/gezurra, erantzun laburra, hutsuneak bete, zenbakizko erantzuna, ariketa laburra) izango dira. Proba bakoitzak azken kalifikazioaren %15a suposatuko du. Bi proba horiek burutuko diren eguna gutxienez bi aste lehenago jakinaraziko zaie ikasleei.

- Jarraipena eta parte-hartze aktiboa bai ikasgelan, foroetan eta/edo entregatzekoetan. Guzti hau azken kalifikazioaren %10a suposatuko du.

Ikasgaia gainditzeko ikasleak gutxienez 5 puntu lortu behar ditu 10 punturen gain azken azterketan.

Azken probara ez aurkezteak "Ez aurkeztua" kalifikazioa suposatuko du. Hau da, ikasturtean egin beharreko bi probetako bat edo biak egin eta azken probara ez aurkeztea erabakitzen duen ikasleak "Ez aurkeztua" kalifikazioa lortuko du.

Edozein ikaslek lauhilekoaren lehen bederatzi asteetan ebaluazio-sistema honi uko egin ahal izango dio. Horretarako, uko hori adierazten duen idatzia bidali beharko dio irakasleari. Kasu horretan, ebaluazioa, ebaluazio bakar baten bidez egingo da (ariketen eta/edo test ebazpena), egutegi ofizialean argitaratzen den egunean, azken kalifikazioaren %100a suposatuz, eta azken azterketa bakarra izango da.

Bai ebaluazio jarraian bai ebaluazio bakarrean, ikasgaia gainditzeko, ariketen ebazpenen kasuan, akatsak kontzeptualak ez dira inolaz ere onartuko. Test motatako proben kasuan, erantzun onena (bakarra) aukeratu beharko da eta puntuazio irizpideak ondorengoak izango dira: Zuzenak: gehitu egiten dute; Akatsak: kendu egiten dute; Erantzunik ez: ez dute ez gehitzen ez kentzen.

Idatzizko probetan idazteko materiala eta poltsikoko kalkulagailu ez programagarria soilik erabil daitezke.



OHARRA:

Osasuneko arrazoiengatik ikasgeletan edukierak mantendu behar diren bitartean, irakaskuntza bimodala izango da eta ebaluazio probak pertsonalki edo birtualki egin daitezke, momentu horretan ditugun osasun egoera berezien arabera, guzti honi buruzko informazio puntuala e-Gela-n emango delarik, behar bezala jakinarazita. Hori dela eta, ikasle guztiak arduratuko dira e-Gela plataforman sartzeaz eta UPV/EHUko posta elektronikoa begiratzeaz. Azken kasu honetan, komenigarria da posta korporatiboa irakurrita dauden mezuez garbi mantentzea saturazioa ekiditeko. Ebaluazio probak modu birtualean egin behar direnean, konexio arazoren bat duen ikasleak edo e-Gela plataforma ez badio funtzionatzen proba egunean, ahozko azterketa bidez soilik ebaluatuko zaio.

Ikasle guztiak ebaluazio sistema bakarraren arabera ebaluatuko dira, 10 punturen gain baloratuko den azken azterketa bakarra burutuz. Azterketa hau ariketen ebazpena eta/edo test galderen erantzuna izan daiteke. Azterketa honen data egutegi ofizialean argitaratuko dena izango da.

Ikasgaia gainditzeko, ariketen ebazpenen kasuan, akatsak kontzeptualak ez dira inolaz ere onartuko. Test motatako proben kasuan, erantzun onena (bakarra) aukeratu beharko da eta puntuazio irizpideak ondorengoak izango dira: Zuzenak: gehitu egiten dute; Akatsak: kendu egiten dute; Erantzunik ez: ez dute ez gehitzen ez kentzen.

Idatzizko probetan idazteko materiala eta poltsikoko kalkulagailu ez programagarria soilik erabil daitezke.



OHARRA:

Osasuneko arrazoiengatik ikasgeletan edukierak mantendu behar diren bitartean, irakaskuntza bimodala izango da eta ebaluazio probak pertsonalki edo birtualki egin daitezke, momentu horretan ditugun osasun egoera berezien arabera, guzti honi buruzko informazio puntuala e-Gela-n emango delarik, behar bezala jakinarazita. Hori dela eta, ikasle guztiak arduratuko dira e-Gela plataforman sartzeaz eta UPV/EHUko posta elektronikoa begiratzeaz. Azken kasu honetan, komenigarria da posta korporatiboa irakurrita dauden mezuez garbi mantentzea saturazioa ekiditeko. Ebaluazio probak modu birtualean egin behar direnean, konexio arazoren bat duen ikasleak edo e-Gela plataforma ez badio funtzionatzen proba egunean, ahozko azterketa bidez soilik ebaluatuko zaio.

UPV/EHUko Ekasin plataforman eta eskolako fotokopisterian apunteak eta ariketak egondo dira.
Praktikako ariketak geletan emango dira.
Plan General de Contabilidad. R. D. 1514/2007, de 16 de noviembre (BOE 15/11/2007).
Plan General de Contabilidad de Pequeñas y Medianas empresas y los criterios contables específicos para microempresas. R. D. 1515/2007, de 16 de noviembre (BOE 16/11/2007).

Oinarrizko bibliografia

. GALLEGO DÍEZ, Enriqueta y VARA y VARA, Mateo(2008): Manual práctico de contabilidad financiera.

Ed. Pirámide.

. URÍAS VALIENTE; Jesús (2008): Teoría de la Contabilidad Financiera, Ediciiones Académicas.

NORMATIVA /ARAUTEGIA:

. Ley 16/2007, de 4 de julio, de reforma y adaptación de la legislación mercantil en materia contable para su armonización internacional con base en la normativa de la Unión Europea (BOE 05/07/2007)

. Plan General de Contabilidad. R. D. 1514/2007, de 16 de noviembre (BOE 15/11/2007).

. Plan General de Contabilidad de Pequeñas y Medianas empresas y los criterios contables específicos para microempresas. R. D. 1515/2007, de 16 de noviembre (BOE 16/11/2007).

Gehiago sakontzeko bibliografia

MALLO, C. y PULIDO, A. (2008). Contabilidad Financiera. Un enfoque actual. Madrid: Paraninfo.
WANDEN-BERGHE LOZANO, J.L. y otros autores.(2008). Contabilidad Financiera. Madrid: Pirámide.

Aldizkariak

- Partida Doble
- Revista Española de Financiación y Contabilidad
- Técnica Contable

Web helbideak

- Instituto Contabilidad y Auditoría de Cuentas ICAC.
http://www.icac.meh.es
- Asociación Española de Contabilidad y Administración de Empresas.
http://www.aeca.es