Nazioarteko Negozioak irakasgaia Negozioen Kudeaketako Graduko hirugarren mailakoa da (bigarren lauhilekoan irakasten da). Graduaren helburua da enpresetan lan egiteko gai izango diren profesionalak prestatzea. Eta enpresen esparruetariko bat nazioarteko merkataritzari eta kanpoko merkatuei dagokienez, irakasgai honek erakutsi nahi du nolako testuinguruan mugituko diren enpresen nazioarteko proiekzioan ardurak dituzten profesionalak.

Bestalde, irakasgaia Ingurune Ekonomikoa moduluaren barruan dago. Modulu horren egitekoa da enpresen ingurunearen egoera eta bilakaera aztertzea, betiere ingurune hori modu zabalean ulertuta. Aipatutako moduluaren barruan irakasgai hau Ekonomia Aplikatua jakintzagaiaren atal bat da. Horren helburua da munduko ekonomia eta nazioarteko testuingurua analizatzea, enpresen nazioarteratze prozesuetan zuzeneko eragina dute eta.

Irakasgaia diseinatu da graduatuen formazioa osatzeko, eta, bereziki, enpresen kanpoko harremanen arloan (inportazioa/esportazioa, inbertsioak, nazioarteko aholkularitza, nazioarteko marketina...) lan egingo dutenei prestakuntza egokia eskaintzeko. Aldi berean, oinarritzat eta abiapuntutzat har daiteke graduko laugarren mailan eskaintzen den Nazioarteko Merkataritza eta Marketina minorreko zenbait ikasgaitarako.

1. Nazioarteko negozioen testuinguru politiko, legal, ekonomiko eta kulturala analizatzea (berariazkoa). Graduko G001, G002 eta G004 gaitasunekin lotuta dago.

2. Herrialdeen analisian erabiltzen diren adierazle ekonomikoak interpretatzea (berariazkoa). Graduko G001, G003 eta G004 gaitasunekin lotuta dago.

3. Nazioarteko negozioetarako herrialdeek eskaintzen dituzten erakarguneak eta arriskuak ebaluatzea (berariazkoa). Graduko G001, G003 eta G004 gaitasunekin lotuta dago.

4. Jokabide etikoak eta jardunbide profesional arduratsuak nazioarteko negozioetan duten garrantzia barneratzea (zeharkakoa). Graduko G006 gaitasunarekin lotuta dago.

5. Ahoz zein idatziz, gauzak zuzentasunez eta arintasunez adieraztea, analizatzeko eta kritikatzeko gaitasunez baliatuta (zeharkakoa). Graduko G007 gaitasunarekin lotuta dago.

6. Atzerriko hizkuntzak erabiltzea nazioarteko negozioen esparruan (zeharkakoa). Graduko G008 gaitasunarekin lotuta dago.



Ikasketaren emaitzak:

- Herrialde taldeen araberako desberdintasunak ezartzea, sistema politiko, legal eta ekonomikoei dagokienez eta kulturari dagokion neurrian.

- Epai kritikoa ematea herrialdeen analisian erabiltzen diren adierazleei buruz.

- Txosten bat idaztea negozioak egiterakoan herrialde batek dituen alde positibo eta arriskuak kontuan hartuz.

- Modu arrazoituan eta kritikoan iritzia ematea nazioartean ikusten diren enpresa-jokabideei buruz.

- Herrialdeen ezaugarri ekonomikoei buruzko ahozko azalpenak egitea eta haiei buruzko txostenak idaztea.

- Atzerriko hizkuntza batean idatzitako txostenak ulertzea.

1. gaia. Globalizazioa eta nazioarteko negozioak

2. gaia. Nazioarteko negozioei dagokien testuinguru kulturala

3. gaia. Nazioarteko negozioei dagokien testuinguru politiko eta juridikoa

4. gaia. Nazioarteko negozioei dagokien testuinguru ekonomikoa

5. gaia. Etika nazioarteko negozioetan

6. gaia. Esportatzeko eta inportatzeko estrategiak

7. gaia. Atzerriko inbertsio zuzena eta lankidetzarako estrategiak

8. gaia. Herrialdeak ebaluatzea eta hautatzea

Metodologia: Ikasleak guztira 150 ordu inbertitu beharko ditu irakasgaia gainditu ahal izateko. Horietatik, 60 ordu bertaratu beharrekoak izango dira eta 90 ordu, aldiz, bertaratu beharrik gabekoak. Bertaratu beharreko 60 orduetatik 30 eskola magistral gisa emango dira, 24 ikasgelako praktiketarako erabiliko dira eta 6 ordu mintegiak egiteko. Bestalde, bertaratzekoak ez diren 90 orduetatik ikasleak 45 ordu erabili beharko ditu eskola magistraletako edukiak barneratzeko, 36 ordu ikasgelako praktiketarako eta 9 ordu mintegiak prestatzeko.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 60
  • Banakako lanak (%): 20
  • Lanen, irakurketen... aurkezpena (%): 20

Ikasturtean zehar proposatutako jarduera guztiak egiten dituzten ikasleek ebaluazio jarraituaren bidez gainditu ahal izango dute irakasgaia, deialdi honetarako aurreikusitako azken azterketara aurkeztu beharrik gabe. Ebaluazio jarraituaren bidez gainditzea lortu ezean, ezingo da azken azterketara ohiko deialdian aurkeztu, baina bai ezohiko deialdian.



Ebaluazio jarraitua ez egitea erabakitzen duten ikasleek ohiko deialdian egin ahal izango dute azken azterketa, zeina proposatutako data ofizialean egingo baita, eta azken notaren % 100 izango baita. Aurrez aurre egiterik ez badago, eGela plataformako tresnak erabiliko dira. Azken probara aurkezten ez bada, automatikoki uko egingo zaio deialdiari; kasu horretan, akten kalifikazioa EZ AURKEZTUA izango da.



Oro har, UPV/EHUko EBALUAZIO PROBETAN ETA LAN AKADEMIKOETAN JOKABIDE MAKUR ETA IRUZURREZKOAK ERAGOZTEARI ETA ETIKA AKADEMIKOARI BURUZKO PROTOKOLOA errespetatu beharko da. Ikasleek kalkulagailu konbentzionalak erabili ahal izango dituzte ebaluazio-probetan. Ezingo dira erabili telefono mugikorrak edo bestelako gailu elektronikoak, ordenagailu pertsonalak, liburuak edo ikasgelako apunteak.

Azterketa bat egingo da, azterketa-aldi ofizialean, eta azken kalifikazioaren % 100 hartuko du.

Irakasleak eskainitako materiala (plataforma birtualetan izango da eskuragarri).

Oinarrizko bibliografia

Liburu honen azken edizioa:

Daniels, John D. et al.: Negocios Internacionales. Ambientes y Operaciones, Pearson.

Gehiago sakontzeko bibliografia

Liburu hauen azken edizioak:
- Hill, Charles W.L., Negocios internacionales. Competencia en el mercado global; McGraw-Hill.
- Ball, Donald A. et al, Negocios internacionales, McGraw Hill.

Aldizkariak

Ikasturtean zehar kontsultatu beharreko materialen berri emango zaio ikasleari.

Web helbideak

Ikasturtean zehar irakasleak emango die ikasleei kontsultatu eta erabili beharreko internet helbideen berri.