1.- AURKEZPENA ETA TESTUINGURUA:



Pertsonek hartzen dituzten ekonomi izaerazko erabakiei loturiko zergen eskema orokorra da irakasgaiaren edukia. Erabaki hauek sortzen dira, bai enpresa edo lanbidearen mailan, bai gizabanakoen mailan.

Negozioen Kudeaketako Graduaren barruan "Lan eta Fiskal Zuzenbidea" izeneko materiaren arloan kokatzen da eta garatzen du negozio eta ekonomi jarduerei loturiko eragiketak ulertzeko eta burutzeko gaitasuna, beti ere fiskalitatearen ikuspegitik.

Bere helburua da, alde batetik, zerga bakoitzaren oinarrizko osagaiak (zerga egitatea, subjektu pasiboa, tributu kuota...) ezagutzea, eta, beste alde batetik, kontzeptu hauen aplikazio praktikoa lantzea, tributu likidazioen burutzapenaren bidez, kudeaketa fiskal praktikoa eta zuzena gauzatzeko.

Ikaslegoari eskaintzen dizkio lanbide ibilbidean garatu ahal dituen gaitasun batzuk, zeinak gauzatu ahal bait dira erakunde pribatuetan (aholkularitza fiskala, banku eta aseguruak, enpresen finantza sailak...) eta administrazio publikoetan (diputazioak, udalak...).

2.- GAITASUNAK:

C1.Ekonomi jardueren garapenean agertzen diren tributuen zerga oinarriaren kontzeptu eta osagaiak ezagutu eta antolatzea.(Gaitasun espezifikoa, Moduluko CM01, CM02 eta CM03 eta Graduko G002 eta G003 gaitasunei loturikoa).

C2.Bereganatutako kontzeptuak fiskal aitorpenak burutzeko erabiltzea.(Gaitasun espezifikoa, Moduluko CM04 eta Graduko G001 eta G004 gaitasunei loturikoa).

C3.Justizia eta ekitatea direlako printzipio etikoen araberako balorazio-irizpideak lortzea,gogoeta pertsonala eta taldekako hausnarketaren bitartez.(Zeharkako gaitasuna, Moduluko CM05 eta Graduko G006 gaitasunei loturikoa).



3.- IKASKUNTZAREN EMAITZAK:

I.Tributu desberdinen zerga oinarriaren kontzeptu eta osagaien deskribapena eta ulerkuntza.

II.Tributuei buruzko aitorpenen burutzapena.

III.Justizia eta ekitatea izeneko printzipio etikoen araberako egoera eta proposamen desberdinak aztertzea.

1. PERTSONA FISIKOEN ERRENTAREN GAINEKO ZERGA.

2. SOZIETATEEN GAINEKO ZERGA.

3. BALIO ERANTSIAREN GAINEKO ZERGA.



GAI BAKOITZAREN EDUKIAREN ESKEMA: zergaren aplikazio-eremua, subjektu pasiboa, zerga egitatea, zerga oinarria, tributu kuota eta betebehar formalak.

1.JARDUERA PRESENTZIALAK(60 ordu):

1.1: Klase magistralak (30): Zergen kontzeptu-azalpena.

1.2: Ikasgelako praktikak (24): Ariketa eta balizko praktikoen burutzapena.

1.3: Mintegiak(6): Zerga izaerazko gaien araberako hausnarketa eta partekatzea.



2.JARDUERA EZ PRESENTZIALAK (90 ordu):

2.1: Tutoretzen bidezko orientabidea.

2.2: Klase magistraletan eta ikasgelako praktiketan garatutako edukiak ikasi eta sakontzea.

2.3: Aholkatutako irakurgaiak.

2.4: Balizko praktikoak eta banakako lanak burutzea.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 90
  • Lanen, irakurketen... aurkezpena (%): 10

EBALUAZIOA:

* C1 eta C2 Gaitasunak:

+ Ebaluaziorako tresna: Idatzitako proba.

+ Ebaluaziorako irizpideak: Erantzunen zehaztasuna, arrazoitzeko gaitasuna eta azalpenaren argitasuna. Lortutako ezagupen eta ondorioak aplikatzeko gaitasuna.

+ Balio portzentuala: Azkeneko kalifikazioaren % 90a.

* C3 Gaitasuna:

+ Ebaluaziorako tresna: Ikasgelan eta mintegietan parte hartzea.

+ Ebaluaziorako irizpideak: Iritzi eta balorazio propioak azaltzea,taldeka egiten diren ekintzetan parte hartzea eta irakurketa eta lanen aurkezpena.

+ Balio portzentuala: Azkeneko kalifikazioaren % 10a.



Ebaluazio sistema ETENGABEKO EBALUAZIOA da:

-Ikasturtean zehar hiru proba partzialak egingo dira. Proba hauetan beharrezkoa da batez besteko nota gainditua izatea. Azkeneko kalifikazioaren % 90a.

-Ikasturtean zehar bi edo hiru mintegi egingo dira. Azkeneko kalifikazioaren % 10a.



Ikasle batek etengabeko ebaluazioari UKO EGIN nahi badio, irakasleari eskatu beharko dio, indarrean dagoen arautegiari jarraituz. Kasu honetan azken ebaluazioa egingo da. Sistema honetan, ebaluazioa ohiko deialdiaren egunean egingo den idatzitako proba baten bidez egingo da. Proba honek 4 galdera ditu: galdera bat izango da teorikoa (egitarauaren oinarrizko alderdi bati buruzkoa) eta beste hiru galderak izango dira praktikoak (zergen likidaziori buruzko ariketak).



Ikasleak ebaluaketa jarraian parte hartzen badu edota uko egitea aurkezten ez badu, ezin izango du azken ebaluazioaren proba egin.

Ez ohiko deialdian, ebaluazioa idatzitako proba baten bidez egingo da. Proba honek 4 galdera ditu: galdera bat izango da teorikoa (egitarauaren oinarrizko alderdi bati buruzkoa) eta beste hiru galderak izango dira praktikoak (zergen likidaziori buruzko ariketak).

Zerga bakoitzaren egitarau zehaztua (eGELA-n ikasleek dute eskuragarri)
Ariketa praktikoak (eGELA-n ikasleek dute eskuragarri)
Eranskinak: Ezarpen-eskalak, koefiziente-taulak... (eGELA-n ikasleek dute eskuragarri).

Oinarrizko bibliografia

Mellado, F.M. (Coord.). Todo Fiscal. Valencia:CISS

Moreno, M.C. y Paredes, R. Fiscalidad individual y empresarial. Madrid:Civitas.

Poveda, F. y Sánchez, A. Sistema Fiscal: Esquemas y supuestos prácticos. Pamplona: Aranzadi.

Varios autores. Biblia de los tributos del País Vasco. Donostia-San Sebastián: Financial&tax ediciones.

Varios autores. Memento Fiscal. Madrid: Francis Lefebvre.

Gehiago sakontzeko bibliografia

Ikasturte bakoitzaren hasieran irakasgaiari buruzko Sakontzeko Bibliografia ikasleari eskainiko zaio.

Aldizkariak

Ikasturte bakoitzaren hasieran irakasgaiari buruzko Aldizkarien Zerrenda ikasleari eskainiko zaio.

Web helbideak

Bizkaiko Foru Aldundia: www.bizkaia.eus
Agencia Tributaria: www.agenciatributaria.es
Mugarik gabeko ekonomilariak: www.ecosfron.org