Ingurune Ekonomikoaren Analisiaren irakasgaia 3 komunikazio graduetarako (Kazetaritza, Ikus-entzunezko eta eta Publizitate eta Harreman Publikoko Graduak) amankomuna den 1go moduloan/mailan aurkitzen da. Ekonomiarako sarrera da, non ikasleek ekonomiari buruzko oinarrizko gaitasun zehatz batzuk eskuratuko dituzten euren lan profesionala burutu ahal izateko komunikazio alorrean.



Irakasgaia honen helburua ingurune historiko, politiko, soziala eta ekonomikoa ezagutzea da eta ekonomia zientzia bezala ulertzea da. Kontsumitzaileen, enpresen, sektore publikoaren, eta orokorrean gizartearen lotura ekonomiarekin egunero ikusten da komunikabideetan. Beraz, ezinbestekoa da ikasleek ekonomiaren oinarrizko ezaguera lortzea errealitate ekonomikoa aztertzeko eta interpretatzeko gai izateko.



Ondorioz, Ingurune Ekonomikoaren Analisiaren irakasgaian ikasleek tresna, metodologiak, aldagai eta adierazle nagusiak ikasiko dituzte gaur egungo ekonomia jarduera aztertzeko eta ulertzeko gai izateko. Titulazioaren inguruan irakasgaiak komunikabideek eskatzen dituzten lan profesionalak garatu ahal izateko ikaslea trebatzea du xede. Beraz, ikasleak informazio ekonomikoa biltzeko, ulertzeko eta aztertzeko gai izango dira.



Ingurune Ekonomikoaren Analisia lehenengo lauhilelkoan eskaintzen da eta irakasgaia oinarrizkoa denez ez da beharrezkoa aurretik formakuntzarik izatea arlo honetan.

IRAKASGAIAREN GAITASUN ZEHATZAK:



1. Sistema ekonomiko bakoitzaren atzean dauden azpiko baloreak, helburuak, agenteak, eta erakundeak konparatu, merkatu-ekonomiako sisteman arreta berezia jarriz, hausnarketa kritikoa suspertzeko asmoarekin.



2. Sektore Publikoaren esku-hartzea ekonomian ezagutu eta honi buruz informazioa ematen duten adierazleek aztertzeko eta interpretatzeko gai izan.



3. Arazo eta desoreka makroekonomiakoak identifikatu, euren jatorria aztertu eta irtenbideak (politika ekonomikoak) proposatu.



4. Ingurune ekonomikoarekin lotutako datuak eta adierazle sozioekonomikoak lortu eta interpretatu.



Ikasleek irakasgai honen bidez hurrengo titulazioko gaitasunak landuko dituzte:



TITULAZIOAREN GAITASUN OROKORRAK ETA OINARRIZKO GAITASUNAK:



Orokorrak:



G007 Gizarte-zientzien berezko ezagutza eta metodologien bitartez (Soziologia, Ekonomia, Zuzenbidea, Historia Garaikide) gertaerak eta prozesu sozialak analizatu, interpretatu eta azaltzea, komunikabideen lanaren testuinguruan.



G008 Jakintza-alor arteko komunikazioaren testuinguruan teoria, kontzeptu eta metodologien ezaguera lortzea eta ulertzea.



Oinarrizkoak:



CB2 Ikasleek lanean eta profesioan ezaguera aplikatzea eta argudioak landu eta defendatzea ikasketa eremuko arazoak konpontzearen bidez.



CB3 Ikuspegi kritiko batetik jokabideaz hausnartzea eta datu garrantzitsuak bildu eta interpretatzea (ikasketa eremuan) izaera sozial, zientifiko edo etikoa duten gaiei buruzko epaiak egiteko.



CB4 Informazioa, ideiak, arazoak eta konponbideak transmititzea audientzia espezializatua zein espezializatua ez denari.



CB5 Ikasleek autonomia maila altuarekin geroko ikasketak aurrera eramateko beharrezkoak diren ikasteko trebetasunak garatu dituztela.



ZEHARKAKO GAITASUNAK:



CT2 Gizarte konpromisoa

CT7 Hausnarketa kritikoa

CT8 Talde lana



IRAKASKUNTZA EMAITZAK:



1. Komunikabideetan azaltzen diren gertaera ekonomikorik garrantzitsuenak ulertzea eta interpretatzea.



2. Pentsamendu ekonomikoaren ideia nagusiak konparatu ahal izateko analisi historikoa gauzatzea



3. Konpetentzia osoko merkatuak gidatzen dituzten mekanismo eta legeak interpretatzen jakitea eta errealitatean topatzen ditugun merkatuetan dauden akatsen inguruan hausnartzea.



4. Herrialde baten ekonomia neurtzen duten aldagai makroekonomiko nagusiak identifikatu eta interpretatzea (BPG, langabezia, inflazioa, hazkundea, etab) eta eragile ekonomikoengan duten eragina analizatzea.



5. Estatuak ekonomian dituen papera eta funtzioak identifikatzea. Lortu nahi diren helburuen arabera Estatuak politika ekonomikoan duen jarduera interpretatzea eta baloratzea.



6. Ekonomiek aurre egin beharreko erronka berrien inguruan hausnartzea: globalizazioa, emakumeen papera ekonomian,ekologia, giza-garapena.

1. Gaia: Analisi ekonomikoaren sarrera: oinarrizko kontzeptuak eta gaiak



2. Gaia: Analisi mikroekonomikoa: merkatu ekonomiak

2.1. Merkatuaren mekanismoa: eskaria eta eskaintza kubak

2.2. Merkatuaren akatsak: Estatuaren esku-hartzea ekonomian



3. Gaia: Ingurune ekonomiakoaren analisia: aldagai eta adierazle nagusiak

3.1. Eskaintzaren aldetik analisia: BPG

3.2. Eskariaren aldetik analisia

3.3. Errentaren banaketaren aldetik analisia

3.4. Finantza egoeraren analisia



4. Gaia: Egonkortze-politikak

4.1. Banku Zentrala eta diru-politika

4.2. Zerga-politika



5. Gaia: Enplegua eta lan-merkatua

5.1. Oinarrizko kontzeptuak eta langabezia motak

5.2. Nola neurtu langabezia? Oinarrizko aldagaiak eta adierazleak

5.3. Langabeziaren zergatiak

5.4. Enplegu-politikak



6. Gaia: Beste desoreka makroekonomikoak

6.1. Inflazioaren arazoa

6.2. Kanpoko sektorearen azterketa: pagamendu-balantza eta kanbio-tasak.

Erabiliko den metodologia mistoa da, hurrengo egitura jarraituz:



1. Eskola magistralak (astean 3,5 ordu): eskola magistraletan irakasleek irakasgaia garatzeko programatutako edukiak azalduko dituzte, baita ere landutako edukiei buruzko ariketak, adibideak, hausnarketak eta eztabaidak burutuko dira.



2. Praktikak (ordu bat, astean behin, aldizkako asteetan): praktiketan eginkizun praktikoak egingo dira: talde lanaren zereginak, ariketa gehigarriak eta aurkezpenak, besteak beste.



3. Tutoretzak (astean 6 ordu): ikasleek tutoretzen erabilera egin dezakete galderak eta zalantzak argitzeko (irakasleak zehaztutako egunak eta orduak GAUR aplikazioan ikusi ahal dira).



4. Ikasleek Egela plataforma izango dute euren formakuntza errazteko eta irakasleekin harremana mantentzeko ikasturtearen zehar. Klasean landutako materialak ahal den neurrian Egelan argitaratuko dira. Gainera, egelaren bitartez eginkizun praktiko batzuk zehaztuko dira.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Praktikak egitea (ariketak, kasuak edo buruketak) (%): 70
  • alde lanak (arazoen ebazpenak, proiektuen diseinuak) (%): 30

Ohiko deialdian irakasgai honetan proposatzen da jarraipeneko ebaluazioa lauhilekoaren zehar programatutako zeregin eta ehunekoen arabera. EZ DAGO AZTERKETA FINALA.



GARRANTZITSUA: Goian azaldutako jarraipeneko ebaluazioa jarraitu ahal izateko, ikasleek hurrengo bi baldintzak bete beharko dituzte derrigorrez:

1) Aurreikusitako zeregin guztiak egin behar dira. Ikasleren batek bat egin ezean, bere kalikazioa EZ AURKEZTUA izango da ohiko deialdian.

2) Gelako praktiketara asistentzia derrigorrezkoa da.



JARRAIPENEKO EBALUAZIOARI UKO EGITEA ETA EBALUAZIO FINALA:

Ikasleek ohiko deialdiaren ebaluazio jarraituari uko egin ahal diote baldin eta irakasleari justifikazio idatzi bat aurkezten dioten lauhilekoaren lehenengo bederatzi astetan zehar. Kasu honetan, ikasleek ohiko deialdian azken ebaluazioaren bidez ebaluatuak izango dira, hau da, azterketa finalak (froga idatzi bat izango dena, garatzeko galdera eta ariketekin) notaren %100a suposatuko duena. Azterketa Fakultateak zehaztutako datan izango da.



OHIKO DEIALDIARI UKO EGITEA:

- Jarraipeneko ebaluazioa egin bada, deialdiari uko egin beharko zaio gutxienez dagokion irakasgaiaren irakaskuntza-aldia amaitu baino hilabete lehenago, irakasleari justifikatzeko idatzi bat aurkeztuz. Kasu honetan, azken kalifikazioa EZ AURKEZTUA izango da (UPV/EHUko ebaluazio arautegiaren 12.2 artikulua).

- Azken ebaluazioaren kasuan, deialdiari uko egiteko nahikoa da Fakultateak azterketarako ezarritako data ofizialean ez agertzea. Kasu honetan, azken kalifikazioa EZ AURKEZTUA izango da (UPV/EHUko ebaluazio arautegiaren 12.3 artikulua).

Ebaluatzeko froga bakarra azterketa idatzi bat izango da eta galdera teorikoak eta ariketa praktikoak izango ditu. Azterketa finalak %100 balioko du eta Fakultateak aurreikusitako datan eta ikasgelan izango da. Jarraipeneko ebaluazioa egin dutenek ohiko deialdian, talde lanaren (%30) kalifikazioa mantentzeko aukera izango dute nahi izanez gero, eta kasu horretan, ez-ohiko deialdiaren azterketa idatziak %70 balioko du.



EZ-OHIKO DEIALDIARI UKO EGITEA: deialdiari uko egiteko nahikoa da Fakultateak azterketarako ezarritako data ofizialean ez agertzea. Kasu honetan, azken kalifikazioa EZ AURKEZTUA izango da.

Egelan argitaratutako materialak

Oinarrizko bibliografia

- Hernandez-Sampieri, R. y Mendoza, C. (2018): Metodología de la investigación. Ed.McGraw-Hill.

- Mankiw G. (2012), Principios de Economía, Cengage Learning, 6° edición, México DF.

- Krugman, Paul; Wells, Robin; Graddy, Kathryn (2015): Fundamentos de Economía. Editorial Reverte. Barcelona.

- Torres, Juan (2015): Introducción a la Economía. Editorial Pirámide. Madrid

Gehiago sakontzeko bibliografia

- Conde, Francisco J.; González, Sara (2001): Indicadores económicos. Editorial Pirámide. Madrid.
- Core-econ.org. La economía. https://www.core-econ.org/project/la-economia/
- Galbraith, John Kenneth (1992): Historia de la Economía Editorial Ariel. Barcelona.
- Mankiw, N. G. (2014). Macroeconomía. Antoni Bosch editor.
- Mochón, Francisco (2005): Economía. Teoría y política. Editorial McGraw-Hill. Madrid.
- Samuelson, Paul A.; Nordhaus, William D. (2006): Economía. Editorial McGraw-Hill. Madrid.
- Stiglitz, Joseph E. (2010): Caída libre. El libre mercado y el hundimiento de la economía mundial. Editorial Taurus. Madrid.
- Vara, María José (2006): Estudios sobre género y economía. Editorial Akal. Madrid.

Aldizkariak

Ekonomiaz
Información Comercial Española
Papeles de Economía Española
Revista de Economía Mundial

Web helbideak

http://www.ine.es
http://www.eustat.es
https://ec.europa.eu/eurostat
http://www.ilo.org
http://www.bde.es
https://www.euskadi.eus/eusko-jaurlaritza/ogasun-finantza-saila/hasiera/
https://www.ecb.europa.eu/home/html/index.en.html
http://www.mineco.gob.es/portal/site/mineco/economia
https://www.oecd.org/
https://www.worldbank.org
https://sdgs.un.org/goals
https://www.econinbox.com/
https://mru.org/resources/university/interactive-practice
https://www.euskadi.eus/astekonomia-/web01-a2ogaeko/eu/