Gaur Egungo Munduaren Historiako Irakasgaiaren oinarrizko planteamenduak honako hauek dira:

Arau finkorik jarraitzen ez duen etengabeko eraldaketa prozesua da Historia; ideia hau bereganatzea bultzatzen du irakasgaiak, ikasleek “historia prozesu bezala” uler dezaten. Kontzeptu horien bereganatze eta ulertzeak ondorio bezala izan behar du ikasleak eguneroko errealitateari dagozkion gertaerak hausnartzeko gai izan dadila, egunerokotasuneko gertakariei bide eman dioten arrazoiez jabetu dadila, eta horrek dituen ebaluatze aukerak baloratu ditzala.

Irakasgaiak ikasleen hausnarketa laguntzea bilatzen du, ikasleek beren ideien kontzientzia har dezatela eta ikasgelan landutako materiez eta gertaerez haratagoko egoeren inguruan pentsatzeko erabilgarriak suerta dakizkieken gaitasunak bereganatzea.

Programarekin loturiko gaien inguruko eztabaida eta hausnarketa kolektiboa sortuko den testuingurua bultzatzen eta sustatzen saiatuko gara. Horretarako irakurketa, komentaketa eta bideoak erabiliko dira partaidetza laguntzeko asmoz.

Gutxieneko sistematizazio maila batekin, ikasleek beren pentsamendua formalizatu dezatela bilatzen da, bai ahoz zein idatziz.

Munduko eta bereziki Europako bilakaera historikoaren ildo nagusiak baloratzea XX. mendean zehar, horrela bizi dugun mundua ulertu ahal izateko.

Testu, grafiko eta mapa historikoak aztertzea.

Historialari eta bestelako gizarte zientzialarien liburuei buruzko aipamen kritikoak idaztea.

Gai edo aldi historiko bati buruzko lan akademikoa egitea, bibliografia berezia eta inprimatutako iturriak erabiliz.

1. Gaia: Bigarren Mundu Gerra-osteko nazioarteko ordena berria (1945-1950). Gera Hotza eta Sistema Bipolarra. Nazioarteko harremanen garapena. Lankidetza eta konfrontazio prozesuak.

2. Gaia: Europar eraikuntza prozesuaren aurrera- eta atzera-pausuak. Seien Europatik Europar Batasunera.

3. Gaia: Europa erdialdeko eta ekialdeko Herri Demokraziak. SESB, Stalinen garaitik Brézneven garaira arte.

4. Gaia: Deskolonizazioaren hasiera. Ekialde Hurbila eta Asiako deskolonizazioa.

5. Gaia: Amerikar Kontinentea II Mundu Gerraren bukaeratik (1945-1960). 1960/1970 urteetatik gaur egunera arte.

6. Gaia: Herrialde Afro-asiarren aldarrikapenak: Bandung. Iraultza arabiarrak eta Afrikako deskolonizazioa.

7. Gaia: Mundu kapitalistaren krisia 1973. urtetik: mendebaldar gizarte eredu berri bat XX. mende bukaerarako. Bipolaritatearen bukaera nazioarteko harremanetan.

8. Gaia: Deskolonizazioaren bukaera. Hirugarren Mundua. Asia eta Afrika XX. mende bukaeratik gaur egun arte.

9. Gaia: Sistema sozialistaren hondamendia eta SESB-en desagerpena.

10. Gaia: Mundu ordena berri baterantz XXI. mende hasieran: eskualde-arteko desorekak eta kaosa nazioarteko harremanetan.

Metodologia zein GHEE prozesuko ikasketa plan berrietatik jasotako jarraibideek, urteetan zehar jasotako esperientziak, zein ikasleek egindako proposamenek –aurreko urteetan zehar ahoz zein egindako inkesten bidez adieraziak– klase formalarekiko osagarri diren irakaskuntza moduak erabiltzeko beharra agerian utzi dute. Beharrizan hauei jarraiki, irakasgai honetan defendatzen den ikaskuntza kontzeptuak ikasgelan parte hartze aktibo bat izatea eskatzen du.

Beraz, metodologia honen bidez, ikasleen hausnarketa bultzatu nahi da, irakaskuntza/ikaskuntza prozesuan metodologia aktiboak erabiliz. Alde horretatik, eduki teorikoei laguntzeko materiala erabiltzea funtsezkoa izango da ikasturte hasieran ezarritako helburuak lortzeko. Irakasleak, programan adierazten diren gai eta atal handien edukien azalpenekin batera, klaseei izaera aktibo eta parte-hartzailea ematen saiatuko gara: testu iruzkinak eta artikuluen irakurketak egiten edota bideoak ikusiz. Horretarako, iturri historikoak erabiliko dira baliabide gisa (liburuak, liburuen kapituluak, artikulu zientifikoak, prentsan argitaratutakoak, etab.), baita eGELA plataforman dauden baliabide digitalak ere.

Ondorioz, ikasleen zein hitz hauek idazten ditugunon presentzia fisikoa zein parte-hartze aktiboa espero da. Hau da, egotea ezezik, izatea ere bai.

Esandako guztiak ikasleek, behar duten guztietan, tutoretzak erabili ditzatela eskatzen du, errendimendu eta materiak eskatzen dituen ezagupenen zein tresnen erdiespenaren inguruko baloriazo pertsonalizatu bat egiteko helburuaz.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 50
  • Banakako lanak (%): 20
  • Lanen, irakurketen... aurkezpena (%): 30

Prestakuntza jarduerek, bai Etengabeko Ebaluazioaren modalitatean, bai Ebaluazio ez jarraituaren modalitatean, 60 orduko presentziazko lana eta 90 orduko lan autonomoa ezartzen diete ikasleei. Eskola magistraletara eta gelako praktiketara joateaz gain, ikasleek hainbat lan egin behar dituzte.

Etengabeko Ebaluazioaren modalitateak, bai presentziala bai urrutitik, eGELA plataformaren bidez, azken notaren %50 balioko du. Azterketak atal hauek ahal izango ditu: garatu beharreko galderak, testa edo ahozko azalpenak.

Gainerako% 50a praktikak eginez lortuko da. Irakasleak planteatuko dituen praktikak, zuzenean edo, bestela, urrutitik eGELA plataformaren tresna interaktiboen bidez, honako hauek izango dira: banakako lanak, hala nola testu-iruzkinak egitea (idatziak, bideo-grafikoak edo audio-grafikoak); artikuluen edo liburu-kapituluen aipamenak. Irakaskuntza Gidan ezarritakoaren arabera, aipatutako lan batzuen ordez, zenbait parte-hartzailek batera egindako lanak egin ahal izango dira. Lan horietako bakoitzaren balioa eta aurkezteko modua Irakaskuntza Gidan daude ezarrita ikasturtearen hasieratik.

Ebaluazio ez jarraitua. Irakaskuntza Gidan ezarritako jarraibideen arabera, Etengabeko Ebaluazioari uko egiten dioten ikasleek proba bat egin beharko dute, azken kalifikazioaren %100a izango dena. Azken azterketa bat izango da, aurrez aurre edo urrutitik egingo dena. Azken probaren helburua ikasle guztiek ikasturtearen hasieran ezarritako programa betetzen dutela egiaztatzea da, aukeratutako ebaluazio mota edozein dela ere. Beraz, Ebaluazio ez jarraitua aukeratzen duten ikasleak ez daude salbuetsita eGELA plataformara igo eta ezarritako lanak egitetik, programak eta Irakaskuntza Gidak ezartzen duten bezala, baina ez dizkio irakasleari aurkeztu behar ikasturtean zehar, azken azterketaren bidez baizik.

Azken azterketan egin daitezkeen galderez gain, irakasleak ikasturte hasieratik adierazitako irakurketa eta zereginei buruzko galderaren bat proposatu ahal izango du. Helburua Irakaskuntza Gidan ezarritako oinarrizko gaitasunak eskuratu dituela frogatzea da. Azterketa hori egiteko, Etengabeko Ebaluazioaren modalitateko ikasleentzat ezarritakoa baino denbora gehiago izango dute.

Etengabeko Ebaluazioa egin eta Ezohiko Deialdira aurkezten diren ikasleek ikasturteko praktika ebaluagarrien kalifikazioak mantendu ahal izango dute, azken notaren% 50eko balioa izango dute. Gainerako% 50a idatzizko proba baten bidez lortuko da, Ohiko Deialdian ezarritako modu berean.

Ebaluazio ez jarraitua egin duten ikasleei Ohiko Deialdian ezarritako proba berak aplikatuko zaizkie.

Oinarrizko bibliografia

ARACIL, R.; OLIVER, J.; SEGURA, A., El mundo actual : de la Segunda Guerra Mundial a nuestros días, Universidad de Barcelona, Barcelona, 1995

AROSTEGUI, J., BUCHRUCKER, C. y SABORIDO, J., El mundo contemporáneo: Historia y problemas, Barcelona, Editorial Biblos- Crítica, 2001.

AZCONA, J. M. Historia del Mundo Actual, de 1945 a nuestros días. Universitas, Madrid 2005.

BAÑUELOS, L.P.: Manuel de historia contemporánea universal (1920-2005) Ed. Dilex. S. L., Madrid, 2006

BROWER, D. R., Historia del mundo contemporáneo, 1900-2001, Madrid, Ed. Prentice-Hall, 2002.

CALVOCORESSI, P., Historia Política del Mundo Contemporáneo, de 1945 a nuestros días, Akal, Madrid, 1987.

CASASSAS, J.: La construcción del presente. Desde 1848 hasta nuestros días, Barcelona, Ariel, 2005.

DÍEZ ESPINOSA, J. R. y otros, Historia del mundo actual (desde 1945 hasta nuestros días), Universidad de Valladolid, 2006

PROCACCI, G., Historia general del siglo XX, Ed. Crítica, Barcelona, 2007.

MARTINEZ CARRERAS, J. U. (ed.), Historia del mundo actual, Ed. M. Pons, Madrid, 1996

MARTÍNEZ, J. y otros, Historia Contemporánea, Ed. Tirant Lo Blanch, Valencia, 2006.

Gehiago sakontzeko bibliografia

FONTANA, J.: Por el bien del imperio. Una historia del mundo desde 1945. Ed. Pasado & Presente, Barcelona, 2011.
HOBSBAWM, E., Historia del siglo XX, 1914-1991, Ed. Crítica, Barcelona, 2008.
JACKSON, J.: Europa 1900-1945. Europa desde 1945. Ed. Crítica, Barcelona, 2003.
KHADER, B.: El mundo árabe explicado a Europa. Historia, imaginario, cultura, economía, geopolítica. Icaria Editorial, 2010
MEREDITH, M.: África. Una historia de 50 años de independencia. Ed. Itermón Oxfam, Madrid 2011