Irakasgai honen bitartez Kazetaritza-Idazkeraren munduan Komunikazioaren hiru adarretako ikasleak (Kazetaritzako, Publizitatea eta Harreman Publikoko zein Ikus-entzunezko Komunikaziokoak) murgildu nahi dira hedabide inprimatuen alorrean. Arlo praktikoan bakarrik albistea eta bere osagaiak (titulua, sarrera, corpusa...) landu arren, atal teorikoan kazetaritza-generoak ere ikasten dira ikasleek genero horien testu-ezaugarriak bereiz ditzaten. Halaber, ikasleari azaltzen zaio zein testuingurutan gauzatzen den. Horretarako, oinarrizko mailan bada ere, kazetarien betebeharretan garrantzitsuak diren beste kontu batzuk ere jorratzen dira, besteak beste, informazio-iturriak, albisteen baloraziorako irizpideak, eta lege eta ekonomia ingurunea.

Gaitasunak:

1-Beren lengoaia eta egitura kontuan hartuta, kazetaritza-generoen ezaugarriak desberdintzea.

2-Egitura errazeko informazioak idaztea, generoari dagozkion ezaugarri narratiboak eta titulargintzari dagozkionak kontuan hartuta.

3-Gertakarien eta iturrien garrantzi informatiboa baloratzen ikastea.

4-Kazetari-jarduna garatzen den lan-, gizarte-, eta ekonomia-testuingurua ezagutzea, horrekin etxekotzea eta horretan trebatzea.



Emaitzak:

1-Ikasleak gauza dira kazetaritza-generoen testu-ezaugarriak bereizteko.

2-Ikasleak gai dira egitura erraza duten albisteak idazteko, piramide irauliaren egitura erabiliz.

3-Ikasleek gertaera baten osagai garrantzitsuenak baloratu ditzakete.

4-Ikasleek ezagutzen dute kazetaritzaren lana burutzeko zer eskubide eta lege-muga dituzten, eta jarduera hori zer enpresa-testuingurutan gauzatzen den.

1.- Interpretazioa kazeta-jardunean. Kazetaritza eta interpretazioa. Interpretazio mailak kazeta-jardueran.

2. -Kazetaritza-lengoaia eta kazetaritza-generoak. Kazeta-lengoaiaren ezaugarriak. Testu-generoak, ikus-generoak eta bitarikoak. Informazio-generoak, interpretazio-generoak eta iritzi-generoak.

3. -Albistea, eta horren idazketa. Albistearen kontzeptua. Sasi-albisteak. Adierazpen albisteak. Albisteen sailkapenak.

4. -Titulu informatiboa. Tituluaren ezaugarriak. Titulu motak.Tituluaren osagaiak.

5. -Informazioaren sarrera. Informazio sarreraren jatorria. 5 W-ei erantzuten dien sarrera. Sarrera motak.

6. -Albistearen corpusa. Informazioaren lepoa. Iraulitako piramidea. Bestelako testu egiturak.

7. -Gertakarien balorazioa. Agenda tematikoaren lanketa eta gatekeeper kontzeptua. Agenda tematikoaren ondorioak. Albisteen baloraziorako irizpideak.

8. -Informazio-iturriak. Informazio-iturriaren definizioa. Iturrien atribuzioa. Iturri motak.

9. -Kazetari-jarduna testuinguru legalean. Informazio askatasuna eta haren lege mugak. Sekretu profesionala eta kontzientzia klausula. Kode deontologikoak.

10.-Espainiako hedabideen ekosistema. Estatuaren ia erabateko monopoliotik talde multimedietara. Prentsa talde garrantzitsuenak. Hedapena eta audientziak.

11. Interneterako informazioa. Ziberkazetaritzaren sorrera eta garapena Espainian. Interneterako kazetaritzaren ezaugarriak. Berezko generoak.





ARIKETA PRAKTIKOAK (14 aste)



Praktikak Fakultateko geletan (ez multimedia geletan) burutuko dira astero, eta bi orduko iraupena izango dute.



Horretarako, geletara haien ordenagailua eramateko eskatzen zaie ikasleei, ondo kargatuta, eskolak bitartean gelan dauden denboran behar besteko autonomía izateko eta praktikak burutzeko.



1- Hildakoak utzi dituen trafiko istripua.

2- Hildakoak eta berezitasunezko osagaiak dituen gertakaria.

3- Hildakoak, berezitasunezko osagaiak eta adierazpenak dituen gertakaria (1).

4- Hildakoak, berezitasunezko osagaiak eta adierazpenak dituen gertakaria (2).

5- Hildakoak, berezitasunezko osagaiak, adierazpenak eta aurrekariak dituen gertakaria.

6- Hildakorik gabeko baina berezitasunezko osagaiak eta adierazpenak dituen gertakaria (1).

7- Hildakorik gabeko baina berezitasunezko osagaiak eta adierazpenak dituen gertakaria (2).

8- Hildakorik gabeko baina berezitasunezko osagaiak, adierazpenak eta aurrekariak dituen gertakaria.

9- Erreportaje erraz baten berridazketa: albiste bihurtu.

10- Aurrekariak eta adierazpenak dituen erreportaje baten berridazketa: albiste bihurtu (1).

11- Aurrekariak eta adierazpenak dituen erreportaje baten berridazketa: albiste bihurtu (2).

12- Aurrekariak eta adierazpenak dituen erreportaje baten berridazketa: albiste bihurtu (3).

13- Ikastaroan landutako zenbait alorretan sakontzeko praktika (1).

14- Ikastaroan landutako zenbait alorretan sakontzeko praktika (2).

Irakasgai honek asteko 4 ordu ditu, bi Teoria ikusteko eta beste bi Praktika lantzeko. Saio teorikoak taldearen gelan emango dira, eskola magistralaren metodoa erabiliz. Ikus-entzunezko baliabideak ere erabili ahal dira eskola magistral horietan. Praktiketarako, aldiz, taldea azpitaldetan banatuko da. Saio praktiko horiek Multimedia gelatan burutuko dira. Bertan ikasleek folio bateko albisteak idatzi beharko dituzte: gertakariak, adierazpen-albisteak edo erreportajeen berridazketak, gehien bat.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 40
  • Praktikak egitea (ariketak, kasuak edo buruketak) (%): 60

OHIKO DEIALDIA



Ikasleek teoriaren eta praktikaren ebaluazio jarraitua edo azken azterketa egiteko aukera izango du, ez biak. Horrek esan nahi du ebaluazio jarraitua gainditzen ez duenak ezin izango duela urtarrileko azterketa egin, eta ekaineko ez-ohiko deialdira joan beharko duela.



a) Ebaluazio jarraitua:

Praktika: Ikasleak bi proba egingo ditu lauhilekoan zehar.

Teoria: Ikasleak proba bat egingo du lauhilekoan zehar.

Ebaluazio jarraitua egiteko, eskoletan %80ko asistentzia izan beharko du ikasleak, gutxienez.



b) Ebaluazio ez jarraitua:

Lauhilekoaren bukaeran ikasleak azterketa teoriko-praktikoa gainditu beharko du. Azterketak 3 ordu inguruko iraupena izango du.

Eskola teorikoetako gaiei lotutako galdera sorta bati modu zehatzean erantzutean datza azterketa teorikoen oinarria. Galdera kopurua 5-10 bitartekoa izango da. Azken notan teoriaren balioa %40 izango da.



Klasean ikasturtean zehar egindako ariketen antzeko bat egitean datza azterketa praktikoen oinarria (gertakaria, erreportaje baten berridazketa, adierazpenak dituen albistea...). Praktikaren balioa %60 izango da azken kalifikazioan.



Alde praktikoa eta teorikoa egitea -proba horietara aurkeztea, alegia- eta bi alde horiek banan-banan, bereizita, gainditzea ezinbesteko baldintzak izango dira irakasgaia gainditzeko.



Ikasgaia bere osotasunean gainditzeko, ezinbesteko baldintza da bi aldeak gainditzea: Teorian gutxienez 4 puntutik 2 lortu beharko dira eta praktikan gutxienez 6tik 3. Hortik bi aldeak gehitu eta azken kalifikazioa aterako da.



Ohiko deialdian gainditutako aldearen kalifikazioa ezohiko deialdirako gordeko zaio ikasleari.



UKO EGITEA:

Ikasleak eskubidea izango du ebaluazio jarraituari uko egiteko eta horrela bere burua aurkezteko ohiko deialdiko azken azterketan.

Ebaluazio jarraituari uko egiteko epea azaroaren 11ra artekoa izango da eta idatziz jakinarazi beharko zaio irakasleari.

Ohiko deialdiko ezaugarri berberak dituen azterketa teoriko-praktikoa gainditu beharko dute ezohiko deialdira aurkezten diren ikasleek.



Ohiko deialdian ikasgaiaren zatiren bat gaindituz gero, ezohiko deialdian gainditu gabeko atalaren azterketa egin beharko du soilik ikasleak.

Oinarrizko bibliografia

Eskuliburua:

PASTOR GONZALEZ, J.M.; AIESTARAN YARZA, A. (2021): Berrien idazkera: albistea lantzeko oinarrizko eskuliburua. UEU-UPV/EHU, Bilbo.



Beste liburu batzuk:

-ARMENTIA VIZUETE, J.I, CAMINOS MARCET, J.M. (2009): Redacción Informativa en Prensa. Ariel, Barcelona.

-ARMENTIA VIZUETE, J.I, CAMINOS MARCET, J.M. (2003): Fundamentos de peridodismo impreso. Ariel, Barcelona.

EHU. Leioa

-BENAVIDES, J.L. y QUINTERO, C. (2005): Escribir en prensa. Pearson, Madrid.

-CANTAVELLA, J. y SERRANO, J.F. (coord.) (2003): Redacción para periodistas: informar e interpretar. Ariel, Barcelona

-MAYORAL, J. (2013): Redacción Periodística. Medios, géneros y formatos. Síntesis, Madrid.

Gehiago sakontzeko bibliografia

-AGENCIA EFE (2011): Libro de estilo urgente. Galaxia Gutenbert, Barcelona
-ARMENTIA, J.I.; CAMINOS, J.M.; PALAZIO, G. (2000): Kazetaritzaren hasi-masiak. UPV-EHU, Leioa.
-BERRIA. (2006):Estilo liburua. Berria Euskal Editoria, Donostia.
-CASASUS, J.M. y NUÑEZ LADEVEZE, L. (1991): Estilo y Géneros periodísticos. Ariel, Bardelona.
-EDO, Concha. (2003) Periodismo informativo e interpretativo. Comunicación Social, Sevilla.
-EL MUNDO (1996): Libro de estilo. Temas de Hoy, Madrid.
-EL PAIS. (2003) Libro de Estilo. Aguilar, Madrid.
-GOMIS, Lorenzo. (1993): Teoría del periodismo. Cómo se forma el presente. Paidós, Barcelona, 1993.
-MARTÍNEZ SOUSA, J. (2003): Libro de estilo de Vocento. Trea, Gijón.
-PÉREZ FUENTES, J.C. (coord)(2004): Ética periodística. Principios, códigos deontológicos y normas complementarias.
-RAMÍREZ DE LA PISCINA, T. (1997). Kazetari-lana Euskal Herrian. Interpretariorako eta espezializaziorako abiaburuak. UEU, Bilbao.
UPV/EHU, Leioa.
-RODRIGO ALSINA, Miquel (1999). La construcción de la noticia. Paidós, Barcelona.
-SALAVERRÍA, R. (2005): Redacción periodística en Internet. Eunsa, Pamplona.
-SÁNCHEZ-TABERNERO, A. (2008): Los contenidos de los medios de comunicación. Calidad, rentabilidad y
competencia. Deusto, Barcelona.
-TASCÓN, M. (2012): Escribir en Internet. Galaxia Gutenberg, Barcelona.
-RODRIGO ALSINA, Miquel (1999). La construcción de la noticia. Paidós, Barcelona.
-SALAVERRÍA, R. (2005): Redacción periodística en Internet. Eunsa, Pamplona.
-SÁNCHEZ-TABERNERO, A. (2008): Los contenidos de los medios de comunicación. Calidad, rentabilidad y competencia. Deusto, Barcelona.

Aldizkariak

AdComunica
Ámbitos
Estudios sobre Mensaje Periodístico.
Comunicación y Sociedad.
Comunicar
Doxa.
Jakin
Palabra Clave.
Revista Latina de Comunicación.
Telos
Textual and Visual Media
Trípodos
Uztaro
Zer. Revista de Estudios de Comunicación.

Web helbideak

Kazetak
http://www.argia.com
http://www.berria.eus/
http://www.deia.com/
http://www.eldiario.es/
http://www.publico.es/
http://www.diariovasco.com/
http://www.elconfidencial.com/
http://www.elcorreo.com/
http://www.elmundo.es/
http://elpais.com/
http://goiena.eus/
http://www.naiz.eus/
http://www.noticiasdealava.com/
http://www.noticiasdegipuzkoa.com/

Beste agerkariak:
http://www.uztaro.org
http://www.jakin.eus
http://labuenaprensa.blogspot.com.es
http://www.malaprensa.com/
http://www.fape.es/