Irakasgai hau Publizitate eta Ikus-entzunezko komunikazio graduetan 2. mailako irakasgai komuna da. Irakasgai historikoa den aldetik, Gaur Egungo Munduaren Historia irakasgaiarekin harreman estua du, eta baliabide filosofikoak ere eskeintzen ditu Ingurune Ekonomikoaren Analisia eta Ikus-entzunezko Hizkuntza bere konplexutasunean ulertzeko.

Aro moderno eta garaikideetan botere politikoaren auziarekin arduratu diren eta eragin handikoak izan diren pentsalarien ideia nagusiak jorratzea du helburu irakasgai honek. Filosofia politikoa izango da gure hausnarketa-esparrua; beraz, ikuspuntu normatiboa eta abstraktoa garatuko dugu gehienetan. Autorez autore jorratuko ditugu ondoko gaiak, besteak beste: gizabanakoaren ikuspegi antropologikoa, botere politikoaren lejitimazioa, subiranotasunaren sortze eta irauntze oinarriak, bere mugak, askatasuna eta berdintasunaren arteko harremana, edota herriaren partaidetza prozesu politikoan. Hori guztia begi-bistatik galdu gabe ideiek garapen historikoa izaten dutela. Ibilbide horretan gure egunetako ildo ideolojiko nagusien ezaugarri aipagarrienak azalduko zaizkigu, liberalismo, kontserbadorismo edo sozialismoenak, esaterako. Arreta berezia eskainiko zaio filosofia politikoa, historia eta komunikazio zientzien arteko zubi-lanari.

Irakasgaia honako berariazko gaitasun hauek garatzera bideratuta dago:

- Mendebaldeko tradizio modernoaren sistema politiko-intelektual garrantzitsuenak ezagutu eta aztertzea.

- Irakasgaiari berezko zaion terminologia menperatzea.

- Kontzeptu sozial eta politikoen garapen historikoaz ohartaraztea.

- Irakasgaiaren autore eta kokatzen direneko korronteei buruzko informazioa jaso eta biltzeko irizpideak eskeini.



Gaitasun hauek bat egiten dute Publizitate eta Ikus-entzunezko Komunikazioa titulazioen ondorengo gaitasunekin:

- Informazioa iturri desberdinetan bilatu, aukeratu, hierarkizatu eta analizatzea, bere edukia forma eta estrategia narratibo desberdinetara egokituz.

- Modu kritikoan gertaerak, prozesu sozialak, testuak eta proiektu komunikatiboak aztertzea, interpretatzea, azaltzea eta balioestea.

- Parte-hartzearekin, kudeaketarekin eta talde-lanaren optimizazioarekin erlazionaturiko trebetasunak garatzea, erabaki-hartzera eta emaitzen ebaluaziora zuzenduriko irizpideak jarraituz.

- Komunikazioaren eta bereziki publizitate eta harreman publikoen alor (inter)diziplinarreko testuinguruan teoria, kontzeptu eta metodologien ezaguera lortzea eta ulertzea.





Azkenik, titulazioetako 2. mailako gaitasun hauekin txertatzen da Pentsamendu Politikoaren Historia:



- Informazio eta komunikazio sistemak eta prozeduren inguruko ezaguera lortzea, identifikatzea eta analizatzea, bere testuinguru historiko eta sozialean.

- Teoria desberdinen argitan fenomeno komunikatiboa interpretatzea eta era kritikoan balioestea.

1. Gaia. Pentsamendu politikoa eta Historia

2. Gaia. Modernitatea eta bere aurrekariak

3. Gaia. Absolutismoa eta Ilustrazioa

4. Gaia. Iraultzen aroa

5. Gaia. Mundu garaikidearen ideologia eta mugimendu politiko-sozialak

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 60
  • Praktikak egitea (ariketak, kasuak edo buruketak) (%): 40

Ikasleen Ebaluaziorako Arautegiaren 8.3 artikuluari jarraiki ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta horretarako, bederatzi asteko epea izango du lauhilekoa hasita, hau da, 2018ko martxoaren 23a baino lehenago.



Azken ebaluazioak honako proba jasoko du: Garatu beharreko proba idatzia



Ikasleen Ebaluaziorako Arautegiaren 12.2 artikuluari jarraiki deialdiari uko egin nahi dioten ikasleek irakaskuntza aldia bukatu baino hilabete lehenago egin beharko dute eskaria, hau da, 2018ko apirilaren 23a baino lehenago. Eskari hori idatziz aurkeztu beharko zaioa irakasgaiaren ardura duen irakasleari.

Osasun inguruabarrek azterketa presentzial bat egitea eragozten badute, haren ordez banakako lan bat edo gehiago eginen dira, Egelaren bidez ematen ahal direnak. Programako gaiei buruzko galdera batzuei erantzun beharko zaie.

Ezohiko ebaluazioak honako proba jasoko du: Garatu beharreko proba idatzia.

Osasun inguruabarrek azterketa presentzial bat egitea eragozten badute, haren ordez banakako lan bat eginen da, Egelaren bidez ematen ahalko dena. Programako gaiei buruzko galdera batzuei erantzun beharko zaie.

Gai bakoitzean irakurgaiak zehaztuko dira.

Oinarrizko bibliografia

- Antxustegi Igartua, Esteban. 1998. Filosofia politikorako irakurketak I. Leioa: EHU.

- Botella, Juan, Carlos Cañeque, Eduardo Gonzalo (arg.). 1994. El pensamiento político en sus textos. De Platón a Marx. Madril: Tecnos.

- Chatelet, François, Olivier Duhamel eta Evelyne Pisier-Kouchner. 1992 (2. arg.). Historia del pensamiento político. Madril: Tecnos.

- Del Águila, Rafael, Fernando Vallespín et. al. 1998. La democracia en sus textos. Madril: Alianza.

- Rawls, John. 2009. Lecciones sobre la historia de la filosofía política. Barcelona: Paidós.

- Sabine, George. 1995. Historia de la teoría política. México: FCE.***

- Strauss, Leo eta Joseph Cropsey (arg.). 1993. Historia de la filosofía política. México: FCE.

- Touchard, Jean. 1983 (5. arg.). Historia de las ideas políticas. Madril: Tecnos.

- Vallespín, Fernando (arg.). 1991. Historia de la teoría política (6 liburuki) Madril: Alianza.***

Gehiago sakontzeko bibliografia

- Bobbio, Norberto, Nicola Matteucci (arg.). 1982. Diccionario de política (2 liburuki). Mexiko e.a.: Siglo XXI.***
- Goodin, Robert E., Philip Pettit (arg.). 1993. A Companion to Contemporary Political Philosophy. Oxford: Blackwell.
- Goodwin, Barbara. 1988. El uso de las ideas políticas. Bartzelona: Península.
- Miller, David. 2011. Filosofía política: una breve introducción. Madril: Alianza.
- Miller, David et al. (arg.). 1989. Enciclopedia del pensamiento político. Madril: Alianza.***
- Raphael, D.D. 1983. Problemas de filosofía política. Madril: Alianza.
- Sartori, Giovanni. 1992. Elementos de teoría política. Madril: Alianza.
- Weber, Max. 1987 (8. arg.). Economía y sociedad. Méxiko: FCE (706.-716. orr.).

Aldizkariak

Ariadna Histórica. Lenguajes, Conceptos, Metáforas
Revista de Estudios Políticos
Contributions to the History of Concepts
Journal of the History of Ideas
Modern Intellectual History

Web helbideak

http://www.ehu.es/ehg/klasikoak/; "Klasikoak" bilduman gure irakasgaian jorratuko ditugun hainbat autoreren liburuak jeisten ahal dira (Hobbes, Rousseau, Kant, John Stuart Mill eta Marxenak), word zein pdf formatoetan.