“Euskal Herriko gizarte egiturak eta prozesuak” irakasgaia Soziologia graduko 2. mailako oinarrizko irakasgaia da, Soziologia graduko materia espezifiko gisa azaltzen dena (hau da, Zientzia Politikoetako ikasleekin partekatzen ez dena). Irakasgai honen bidez gaurko euskal gizartea aztertzeko oinarrizko lanabes analitikoak landuko dira.



Batetik, gizarte analisirako funtsezko kontzeptuak aztertuko dira, hala nola, “egitura”, “ekintza” edota “gizarte prozesua”. Era horretan, irakasgaia zenbait aspektutan ikus daiteke beste irakasgai batzuen jarraipen gisa, ondokoekin duelarik nolabaiteko konexioa: lehen mailako “Gizarte Erakunde eta Prozesuak” eta “Analisi Soziologikoaren oinarriak”; eta bigarren mailako “Teoria Soziologikoa”. Bestetik, irakasgaiak badu alderdi aplikatu nabarmena, aipaturiko kontzeptu teorikoak aplikatuko direlako bai Mendebaldeko gaurko gizarteen analisian bai gaurko euskal gizartearen analisi espezifikoagoan.

GAITASUNAK



Irakasgaiak ondoko gaitasun orokorrak landuko ditu:





1. Jakintza soziologikoaren oinarrizko kontzeptuak aplikatu euskal gizartearen analisian (lotura du moduluko ondoko gaitasunekin: 2, 4, 5, 6 eta 7)

2. Bereizi Euskal Herriaren gaineko definizioan dauden ikuspegi ezberdinak eta hauen ondorioak, bai gizartean oro har nola eremu zientifikoan (lotura du moduluko ondoko gaitasunekin: 2, 4, 5, 6 eta 7)

3. Euskal gizarteak hondoan dituen egitura anitzak identifikatu (lotura du moduluko ondoko gaitasunekin: 2, 4, 5, 6 eta 7)

4. Kulturaren, ekonomiaren eta politikaren eremuetan gertatzen ari diren eta euskal gizartea zeharkatzen duten etengabeko aldaketa prozesuak identifikatu (lotura du moduluko ondoko gaitasunekin: 2, 4, 5, 6 eta 7)



Aldi berean, irakasgaiak Soziologia graduko bigarren mailari dagokion gaitasun zeharkakoa landuko du: arazo sozialen aurrean jarrera kritikoa eskuratu eta landu.



IKAS-EMAITZAK



- Ikasleak ikasiko du jakintza soziologikoaren oinarrizko kontzeptuak aplikatzen euskal gizartearen azterketan.

- Ikasleak bereiziko ditu Euskal Herriaren gaineko definizio ezberdinak, eta definizio bakoitzak dituen ondorioak.

- Gai izango da identifikatzeko euskal gizartearen hondoan dauden gizarte egiturak.

- Identifikatuko ditu aldaketa prozesuak gizarteko eremu ezberdinetan (ekonomia, kultura, edota politika).

Irakasgaiaren edukiak hiru gai-multzotan banatzen dira:



1. Oinarrizko kontzeptuak: egiturak, ekintzak, prozesuak

2. Egiturak eta prozesuak gaurko gizarte mendebaldarretan

3. Egiturak eta prozesuak gaurko euskal gizartean

Irakasgaiak planteatzen dituen helburuak eta gaitasunak betetzeko, hainbat dira erabiliko diren bideak. Irakaslearen aurkezpen teorikoez gain, lan praktikoak egingo dira gaitegia garatzeko, bai indibidualak nola taldekakoak.



Irakasgaia “e-gela” plataforma digitalean antolatuta dago, modu aktiboan erabiliz informazioaren eta komunikazioaren teknologiak.



Azkenik, tutoretzak ere ikaste-irakaste prozesuaren atal garrantzitsu gisa planteatzen dira.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 35
  • Praktikak egitea (ariketak, kasuak edo buruketak) (%): 65

1) EBALUAZIO MISTOA



Irakasgaia ebaluatzeko bide mistoa erabiliko da, hau da, ebaluazio jarraituaren eta azken ebaluazioaren konbinazioa. Ondokoak dira irakasgaia gainditzeko irizpideak:



- Lanak eta praktikak (indibidualak eta taldekakoak): azken notaren %65a

- Azterketa: %35a.



Ebaluazioa presentziala ezin izango balitz egin lana eta praktiken nota %60a izango zen eta azerketarena %40a.



Ebaluazio mistoari uko egiteko, idatziz jakinarazi eta justifikatu beharko da (probak erakutsiz) irakasgaia hasi ondorengo lehen hilabetean.

Ohiko deialdiari uko egiteko nahikoa da azken probara ez aurkeztea.



2) AZKEN EBALUAZIOA



Ebaluazio jarraituan parte hartu ezin duen ikasleak ezintasun horren arrazoiak justifikatu beharko ditu (graduko irakaskuntza zehazten duen araudiaren 43. artikuluan jasotzen diren arrazoietako bat argudiatuz) eta irakasleari eskatu beharko dio azken ebaluaziora aurkeztu ahal izatea. Eskaria idatziz egin beharko da, arrazoiak justifikatuz eta klaseak ofizialki hasi ondorengo bost aste baino gutxiagoko epean. Ezintasuna irakasgaia egin bitartean suertatzen bada, berdin eskatu eta justifikatu beharko du, dagokion deialdiko (ohikoa edo ezohikoa) azterketaren data ofiziala baino 30 egun lehenago gutxienez.



Azterketan ezin izango dira liburu, ohar edota apunteak erabili. Era berean, tresna telefoniko, elektroniko edota informatikoak erabiltzea debekatua egongo da.

Azterketa bidezko ebaluazioa, azken notaren %100a balioko duena. Ebaluazioa presentziala ezin bada egin presentzialaren ebaluazio irizpide berdinak jarraituko dira.



Azterketan ezin izango dira liburu, ohar edota apunteak erabili. Era berean, tresna telefoniko, elektroniko edota informatikoak erabiltzea debekatua egongo da.

Oinarrizko bibliografia

- P. Bourdieu (1997): 'Espacio social y espacio simbólico', Razones prácticas, Anagrama, p. 11-26.

- R. Feito (1995): 'Introducción al concepto de estructura social', Estructura social contemporánea, Siglo XXI, p. 1-29.

- - A. Gurruchaga, A. Pérez-Agote, A. Unceta (1991): 'Estructura y procesos sociales en el País Vasco', Tomo I y II, UPV/EHU.

- G. Ritzer (1992): 'Integración acción-estructura', Teoría sociológica contemporánea, McGraw-Hill, p. 489-521.

Aldizkariak

Inguruak (UPV/EHU)
Uztaro (UPV/EHU; Udako Euskal Unibertsitatea)
Papers (Universidad Autónoma de Barcelona)

Web helbideak

www.gaindeiga.org
www.datutalaia.net
www.eustat.es
http://epp.eurostat.ec.europa.eu
www.ine.es