"Zirkuituen Analisia" irakasgaia Telekomunikazioko Teknologiako Ingeniaritza Graduan lehenen kurtsoko oinarrizko heziketaren parte bat da. Oinarrizko Prestakuntza moduluan kokatzen da. Eta irakasgai honekin ikasleari Zirkuituen Teoriako oinarrizko ezagutza eskaintzen zaio, honen bitartez ikaslea gai izan dadin zirkuitu sinpleak ebazteko, zirkuituen konplexutasuna sinplifikatzeko eta bere portaera aztertzeko. Bereizi jorratuko dira telekomunikazioekin lotutako zirkuituek erakusten duten ikuspegia. Irakasgaiak izaera praktikoa erakusten du laborategiko praktiken bidez. Bertan telekomunikazio ingeniaritzara zuzendutako aplikazioak aztertzen dira, seinale eta sistema praktikoak landuz.



Irakasgaiaren izaera oinarrizko eta aplikatuagatik, ikasgaiak lagungarriak dira Oinarrizko Elektronika, Gailu eta Zirkuitu Elektronikoak, eta Zirkuituen Elektronika bezalako irakasgaientzat. Baita Seinaleen Prozesatzea irakasgaiarentzat ere, non irakasgai honetan aurkezten diren tresneria eta kontzeptu batzuk matematikoki eta formalki sakonago aztertzen diren.



"Zirkuituen Analisia" ikasteko komenigarriak dira jakintza hauek: zenbaki konplexuekin kalkulua, oinarrizko aljebra lineala menperatzea, eta elektromagnetismoaren hastapenak ezagutzea. Guzti hauek batxilergoaren bigarren kurtsoan ikasten dira.

Irakasgaian Graduko zeharkako gaitasun hauek lantzen dira:

- Arazoak ebazteko ekimena; erabakiak hartzeko ahalmena; sormena; eta jakintza, abilezia eta trebetasuna komunikatzeko eta transmititzeko ahalmena. Guztia telekomunikazio-ingeniari teknikoaren erantzukizun etiko eta profesionala ulertuz.

- Diziplina anitzeko lantaldeetan eta ingurune eleaniztunetan lan egiteko gaitasuna, eta ezagutzak ahoz zein idatziz egokiro komunikatzen jakitea.



Irakasgaiaren gaitasunak Ikasketa-Planaren Oinarrizko Heziketaren hurrengo gaitasunean kokatzen dira:

- Hurrengo gaien oinarrizko kontzeptuak ulertzea eta menperatzea: Sistema linealak eta beraiekin erlazionatutako funtzio zein transformatuak, zirkuitu elektrikoen teoria, zirkuitu elektronikoak, erdieroaleen eta familia logikoen oinarri fisikoak, gailu elektroniko eta fotonikoak, materialen teknologia eta bere aplikazioa ingeniaritzako problemak ebazteko.

Irakasgaiaren gai-zerrenda hauxe da:

1. Zirkuituaren elementuak eta oinarrizko legeak

2. Zirkuituen sinplifikatzea

3. Zirkuitu dinamikoak

4. Potentzia transmisioa

5. Zirkuituen maiztasun-analisia



Irakasgaian hurrengo praktikak garatuko dira:

1. praktika: PSPICEra sarrera

2. praktika: Oinarrizko zirkuituak

3. praktika: Anplifikadore operazionala

4. praktika: Kaskada-konexioa

5. praktika: Erregimen iraunkor sinusoidala

6. praktika: Gainezarmena

7. praktika: Maiztasun-erantzuna

8. praktika: Iragazkiak

9. praktika: Seinaleen iragazketa

Magistraleko saioetan, aurrez aurreko denboran, 1-4 gaietako kontzeptu teorikak azaltzen dira eta dagozkien ariketak ebazten dira. Lan autonomoa bultzatuko da oinarrizko ezagutzen ariketa sortaren bidez, eta lan kooperatiboa bultzatuko da problema luzeagoen ebazpena eta bateratze-lanaren bidez.



Laborategiko Praktiketan problema praktikoak ebazten dira eta irakasgaiaren 5. gaia azaltzen da OrCAD/PSPICE zirkuituen simulaziorako tresna informatikoa erabiliz. Ikasketa autonomoa bultzatuko da saio bakoitzerako aurretiazko lana bete araziz.



Mintegietan talde-lana sustatuko da problema luzeen ebazpenean izandako zalantzak bateratuz eta askatuz. Mintegi batzuk problema horien ahozko ebaluazioetarako erabiliko dira, talde-lanaren garrantzia zainduz eta ikaslearen ahozko komunikazio gaitasuna ebaluatuz.



---------------------------------------------------

Osasun egoerak aurrez aurreko irakaskuntza edota ebaluazioa

eragotziz gero, onlineko jarduerara joko da eta ikasleei aldaketa

horren berri emango zaie.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 65
  • Praktikak egitea (ariketak, kasuak edo buruketak) (%): 35

Irakasgaiak honako atal hauek dituen ebaluazio jarraituaren sistema erabiltzen du:



1. Klase magistralei eta gelako praktikei dagokien atala. Parte honetan bi idatzizko probaren batez besteko haztatua egiten da; probak honako hauek dira:



1.1) 1. eta 2. gaiei buruzko azterketa partziala: %40 (irakasgaiaren nota finalaren %26).

Proba hori gainditzen dutenek (>=5) ohiko deialdiko azterketa finalean parte hori egitetik salbuetsita geratzen dira. Beste guztiek ohiko deialdiko azterketa finalean parte hori egin behar dute (1.2.a).



1.2) Ohiko deialdiko azterketa finala. Honako bi atal hauek ditu:



a) 1. eta 2. gaiei buruzko partea: %40 (irakasgaiaren nota finalaren %26).

1.1 ataleko azterketa partziala gainditu ahal ez dutenek baino ez dute egin behar parte hau. Alabaina, azterketa partziala gainditu dutenak ere baimenduta daude parte hau egiteko, aurreko notari uko eginez.



b) 3. eta 4. gaiei buruzko partea: %60 (irakasgaiaren nota finalaren %39).

Ezinbesteko baldintza da parte honetan kalifikazio minimo bat gainditzea (>=4) aurreko partearekin (1.1 atalekoarekin edo 1.2a atalekoarekin) batez besteko haztatua egiteko.



Atal honen bi parteen batez besteko haztatuak >=5 izan behar du atal hau eta irakasgaia gainditu ahal izateko.



2. Laborategiko praktikei dagokien atala. Parte honetan hiru kalifikazioren batez besteko haztatua egiten da; kalifikazioak honako hauek dira:



2.1) Praktikak burutzeko eginbeharren ebaluazio jarraitua: %10 (irakasgaiaren nota finalaren %3.5).



2.2) 1-4 praktikei buruzko azterketa partziala: %30 (irakasgaiaren nota finalaren %10.5).

Azterketa partzial hori gainditzen dutenek (>=5) ohiko deialdiko azterketa finalean parte hori egitetik salbuetsita geratzen dira. Beste guztiek ohiko deialdiko azterketa finalean parte hori egin behar dute (2.3.a).

Azterketa partzial hori eta 1.1 atalekoa batera egiten dira.



2.3) Ohiko deialdiko azterketa finala. Honako bi atal hauek ditu:



a) 1-4 praktikei buruzko partea: %30 (irakasgaiaren nota finalaren %10.5).

2.2 ataleko azterketa partziala gaindituta ez dutenek baino ez dute egin behar parte hau. Alabaina, azterketa partziala gaindituta dutenak ere baimenduta daude parte hau egiteko, aurreko notari uko eginez.



b) 5-9 praktikei buruzko partea: %60 (irakasgaiaren nota finalaren %21).

Ezinbesteko baldintza da parte honetan kalifikazio minimo bat gainditzea (>=4) aurreko partearekin (2.2 atalekoarekin edo 2.3a atalekoarekin) batez besteko haztatua egiteko.



Laborategiko azterketei dagozkien bi parteen batez besteko haztatuak >=5 izan behar du atal hau eta irakasgaia gainditu ahal izateko.



EBALUAZIO JARRAITUA BURUTZEKO EZINTASUNA:



Ebaluazio jarraituari uko egiten dioten ikasleek, ohiko deialdiaren egun berean azterketa final bat eginez frogatu ahal dute irakasgaia menperatzea lortu dutela. Ebaluazio jarraiturik ezean, gainditzeko beharrezko kalifikazioa >=5 da, bai klase magistralei eta gelako praktikei dagokien atalean, bai laborategiko praktikei dagokien atalean.

Ezohiko deialdiko frogak bi atal izango ditu:

1. Idatzizko froga indibiduala (teoria) ariketa luzez eta laburrez osatua. Azken notaren %65.

2. Idatzizko laborategi froga, PSPICEn egindako ariketa praktikoa. Azken notaten %35.

Azterketa gainditzeko bi frogak gainditu behar dira, froga bakoitzean 5/10 nota minimoa aterata.

Ikasleek irakaskuntza laguntzeko eGela plataforman eskura izango dituzte irakasgaia lantzeko hurrengo materialak:
1. Irakasgaiaren eduki teorikoen gardenkiak, 1-4 gaiak.
2. Gai bakoitzeko GA saioentzako 10 ariketako bilduma eta taldeka lantzeko 15 ariketako bilduma, 1-4 gaiak.
3. Gai bakoitzeko oinarrizko ezagutzen 15 ariketako bilduma, 1-4 gaiak.
4. OrCAD/PSPICE instalatzeko eta erabiltzeko gida.
5. Laborategiko praktiketako gida.
6. Ikaskuntza laguntzeko bideoak.

Oinarrizko bibliografia

R. E.Thomas, A. J. Rosa

Circuitos y señales: Introducción a los Circuitos Lineales y de Acoplamiento

Editorial Reverté, 2000



R. L. Boylestad

Análisis Introductorio de Circuitos (8a edición)

Pearson Education 1998



F. López Ferreras

Análisis de Circuitos lineales (volúmenes I y II)

Editorial Ciencia 1994

H. Kemerly

Análisis de Circuitos en ingeniería

McGraw Hill 1993



M. E. Van Valkenburg

Análisis de Redes

Editorial Limusa 1991

Gehiago sakontzeko bibliografia

Análisis de Circuitos en ingeniería. Hayt Kemerly. McGraw Hill 1993
Análisis de Redes. Van Valkenburg. Editorial Limusa 1991