"Programazioaren Oinarriak" irakasgaia Telekomunikazioaren Ingeniaritza Teknikoko Graduko 2. ikasturteko Oinarrizko Prestakuntzako irakasgai bat da. "Programazioa" izeneko lerro kurrikularraren barruan kokatzen da, eta beste bi irakasgai hauekin osatzen da: "Ingurune Banatuetako Programazioa" eta "Programazio Teknika Aurreratuak". Irakasgai honetako kontzeptu asko ezinbestekoak dira "Programazio Teknika Aurreratuak" eta "Informazio Sistemen Arkitektura" irakasgaietan, eta baita ere "Zerbitzu Telematikoak" lerro kurrikularreko "Zerbitzu Telematiko Aurreratuak" irakasgaian, non ikasleak programa informatikoak sortu beharko ditu, irakasgai honetan ikasitako kontzeptuak erabiliz.



Irakasgai honetan garatzen den lanak ordenagailuen programazioarekin loturiko kontzeptuen eskuratzea ahalbidetuko die ikasleei, besteak beste, ordenagailuen programazioa, ordenagailuen egitura eta funtzionamendu motak, sistema eragileen oinarriak, datu baseak eta ingeniaritzan aplikazioa daukaten programa informatikoen erabilera. Software proiektu txikien zehaztapenetatik abiatuz eta programazioko oinarrizko kontzeptuak aplikatuz, programa informatikoak garatuko dira, era egituratuan, sententzia informatikoak bloke edo funtzioetan antolatuz, hauen eramangarritasuna bermatuz programa ezberdinen artean. Baita ere, ordenagailuak daukan memoriaren erabilera eraginkorra bermatu beharko da, informazioaren biltegiratze eta atzipen teknika egokiak erabiliz. Honez gain, irakasgaia titulu bereko maila altuagoetako beste irakasgai batzuekin erlazionatuta dago; irakasgai honetako ezagutza programen sorrerarako erabiliz.

GAITASUNA: Ordenagailuen erabilera eta programazioari buruzko oinarrizko ezagutzak barneratzea, eta baita ere sistema eragileak, datu baseak eta ingeniaritzan aplikazioa daukaten programa informatikoen erabileran gaitasuna eskuratzea.

IRAKASKUNTZAREN EMAITZAK:

Honi esker, ikasleak hurrengo gaitasunak lortuko ditu:

Ordenagailuen funtzionamendua eta bere oinarrizko osagaien ezagutza bermatzea.

Ezagutu sistema eragile bat osatzen duten software osagaiak

Datu base baten diseinua, sorkuntza eta atzipena.

Informazioaren biltegiratze eta atzipen teknikak modu eraginkorrean erabiltzea.

Ingeniaritzan aplikazioa daukaten programa informatikoen diseinu eta garapena.

A. Ordenagailuen oinarriak

1. Von Neumann arkitektura

2. Logika bitarra

3. Oinarrizko datu moten biltegiratzea

4. Makina lengoaian programazioa

B. Sistema Eragilea

1. Prozesuen kudeaketa

2. S/I kudeaketa

3. Memoriaren kudeaketa

4. Fitxategien kudeaketa

5. Komunikazioen kudeaketa

C. Datu Baseak

1. Datu baseen sistemetara sarrera

2. Datu baseen diseinua. Entitate Erlazio eredua

3. SQL lengoaia. Datu base baten sorkuntza

4. SQL lengoaia. Taula anitzen galdeketak eta ikusketak

5. Datu base batera transakzioa eta aldi bereko atzipena

D. C programazio lengoaia

1. C lengoaiara sarrera

2. Datu motak

3. Eragileak eta espresioak

4. Sarrera eta irteerako funtzioak

5. Baldintzazko sententziak

6. Sententzia errepikakorrak

7. Funtzioak

8. Arrayak

9. Karaktere kateak

10. Datuen egiturak

11. Eragiketak arrayak erabiliz

12. Fitxategiak

Irakasgai honetan irakaskuntza metodologia ezberdinak erabiltzen dira. Teoriazko klaseetan, eskola magistralak nabarmentzen dira, irakasleak azaltzen dituelarik irakasgaiaren eduki kontzeptualak, adibide zehatzak irudikatuz, eta ikaslegoaren parte hartzea bultzatuz, irakasgaiko kontzeptu ezberdinen barneratzea eta erlazioa helburutzat izanik. Ikasgelan, galdera eta ataza ezberdinen ebazpenean ikasleen parte hartzea bermatuko da. Ikasleek barneratutako ezagutza teorikoak finkatzeko eta lantzeko, ordenagailuen bidez ematen diren eskola praktikoetan, proiektu ezberdinak gauzatzen joango dira, berauen zailtasun maila handituz joango delarik ikasturteak aurrera egin ahala. Bakarka landu beharreko ariketa eta proiektuak eskainiko zaizkie ikasleei, ikasgaiaren ezagutza ezberdinak barneratzeko beharrezkoak eta egokiak diren baliabide informatikoak eskainiz.



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 9
  • Praktikak egitea (ariketak, kasuak edo buruketak) (%): 10
  • ordenagailuan egin be haueko proba praktikoa (%): 81

Etengabeko ebaluazio-sistema erabiltzen da, ondoko atalak eta pisuak dituena:

A) Ordenagailuko praktikak: %10.

%10 lortu ahal izateko ezinbestekoa da ordenagailu bidezko praktika eskoletara etortzea (gutxienez %80ra), eta agindutako ariketen ebazpena entregatzea.

B) Azterketak: %90.

3 azterketa egingo dira:

1) Datu baseen ataleko azterketa partziala (azaroa): azterketen notaren %10.

2) C lengoaiako azterketa partziala: azterketen notaren % 40 (ordenagailuan egin be haueko proba praktikoa). Azterketa gainditzeko, ezinbestekoa da gauzatu beharreko programek funtzionatzea.

3) C lengoaiako azterketa finala (urtarrila): Azterketen notaren %50 (ordenagailuan egin be haueko proba praktikoa). Azterketa gainditzeko, ezinbestekoa da gauzatu beharreko programek funtzionatzea.

Etengabeko ebaluazioari uko egitea: Etengabeko ebaluazioari uko egin nahi dioten ikasleek irakasgaiaren irakasle koordinatzaileari idatzi beharko diote irakasgaiaren lehenengo 9 asteak bukatu orduko. Kasu honetan bakarrik azterketa final bakar bat egongo da notaren %100 balioagatik, ikastaroan zehar jorratutako gai guztiak barne izango dituena ondoko pisuekin:

- Datu-baseak: %10

- C Lengoaia: %90. Azterketa gainditzeko, ezinbestekoa da gauzatu beharreko programek funtzionatzea.

Nahikoa izango du ikasleak ohiko deialdian ez aurkeztea irakasgaiko ebaluaketari uko egin diola adierazteko.

Ebaluazio sistema azterketa final baten oinarritzen da, notaren %100 balio duena. Azterketa honetan ondoko atalak landuko dira:

- Datu baseak: %10.

- C Lengoaia: %90. Azterketa gainditzeko, ezinbestekoa da gauzatu beharreko programek funtzionatzea.



Ezohiko deialdi honetarako bakarrik gorde ahal izango dira ohiko deialdian Ordenagailuen Oinarrietako, Sistema Eragileetako eta Datu-baseetako ataletan lortutako notak.

Nahikoa izango du ikasleak ezohiko deialdian ez aurkeztea irakasgaiko ebaluaketari uko egin diola adierazteko.

Oinarrizko bibliografia

* Ceballos, F. J.; "Curso de programación C / C ++". RA-MA, 1ª ed 1995; 3ª ed 2007.

* Waite, M.; Prata S.; Martin D.; "Programación en C. Introducción y conceptos avanzados". Anaya Multimedia, 1987.

* Lafore, R.; Grupo Waite; "Programación en MICROSOFT C para IBM PC y compatibles. Introducción y técnicas avanzadas de programación". Anaya Multimedia, 1991.

* Fernández, G.; "Conceptos básicos de arquitectura y sistemas operativos". Sistemas y Servicios de Comunicación S.L.; 3ª ed 1998.

* Goirizelaia, JI,"Programazioaren oinarriak".Bilbao : Universidad del País Vasco, Servicio Editorial = Euskal Herriko Unibersitatea, Argitalpen Zerbitzua, 1999. ISBN 84-8373-139-8

Gehiago sakontzeko bibliografia

* Waite, M.; Prata S.; "Programación en C". Anaya Multimedia.
* Schustack, S.; "Programación profesional en C". Anaya Multimedia, 1991.
* Zimmermann, S.; Zimmermann, B.; "La biblia del TURBO C. Fundamentos y técnicas avanzadas de programación". Anaya Multimedia.
* Tanenbaum A.S., Woodhull A. S.; "Operating Systems - Design and Implementation". PearsonPrentice Hall, 2006.