"Ingurune Banatuetako Programazioa" irakasgaia Telekomunikazioaren Ingeniaritza Teknikoko Graduko 2. ikasturteko irakasgai Ardatz bat da. "Programazioa" izeneko lerro kurrikularraren barruan kokatzen da, eta beste bi irakasgai hauekin osatzen da: "Programazioaren Oinarriak" eta "Programazio Teknika Aurreratuak". Irakasgai honetako kontzeptu asko ezinbestekoak dira "Programazio Teknika Aurreratuak" irakasgaian, eta baita ere "Zerbitzu Telematikoak" lerro kurrikularreko "Zerbitzu Telematiko Aurreratuak" irakasgaian, non ikasleak programa informatikoak sortu beharko ditu, irakasgai honetan ikasitako kontzeptuak erabiliz.

Irakasgai honetan garatzen den lanak ordenagailuen programazioarekin loturiko kontzeptuen eskuratzea ahalbidetuko die ikasleei, sare ezberdinen elkar-konexioa ahalbidetuz eta telekomunikazio zerbitzu eta sistemak sortzeko gaitasuna eskainiz. Software proiektu txikien zehaztapenetatik abiatuz eta programazioko oinarrizko kontzeptuak aplikatuz, diseinua, egituratzea, eramangarritasuna eta baliabideen erabilera eraginkorra bermatzen duten programa informatiko egokiak sortuko dira, eta baita sareen bitartez informazioaren hartu emana ahalbidetzen duten telekomunikazio zerbitzuak ere.

"Ingurune Banatuetako Programazioa" irakasgaiak modulu bereko beste irakasgai batean ("Telekomunikazio Sare eta Zerbitzuen Arkitektura") barneratutako ezagutza teorikoen aplikazio praktikoa ahalbidetzen du. Irakasgai bien ekarpenaren ondorioz eskuratzen da "Programazio oinarrien ezagutza eta erabilera telekomunikazio sare, sistema eta zerbitzuetan".

GAITASUNA: Era autonomoan ezagutza eta teknika berriak ikasteko gaitasuna, telekomunikazio zerbitzu eta sistemen garapen eta sorkuntzarako.

GAITASUNA: Komunikazio aplikazioak eta aplikazio informatikoak (ofimatika, datu-baseak, kalkulu aurreratuak, proiektuen kudeaketa, etab.) era egokian erabiltzeko gaitasuna, sareen, zerbitzuen eta telekomunikazio zein elektronika aplikazioen garapen eta ustiapena gauzatuz.



GAITASUNA: Telekomunikazioarekin eta elektronikarekin zerikusia daukan informazioa aurkitzeko eta baliabide bibliografikoen bilaketarako baliabide informatikoak erabiltzeko gaitasuna.

GAITASUNA: Programazio oinarrien ezagutza eta erabilera telekomunikazio sare, sistema eta zerbitzuetan.

Objektuei zuzendutako programazioaren paradigma: Java Lengoia

1) Objektuetan Oinarritutako Programazioari sarrera: Java lengoaia

2) Klaseak eta Objektuak

3) Arrayak eta Kateak

4) Herentzia eta Konposizioa

5) Interfazeak eta polimorfismoa

6) Datu Mota Bereziak

7) Paketeak, API eta Bildumak

8) Salbuespenak

9) Fitxategiak



* Banatutako zerbitzuen programazioa:

10) Socketak

11) Web Zerbitzuak

Irakasgai honetan irakaskuntza metodologia ezberdinak erabiltzen dira. Teoriazko klaseetan, eskola magistralak nabarmentzen dira, irakasleak azaltzen dituelarik irakasgaiaren eduki kontzeptualak, adibide zehatzak irudikatuz, eta ikaslegoaren parte hartzea bultzatuz, irakasgaiko kontzeptu ezberdinen barneratzea eta erlazioa helburutzat izanik. Ikasgelan, galdera eta ataza ezberdinen ebazpenean ikasleen parte hartzea bermatuko da.

Eskola magistraletan ebaluaziorako test labur batzuk egingo dira, ikasleen jarraipena eta ebaluazio zehatz bat egin ahal izateko.

Ikasleek barneratutako ezagutza teorikoak finkatzeko eta lantzeko, ordenagailuen bidez ematen diren eskola praktikoetan, proiektu ezberdinak gauzatzen joango dira, berauen zailtasun maila handituz joango delarik ikasturteak aurrera egin ahala. Bakarka landu beharreko ariketa eta proiektuak eskainiko zaizkie ikasleei, ikasgaiaren ezagutza ezberdinak barneratzeko beharrezkoak eta egokiak diren baliabide informatikoak eskainiz.

Osasun egoerak aurrez aurreko irakaskuntza edota ebaluazioa

eragotziz gero, onlineko jarduerara joko da eta ikasleei aldaketa

horren berri emango zaie.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 70
  • Test motatako proba (%): 20
  • Praktikak egitea (ariketak, kasuak edo buruketak) (%): 10

Ebaluazio jarraituan oinarritutako sistema ezartzen da, ondoko ekintzak hartzen dituelarik barne:

-Jarraipen frogak ikasturtean zehar (%30): gai teorikoen ebaluazioa egingo da test batzuen bidez eskola orduetan. Test hauetan irakaslegoak beharrezkoak ikusten dituen gaiak jorratuko dira. Laborategiko saioen jarraipena ere egingo da eta ebaluazio jarraiturako balioko du. Test saioetan eta laborategiko saioetan %80ko gutxieneko asistentzia betetzen ez bada, ebaluazio jarraituari uko egiten zaio.

- Azterketa finala, Java lengoaia erabiliz: %70.



Praktiketako ariketak eGela plataformara igo behar dira astez aste, hurrengo asteko praktika saioa hasi orduko. Praktika ez igotzeak laborategiko saiora ez joan izana suposatzen du.



Azterketak honako atal hauek izango ditu:

- Socket ariketa.

- Web Service ariketa.

Ikasgaia gainditzeko Socket ariketa zuzenki exekutatu behar da.

Ezinbesteko kasuren baten arrazoiengatik azterketak ezingo balira era presentzialean egin zentroan, prest ditugu azterketa online egiteko baliabideak. Horretarako monitore aplikazio bat erabiliko genuke ikasleen kodea harrapatu eta monitorizatzeko zuzenean, zerbitzari batean biltzeko.





Ebaluazio jarraituari uko egiteko, irakasleari idatzi behar zaio erabakiaren berri emanez, ikasturteko bederatzigarren astea baino lehen.

Ebaluazio sistema azterketa final baten oinarritzen da, zeinek notaren %100 balio du. Ohiko deialdian test ezberdinetan lortutako emaitza mantentzen da nahi izanez gero. Azterketa honetan ondoko atalak landuko dira:

- Test galdetegia: %20

- Socket ariketa eta Web Service ariketa:% 80

Ikasgaia gainditzeko Socket ariketa zuzenki exekutatu behar da.

Ezinbesteko kasuren baten arrazoiengatik azterketak ezingo balira era presentzialean egin zentroan, prest ditugu azterketa online egiteko baliabideak. Horretarako monitore aplikazio bat erabiliko daikasleen kodea harrapatu eta monitorizatzeko zuzenean, zerbitzari batean biltzeko.

Oinarrizko bibliografia

* Ceballos Sierra, Fco. Javier; "Java 2: curso de programación". Ra-ma, 2000.

* Eckel, B.; "Piensa en Java". Prentice Hall, 2002.

* Bobadilla, J.; Sancho, A.; "Java a través de ejemplos". Ra-ma, 2003. ISBN: 8478975497

* Herbert Schildt; "Fundamentos de Java". Mc Graw Hill, 3ª edición, 2007. ISBN: 9701059301

* Arnold, K.; Gosling, J.; "The Java programming language". Addison-Wesley, 1998. ISBN: 0201310066

* Jamsa, K.; "Aprenda y practique Java". Oxford University Press, 2000. ISBN: 9706135251

* Goirizelaia, I., Huarte, M.; "Sareetan zehar dantzan Java erabiliz", UPV/EHU. 2021. ISBN: 978-84-1319-286-4

Gehiago sakontzeko bibliografia

* Bloch, Joshua. Effective java (Third edition). Addison-Wesley Professional, 2017.
* Gamma, E., Helm, R., Johnson, R., & Vlissides, J. (1995). Desing patterns–elements of reusable object oriented software Addison Wesley Longman.
* Naftalin, Maurice, and Philip Wadler. Java generics and collections. " O'Reilly Media, Inc.", 2007.