``Sarbide Sareak`` irakasgaia, Telekomunikazio Teknologiaren Ingeniaritzako Graduaren 3. mailako telematika espezialitateko irakasgaia da. Espezialitateko ``Sareak`` adarrean kokatzen da, eta adar horretako ``Garraio Sareak`` eta ``Sare eta Zerbitzu Mugikorrak`` irakasgaien osagarria da.



Irakasgaian, sarbide sareen ezaugarri nagusiak aurkeztu eta lantzen dira, sarbide sareak zera bezala ulertuta, komunikaziorako sare baten zatia, zerbitzu baten azken erabiltzailea zerbitzu hori ematen duen lehen nodoarekin lotzen duena. Adarreko beste irakasgaiei dagokienez, ``Sare eta Zerbitzu Mugikorrak`` irakasgaian erabiltzaileen mugikortasuna kontuan hartu behar duten sarbide sareak lantzen dira, eta ``Garraio Sareak`` irakasgaian berriz, komunikaziorako sareei buruzko ikasketak osatzen dira, zerbitzu-nodo ezberdinen funtzionamendua, interkonexioa eta dagozkien zerbitzuak emateko teknikak azalduz.



Irakasgaiaren garapenean, alde batetik, sarbide sare publikoen ezaugarri eta teknologiak ikasten dira, publiko orokorrari eskaintzen direnak; bestetik, sarbide sare korporatiboak ere lantzen dira, sarbiderako zerbitzua erabiltzaile-talde mugatu bati ematen diotenak. Izan ere, sarbide sare mota bien arkitekturak eta funtzionamendua oso ezberdinak dira.



Sare publikoen sarbide-teknologiak ikasteko, erabilitako transmisio-medioaren arabera sailkatu eta deskribatuko dira: kabledunak (ADSL, HFC, FTTx...) eta kablerik gabekoa (WiMAX,...). Sare korporatiboen sarbide-sareen teknologiei dagokionez, LAN teknologi batzuen ezaugarriak aztertuko dira (Ethernet, Token Ring...) eta zenbait egoera konplexu ere, hala nola, sare lokalen segmentazio logikoa (VLAN), sare pribatu bat urrunetik atzitzea (VPN) eta LAN sareetako begizten arazoen konponketa (STP).



Irakasgai honen helburua da baita ere, ikasleak derrigorrezko araudi, gomendio eta zehazpen teknikoak erabiltzeko gai izatea, eta ebazpen teknikoek gizartean eta ingurugiroan izango luketen eragina aztertu eta baliozkotu ahal izatea. Helburu horiek betetzeko, sarbide-sareen azpiegiturekin zerikusia duten legedi eta araudi garrantzitsuenak landuko dira (TAB eta KES), sare horien diseinu eta instalazio egokia egiteko beharrezkoak direnak.



Irakasgai hau ikasteko, komunikazioetarako sareen oinarrizko kontzeptuak ondo ezagutu behar dira, Sare eta Zerbitzuen Arkitektura irakasgaian irakatsitakoak (titulazioko 2. mailako urte osoko nahitaezko irakasgaia).

Irakasgaiak ematen dituen gaitasunei buruz, telematikako gaitasunak bultzatzen ditu, zehazki, sareen diseinu eta hedapenari buruzko hauek:



MODULUKO GAITASUNAK. TELEMATIKA ADARRA

- Sare, zerbitzu eta aplikazio telematikoen oinarrian dauden teknikak aplikatzeko gaitasuna, hala nola: kudeatzeko, seinaleztatzeko eta kommutazioko sistemak; bideratzeko sistemak; segurtasuna (protokolo kriptografikoak, tunel-protokoloak, su-ebakia, edukiak kobratzeko, egiaztatzeko eta babesteko mekanismoak); trafiko-ingeniaritza (grafoen teoria, ilaren teoria eta teletrafikoa); zerbitzuaren kalitatea, tarifa finkatzea eta fidagarritasuna ingurune finkoetan, mugikorretan, pertsonaletan, lokaletan eta urrunekoetan, hainbat banda-zabalera erabilita; telefonia eta datuak barne.

EDUKI TEORIKOAK:



1.- SARRERA

2.- ``Sare publikoetarako`` sarbide-teknologiak

3.- ``Sare korporatiboetarako`` sarbide-teknologiak





EDUKI PRAKTIKOAK:



1. Mintegia: Nire sarbide-sarea ezagutzen

2. Mintegia: QoS eta sarearen neutraltasuna



1. Praktika: QoS eta errendimendu probak

2. Praktika: Kableatu egituratua eta TABak

3. Praktika: VLAN

Metodologiari dagokionez, irakasgaia denborarekiko orekatuta dauden bi ataletan banatua dago. Alde batetik, eduki teorikoak klase magistraletan eta gelako ariketekin irakasten dira (30 ordu) eta bestetik, irakasgaiak alde praktikoa ere badu, laborategian (27 ordu) irakasten dena batez ere baina baita bi mintegiekin ere (3 ordu).



Klase magistraletan irakasleak aurkezpenak egingo ditu gardenki/diapositibekin, ikasleei azalpenak jarraitzen lagunduko dietenak, eta eGelan erabilgarri egongo direnak. Ikasleen arteko eztabaida bultzatuko da ere eta aurkeztutako gaien ulermena laguntzeko ekintzak ere egingo dira gelako ariketen klaseetan (enpresetara bisita, aditu profesionalen hitzaldiak...).



Laborategiko praktikei dagokienez, bakarkako lanak egingo dira (bakarka erantzun beharreko galdetegiekin) baina baita taldekoak ere, praktikak eta horien txostenak talde/bikoteka landuaz.

Mintegietan eztabaida bultzatuko da, sarbide sareekin zerikusia duten gai berrien ahozko aurkezpenarekin batera.



Irakasgaiak klasea magistralak (M), mintegiak (S), gelako ariketak (GA) eta laborategiko praktikak (LP) ditu.



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 50
  • Praktikak egitea (ariketak, kasuak edo buruketak) (%): 25
  • Banakako lanak (%): 5
  • alde lanak (arazoen ebazpenak, proiektuen diseinuak) (%): 15
  • Lanen, irakurketen... aurkezpena (%): 5

Ohiko deialdiaren nota, 2 zatiren batuketa izango da:

A. Azterketa finala: notaren %50

B. Etengabeko ebaluazioa: notaren %50, horretatik,

%25: praktikak

%5: bakarkako galdetegiak

%15: klasean izandako jarrera eta egindako lana (eskola mota guztietako klaseetan)

%5: lanen ahozko aurkezpenak (mintegietan)



Irakasgaia gainditzeko baldintza hauek bete behar dira (GUZTIAK):

- Etortzea derrigorrezkoa den klase guztietara etorri izana (mintegi eta laborategiko klaseak).

- Irakasgaiaren 2 zatiak gainditzea (A eta B), azken nota bien batuketa izango delarik. Bi zatiak gainditzen ez badira, irakasgaiko nota gainditu ez den zatiaren berdina izango da.



Etengabeko ebaluazioa egin nahi ez duen ikasleak, edo ohiko deialdiari uko egin nahi dionak, EHUko ``Ikasleen Ebaluaziorako Arautegia`` delakoaren 8. eta 12. Artikuluen araberako prozedura eta epeen arabera jokatu beharko du, hurrenez hurren.

Ezohiko deialdian, nota azterketa finalaren emaitza izango da, irakasgaiaren %100 hartuko duena.



Irakasgaiaren ezohiko deialdiari uko egiteko nahikoa izango da deialdi horretako idatzizko azterketa finalera ez aurkeztearekin.

Irakasgaiaren webgunean, egelan: https://egela.ehu.es/

Oinarrizko bibliografia

- ``Tecnologías de Banda Ancha y convergencia de redes``. Manuel Álvarez-Campana, Julio Berrocal Colmenarejo, Francisco González Vidal, Raquel Pérez Leal, Isabel Román Martínez, Enrique Vázquez Gallo. Ministerio de Industria, Turismo y Comercio. Disponible en: http://oa.upm.es/2697/

- ``Servicios avanzados de telecomunicación``. María Carmen España Boquera. Ed. Díaz de Santos, 2003.

- ITU-T erakundearen gomendioak

- ``The All-New Switch Book: The Complete Guide to LAN Switching Technology``. Rich Seifert, James Edwards, 2ª ed, 2008, Ed. Wiley

Gehiago sakontzeko bibliografia

- ``Local access network technologies``. Paul France. IEE telecommunications series 47.
- ``ADSL standards, implementation and architecture``. Charles K. Summers. CRC Press. Advanced and emerging communications technologies series.

Web helbideak

http://oa.upm.es/2697/
http://www.bandaancha.es/Informacion/Tecnologias/Paginas/Tecnologias.aspx
http://www.itu.int/pub/T-REC