nireEHU Tributuak –zergak bereziki– sarrera iturri nagusia dira sektore publikoarentzat, ezinbesteko baliabideak unibertsitateak, ospitaleak, errepideak, aireportuak… eraikitzeko. Sektore publikoaren jarduera maila guztietan (estatua, autonomia erkidegoa, udalerria, etab.) arautzen duen lege eta prozedura multzoari zerga sistema deitzen diogu, eta funtsezkoa da gure gizartearen funtzionamendua ulertzeko.
Zerga Sistemako eta Administrazio Publikoko Graduan, prestakuntza orokor bat jasoko duzu ekonomiaren arloan, eta espezifikoa aldi berean, kudeaketa, analisi eta araubide publikoan. Sektore publikoa zer den, haren politika ekonomikoak zeintzuk diren eta politika horiek nola aztertu ikasiko duzu. Gobernu maila guztien politikak ezagutuko dituzu: Europar Batasuna, udala, autonomia erkidegoa eta gobernu zentrala. Gainera, bereziki erreparatuko diozu Euskal Sektore Publikoari.
Laugarren edo hirugarren mailan, borondatezko kanpoko praktiken bidez, harreman zuzenak egingo dituzu etorkizunean zure lantoki izan ahalko diren enpresa eta antolakuntzekin.
Ezagutza arloa
Gizarte eta Lege Zientziak
Ikastegia
Ekonomia eta Enpresa Fakultatea
Campusa
Bizkaia
Harremanetarako
Iraupena
4 ikasturte
Kreditu kopurua
240 ECTS kreditu
Hizkuntzak
Euskara, Gaztelania, Ingelesa
Irakaskuntza mota
Ikasgelako gradua
Kredituaren prezioa 1. matrikulan
13,72 €
Gutxieneko nota
7,075 ohiko deialdian (2023/24)
Eskainitako plazak
60 plaza
4 arrazoi gradu hau aukeratzeko
- Gai izango zara zuzendaritzan, gestioan eta administrazioan jarduteko, bai enpresetan bai erakunde publiko zein pribatuetan.
- Hiru aipamen dituzu eskura, gehien interesatzen zaizun arloan espezializa zaitezen.
- Kanpoko praktikak egin ahal izango dituzu erakunde eta antolakunde garrantzitsuetan.
- Hezkuntza osatzeko aukera izango duzu Europa, Kanada, AEB, Asia eta beste unibertsitateetan egonaldiak eginez.
Sarrera-profila
Gogoetarako, analisirako, sintesirako eta kritikarako gaitasuna baduzu, ez badizu beldurrik ematen ez matematikak ez estatistikak, erraztasuna baduzu ulermenerako eta abstrakziorako, eta erakundeek jarduera ekonomikoan duten garrantziaz jabetu nahi baduzu, Zerga Sistemako eta Administrazio Publikoko Gradua da zure lekua.
Irteera profesionalak
Aukera ugari, sektore publikoan eta pribatuan:
- Administrazio publikoa: estatuko edo nazioarteko funtzionarioa, Espainiako Bankua, karrera diplomatikoa, erakunde publikoen gerentzia
- Enpresa pribatuak: zerga sistema, kudeaketa eta aholkularitza administrazio publikoekiko harremanetan, etab.
- Nazioarteko erakundeak: Europako Batzordea, Europako Banku Zentrala, ELGA, etab.
- Lanbidean libreki aritzea: aholkularitza enpresa, zerga eta lan arloan, etab.