ALEX MITXELENA ETXEBERRIA

Arkitekto (2002) eta doktore (2014) UPV/EHUn eta Arkitektura Proiektuen irakasle 2004tik. Kalitate eta Irakaskuntza Berrikuntza Zuzendariorde 2017tik, Arkitekturaren Oinarrietako Graduaren Koordinatzaile 2015tik eta Idazkari Akademikoa (2016-2017). *La cooperación al desarrollo como marco para la adquisición de competencias transversales en el Grado de Arquitectura* Hezkuntza Berrikuntzarako Proiektuaren eta *Coordinar proyectos en cooperación al desarrollo desde la arquitectura* MOOC ikastaroaren koordinatzaile. UPV/EHUko Gaztenpatia programaren tutore 2016tik.



Zak (www.zak.eus) ikerketa-taldearen (2018tik) partaide. Etxearen inguruko zaintza eta arkitektura diseinuaren arteko erlazioa aztertzen duen UPV/EHUko diziplinarteko taldea. Gizakion beharrak eta izaera komunitarioa kontuan hartzen dituen arkitektura diseinua eta elkarbizitzarako espazioen sortzea bultzatu nahi dituen ikerketa.



2003tik estudio profesionala, nagusiki etxebizitza-proiektuen garapenean ardaztua. Pertsonen bizitza hobetzen laguntzen duten neurrirako proiektuak eta proposamen funtzional eta pertsonalak garatzeko eskenatokia da etxeko espazioa.