nireEHU 
Tituluaren gakoak
Graduondoko honek hiru planteamendu ditu oinarri: kirola haurren garapen osorako funtsezko elementu bat da; kirola eta jolasa ikasteko eta balioak transmititzeko ezinbesteko aldaketak dira; kirola izugarrizko balioa duen tresna bat da eta, horri esker, haurrak babestearen arloan lan egiten jarraitzeko beharra ikusaraz daiteke.
Helburu nagusia da eskola kiroleko eta kirol federatuko profesionalak prestatzea, ikuspegi berritzaile eta barneratzaile batetik, eta pertsonen garapen integrala sustatzen duten bizikidetza balioei erreparatuta.
Titulu honi esker, haurren eta nerabeen babesaren lege esparrua ezagutuko duzu, eta kirolaren arloarekin lotu. Gainera, haurren babesaren jardunbide egokiak ezagutu ahalko dituzu, bai eta prebentziozko esku hartzeak identifikatu ere. Entrenamenduetan gertatzen diren prestakuntza prozesuak diseinatu, garatu eta ebaluatzeko gai izango zara, eta gatazkak konpontzeko tresnak izango dituzu, eskubide eta aukera berdintasuna bermatuta. Arreta berezia eskainiko zaie balioetan oinarritutako hezkuntzari, ekitateari eta maila emozionalari, eskola kirola eta kirol federatua herritarren gizarte trebetasunak eta zerbitzua garatzeko tresna gisa identifikatuz.
Erakunde babeslea: Athletic Club Fundazioa