nireEHU TITULUAREN GAKOAK
Nazioarteko Kooperazio eta Hezkuntza Emantzipatzailearen berezko masterraren xedea da alor honetan lan egingo duten pertsonak trebatzea, gai izango direnak garapenerako lankidetza kritiko bat bultzatzeko, oinarrizko premien arretan oinarritutako politiketatik justizia soziala sustatzeko gai diren subjektu politikoak indartzea helburu duten beste politika batzuetara igarotzeko. Helburua da ikasleei gaitasunak ematea, praktika eta esperientzia alternatiboen jakintza, non eta gizarte-eraldaketara bideratutako ekintza kolektiboak gauzatzeko baliabide teorikoak, balioak eta trebetasunak eskura ditzaten.
Gaur egun, krisi testuinguru anitza dugu aurrean, sistema ekonomiko, politiko, sozial eta kultural globalizatu baten ondorio dena. Sistema horrek merkatuaren interesak pertsonen eta herrien eskubideen gainetik jartzen ditu, desberdintasunak areagotuz. Sistema hori zalantzan jartzea aldez aurreko urratsa da beste mundu bidezkoago baten oinarriak ezartzeko, pertsonak eta babesten gaituen planeta zainduko dituena. Premiazko zeregina da, justizia sozialaren, ekitatearen, elkartasunaren eta iraunkortasunaren horizonte baterantz jo nahi badugu.
Asmo handiko helburu horrek ezinbestean jartzen gaitu hezkuntza izaerako sozializazio kritiko zabala bultzatzeko erronkaren aurrean , egungo testuingurua bere konplexutasun osoan ulertzeko eta baztertuenak diren pertsonak eta kolektiboak indartuko dituzten jakintza eta praktika berriak sortzeko.
Erakunde laguntzaileak: Hegoa
Erakunde babesleak: Garapenerako Lankidetzaren Euskal Agentzia
