Edukira joan
Menua Webgunearen menua ireki/itxi

Politika Zientzia eta Kudeaketa Publikoko Gradua

Politikak pertsona guztien egunerokoa blaitzen du, haien interakzio pertsonal eta profesional bakoitza. Politika Zientziako eta Kudeaketa Publikoko Graduaren bidez, Administrazio Publikoaren egitura eta funtzionamendua ez ezik, Gobernuarenak eta Legebiltzarrarenak ere ezagutuko dituzu. Zure trebakuntzaren oinarria izango dira ideia politikoak eta haien jatorriak, gizarte mugimenduak, alderdi politikoak eta hauteskunde prozesuak. 

Arreta berezia jartzen da inguruko sistema politikoetan, albora utzi gabe Europako eta munduko erreferentziazko beste eredu batzuk. Gainera, graduak prestakuntza sendo bat emango dizu nazioarteko harremanetan.

Irakasgai instrumentalen bidez, ikerketa teknikak ezagutuko dituzu (inkestak, elkarrizketa sakonak, eztabaida taldeak), eta politika publikoen edo programa politikoen diseinua eta inplementazioa. Funtsezkoa zure etorkizuneko lanbidearentzat.

Aukera izango duzu hiru aipamen edo ibilbide hauetako batean espezializatzeko: Analisi edo Consulting Politikoa, Analisi eta Kudeaketa Publikoa, edo Nazioarteko Harremanak.

Ezagutza arloa

Gizarte eta Lege Zientziak

Ikastegia

Gizarte eta Komunikazio Zientzien Fakultatea

Campusa

Bizkaia

Harremanetarako

juanesteban.arlucea@ehu.eus

Iraupena

4 ikasturte

Kreditu kopurua

240 ECTS kreditu

Hizkuntzak

Euskara, Frantsesa, Gaztelania, Ingelesa

Irakaskuntza mota

Ikasgelako gradua

Kredituaren prezioa 1. matrikulan

14,08 €

Gutxieneko nota

7,260 ohiko deialdian (2019/20)

Eskainitako plazak

80 plaza

4 arrazoi gradu hau aukeratzeko

  • Gizarteak hautabide politikoak eta konpromisozko erabakiak galdegiten ditu bere premiekiko. Gai izango zara horiek proposatzeko.
  • Hiru ibilbide izango dituzu espezializaziorako edo zeure ikasketa plana diseina dezakezu, irakasgaiak zeuk aukeratuta.
  • Gure gizartearen erakunde gakoen funtzionamendua ezagutuko duzu, esaterako Euskobarometroa, alderdi politikoak, sindikatuak eta udalak.
  • Lehenengo enpleguan hasi ahal izango zara Lehen Aukera, Global Trainning eta bestelako beken bidez.

Sarrera-profila

Mundu globaleko gatazka sozial eta politikoek arduratzen bazaituzte, gaurkotasuna duten gai eta erronkak interesatzen bazaizkizu, gai politikoak eta herritarren partaidetza oso gustuko badituzu, eta, horrez gain, erakunde politikoek eta zure inguruko era munduko administrazio publikoak nola funtzionatzen duten ezagutu nahi baduzu, Politika Zientzia eta Kudeaketa Publikoko Graduan aurkituko duzu zure grina asetzeko leku egokia.

Irteera profesionalak

  • Administrazio publikoa eta enpresa erakunde publikoak.
  • Fundazioak, elkarteak eta gobernuz kanpoko erakundeak (GKE).
  • Erakunde politikoak.
  • Nazioarteko erakundeak.
  • Empresa pribatuak: aholkularitzan eta ikerketa social eta politikoko arloan, besteak beste.