2017/2018 ikasturteko matrikulak ordaintzeko laguntzak

2017/2018 ikasturteko matrikula ordaintzeko zailtasunak dituzten UPV/EHUko ikasleentzako laguntza bueltatu-beharrekoak

2018ko apirilaren 26an, UPV/EHUko Gobernu Kontseiluak onartu zituen bat-batean sortutako arazo ekonomikoen ondorioz edo unibertsitate ikasketak hasi ondoren denboran zehar dirauten arazoen ondorioz 2017/2018 ikasturteko matrikula ordaintzeko zailtasunak dituzten UPV/EHUko ikasleentzako Laguntza Bueltatu Beharrekoak emateko Deialdiaren Oinarriak.

Laguntza hori eskuratu ahal izateko, ikaslea Graduko ikasketetan edo lanbide atribuzio edo orientazioa duten unibertsitate Masterra egiten egon beharko da.

Laguntza hauek eskuratzeko baldintzak: ikaslearen egoera ekonomikoa nabarmen aldatu izana ikasturtearen hasieratik edo egoera ekonomikoak denboran irautea; 2017/2018 ikasturtean bestelako diru laguntzarik ez izatea; eta unibertsitateko titulurik ez izatea, ez bada Gradura egokitzeko ikasketak edo aipatutako Masterrak egiten ari dela. Horretaz gain, dagokion ikasturtean matrikulatutako ikasgaien %75era aurkeztu beharko da eta gutxienez gainditu beharko du titulazio horretako ikasmaila horretako ikasleek gainditutako batezbesteko kreditu kopurua.

Bat-batean sortutako arazo ekonomikotzat hartuko da familiako sostengatzaile nagusia hil izana, langabezian geratu izana edo nahitaezko erretiroa hartu behar izana pertsona horrek.

Bestalde, arazo ekonomikoak denboran dirauela ulertuko da, unibertsitate ikasketak hasi ondoren eta bat-batean sortutako arazo ekonomikoa izanik, egoerak hobera egin ez duenean hurrengo ikasturtean.

Laguntza bueltatzeko era onuradunaren eta UPV/EHUren artean adostuko dute: aukera bat izango da laguntza guztia dirutan itzultzea; bestela, zati bat, unibertsitatearen mesederako izango diren jarduerak eginez ere bueltatu ahal izango du.

 

OHARRA: Izena emateko epea, ekainaren 25ean bukatuko da.
Eskaerak Eusko Jaurlaritzaren beka erabakiari lotuta egongo dira.