GAITASUNAK

1. Magnitude fisikoen neurketarako unitate sistema ezberdinak erabiltzen trebatzea.

2. Materia eta energia balantze orokorrak ingeniaritza-instalazio sinpleetan planteatzen eta ebazten jakitea.

3. Energia mekanikoaren balantzea tutuerietan zeharreko likido jarioetan aplikatzen jakitea

4. Arazketa metodo ezberdinen operazio oinarriak ezagutu eta beraien egokitasuna kutsadura mota bakoitzerako antzematea.

EGITARAU TEORIKOA



SARRERA



GAIA I: Ingurugiro ingeniaritzan sarrera.

Ingurumen zientziak eta beraien zereginak. Ingurugiro ingeniaritzaren betekizunak.



GAIA II: Ingurugiro ingeniaritzan oinarrizko kontzeptuak.

Propietate intentsibo eta estentsiboak. Oinarrizko eragiketak. Eragiketa jarraitua eta ez jarraitua. Geldikorra eta aldakorra. Kontzentrazioa. Entalpia. Fluxu motak: nahasketa perfektua hodi-itxurakoa.



GAIA III: Oinarrizko magnitude fisikoak eta magnitude eratorriak.

Magnitudeak dimentsioak eta unitateak. Oinarrizko magnitudeak eta eratorriak. Unitate sistemak. Unitate aldaketarako baliokidetasun metodoa.



MASA ETA ENERGIA BALANTZEAK



GAIA IV: Masa balantzeak.

Iraupen legearen ekuazio orokorra. Materia balantze makroskopikoa. Materia balantze partzialak. Materia balantzeak egoera geldikorrean. Errezirkulazioa. Egoera ez geldikorra. Fluxu diagramak. Materia balantzea erreakzio kimikoarekin.



GAIA V: Energia balantzeak.

Iraupen legearen ekuazio orokorra. Energia, bero eta lana. Energia balantze makroskopikoa. Energia balantze motak. Energia balantze orokorra sistema itxian. Energia balantze orokorra erreakzio kimikorik ez dagoenean. Entalpia aldaketaren zehaztapena. Energia balantze orokorra erreakzio kimikoa dagoenean. Erreakzio beroa.



GAIA VI: Likidoen zirkulazioa tutueri sinpleetan.

Energia mekanikoaren balantze orokorra. Bernouilli-ren ekuazioa. Jario motak: laminarra eta zurrunbilotsua. Marruskadura koefizientea. Reynolds-en saiakuntza. Emari neurgailuak.



KUTSATZAILEAK ETA BERAIEN ARAZKETA PROZESUAK



GAIA VII: Ingurumenaren kalitate adierazleak. Ura, airea eta zorua.

Ingurumenaren definizio eta kontzeptua. Ingurumenaren osagaiak: Ura, atmosfera, lurzorua, bioaniztasuna. Adierazleak. Adierazle sistemak. Adibide batzuk Euskal Autonomi Erkidegoan. Uraren kalitate indize orokorra. Legedia.



GAIA VIII: Hondakin uren arazketa prozesuak.

Uraren zikloa. Uraren kutsadura. Hondakin uren arazketa prozesuak. Isurpen kanona. Aurretratamendua. Lehen tratamendua. Bigarren tratamendua. Hirugarren tratamendua.



GAIA IX. Gas emisioak.

Kontzeptu orokorrak. Partikulen eliminaziorako ekipoak. Gasen eta lurrinen arazketa.





LABORATEGIKO PRAKTIKAK



Ikasleak egitarau teorikoan azaldutako oinarrizko kontzeptuak ulertu eta horietan trebatzea da praktiken helburua. Lan talde bakoitzak ordenagailu bat eraman behar du, gidoian adierazten diren irudikapen grafikoak eta kalkuluak excell orrialde baten egiteko. Egun bakoitzean egin beharreko praktikaren emaitzak dituen excell orrialde bat irakaslearen helbide elektronikora bidaliko da saioa bukatu aurretik. Ez da orduz kanpo bidalitako excell fitxategirik jasoko.



Praktika 1: Karga-galera teoriko eta errealaren kalkulua tutueria sinpleetan.

Praktika 2: Masa balantzeak.

Praktika 3: Masa eta energia balantzearen ebazpena lurrungailu baten.

Praktika 4: Koagulazioa-flokulazioa.

Ikas modalitate presentzialak:

-Klase teorikoak: irakasleak gai bakoitzari dagozkien oinarrizko ezagutzak aurkeztuko ditu.

- Ariketa-ebazpen klaseak: irakasleak, aurretik proposaturiko ariketak ebatziko ditu.

- Mintegiak (gelako praktikak): ikasleek, irakasleak proposaturiko ariketa baten ebazpena landuko dute.

- Laborategiko praktikak: klase teorikoetan azaldutako ezagutzak lantzeko saiakuntzak egingo ditu ikasleak laborategian.

Ikaslearen nota finala ondorengo azpiataletan lortutakoaren bataz-bestekoa izango da. Azpiatal bakoitzak pisu ezberdina izango du nota finalean.

i) Azterketa finala. Azken notaren % 65 balio du. Kurtsoan zehar ikasitako ezagutzei buruzko azterketa teoriko-praktikoa. Balorazio irizpideak izango dira: ebazpena egiterakoan planteamendu orokorra, ekuazioen eta magnitude fisikoen (unitateak) erabilera egokia eta emaitza egokien lorpena.

ii) Laborategiko praktikak. Azken notaren % 20 balio dute. Ebaluazioa: ikasle bakoitzak bakarka eta moodle bitartez (ordenagailu gelan) praktikei buruzko bi galdetegi erantzun beharko ditu, lehenengoa praktika epea hasi aurretik (atariko froga), eta bigarrena horiek bukatu ondoren (Laborategiko azterketa). Ikaslearen laborategiko notak jasoko du, laborategiko jarduera % 10 (puntualtasuna, laborategian izandako lan jarrera, txabusina, excell orrialdea epe barruan osatzea), aurre-galdetegiko emaitza (% 20) eta azken galdetegikoa (% 70). Laborategiko saioa bukatu aurretik talde bakoitzak excel orrialdea osatuta aurkeztuko dio irakasleari.

iii) Mintegiak (ariketa ebazpenerako). Bi mintegi egingo dira. Klase orduan, ikasitako ezagutzekin lotutako ariketa bat ebatziko dute ikasleek taldeka. Azken notaren % 15 balio du.

iv) Ikaslearen jarrera eta parte-hartzea. Kurtsoan zehar prestatutako jardueretan ikaslearen jarrera eta klaseko ariketen ebazpenean parte-hartzea baloratuko dira. Azpiatal honen ekarpena aurrekoekiko gehigarria da eta azken notaren %5 balio du.



Ikasgaia gainditzeko,

i) laborategiko praktikak gainditu behar dira,

ii) azterketa finalean gutxienez 4,5 puntu erdietsi behar dira eta,

iii) dagokion bataz-bestekoa (laborategiko praktikak, mintegiak, azterketa) 5,0 puntu baino gehiago izan behar da.



Ikasgaia gainditu ezean, hurrengo deialdietan laborategiko praktikak berriz egin behar dira laborategiko nota 5 puntu baino gutxiago bada.

Ikaslea ez bada azterketa finalera aurkezten, deialdiari uko egin diola ulertuko da eta “Aurkezteke" jarriko zaio.

Besterik adierazi ezean, ebaluazio probetan ikasleek debekatuta izango dute liburuak, oharrak edo apunteak erabiltzea, bai eta tresna edo gailu telefoniko, elektroniko, informatiko edo bestelakoak erabiltzea ere.



Ezinezkoa izango balitz ebaluazio presentziala egitea, ikasleei jakin araziko zaio nola izango litzatekeen ebaluazio ez prezentziala.

-Irakasleak emandako gardenkiak
-Irakaslean emandako eranzkinak
-Ariketa bilduma.
-Laborategiko praktiken gidoiak.
Laborategiko praktikak egiteko, derrigorrezkoa da bata jaztea. Halaber, ordenagailu bat ekartzea nahitaezkoa da (bat talde bakoitzeko).

Oinarrizko bibliografia

- "Introducción a la Ingeniería Química¿ CALLEJA (Ed. Síntesis, 1999).

- ¿Problemas de balances de materia y energía¿ VALIENTE BARDERAS, TLACATZIN STIVALET (Ed. Alhambra Mexicana, 1991).

- ¿Balances de materia y energía¿ G.V. REKLAITIS (Ed. Interamericana 1986).

- "Fenómenos de Transporte¿ BIRD, STEWART, LIGHTFOOT (Ed. Reverté 1982).

- "Ingeniería Química", Vol. 1 (Flujo de fluidos, transferencia de calor y de materia) COULSON, RICHARDSON (Ed. Reverté 1979).

- "Ingeniería Ambiental. Contaminación y Tratamientos" SANS FONFRIA (Ed. Marcombo Boixareu 1989).

-¿Contaminación ambiental : una visión desde la química¿ OROZCO BARRENETXEA, CARMEN, coaut. (Ed. Thomson, 2003)

Gehiago sakontzeko bibliografia

- "Principios de los Procesos Químicos", Vol. 1 (Balances de Materia y Energía) HOUGEN, WATSON Y RAGATZ (Ed. Revérte 1982).
- "Principios Elementales de los Procesos Químicos", 2 ED. FELDER Y ROUSSEAU (Ed. Addison-Wesley Iberoamericana 1991).
- "Ingeniería Química¿, Vol.2 (Fenómenos de Transporte) COSTA NOVELLA (Ed. Alhambra, 1984).
- ¿Operaciones Básicas de Ingeniería Química¿ McCABE, SMITH, HARRIOTT (Ed. McGraw-Hill 1991).

Aldizkariak