Gaitasunak:

- Ikasitako prozesu-unitate desberdinetako ekipoen funtzionamendua eta gertatzen diren fenomenoak ulertzea eta datu-hartzera eta ondoren parametro desberdinak zehazteko datuen manipulaziora ohitzea edo aldagai batzuen eragina prozesuaren gainean analizatzea.

- Prozesu-instalazioen diseinuak egiteko emaitza esperimentalak erabiltzea.



Emaitzak:

- Materia transferentziari, bereizteko eragiketei, erreaktore kimikoei eta prozesuen kontrolari buruzko esperimentazioko prozedura aplikatuak diseinatzea eta kudeatzea.

- Txostenak modu profesionalean idaztea.

A) Blokea: Materia transferentzia

1. Praktika: Difusio-koefizienteen kalkulua. Winkelman-en saiakuntza

2. Praktika: Materia transferentziako banakako koefizientearen kalkulua: ur-aire sistemarako materia transferentzia horma buztiko eta tantakako zutabeetan.

3. Praktika: Materia transferentziako koefiziente globalaren kalkulua: Ioi trukea nahaste tankean



B) Blokea: Erreaktoreen Diseinua

4. Praktika: Katalizatzaile azidoaren gaineko gas-solidoa erreakzio katalitikoetako operazio-aldagaien ikerketa

5. Praktika: Erreaktore jarrai isotermoak (nahaste-perfektuzkoa, nahaste perfektuzko erreaktore-bateria eta pistoi fluxuzkoa) diseinatzea ur fasean egindako bigarren mailako erreakzioetarako.

6. Praktika: Zirkulazio ez-ideala erreaktore homogeneoetan. Egoitza denboren banaketaren neurketa. Sakabanatze-ereduaren eta serieko tankeen ereduaren aplikazioa.



C) Blokea: Bereizteko eragiketak

7. Praktika: Amoniakoaren desortzioa ur disoluzioan

8. Praktika: Nahaste bitarren distilazioa

9. Praktika: Likido-likido erauzketa

10. Praktika: Ioi-trukea ohantze finkoan





D) Blokea: Prozesu Kimikoen Kontrola

11. Praktika: Kontrol-begizta bakarreko prozesuko identifikazioa eta modelatze dinamikoa. PID kontroladoreen sintonia metodo desberdinen analisia. Ereduen aplikazioa.

12. Praktika: Kaskadako kontrol-analisia. Kontroladoreen sintonia. Plantako sintonia.

13. Praktika: Bi kontrol-begiztetako sistemaren aldagai aniztuneko kontrola. Interakzioaren analisia. Bi kontroladoreen sintonia.

Ikasleak 3 edo 4 pertsonako taldeetan banatzen dira praktikak egiteko bai eta praktikaren txostenetarako ere. Azterketa berriz, banakakoa izango da.



Ikasleek bi blokeri dagozkien praktikak egingo dituzte lauhilabete bakoitzean: Materia transferentziari eta Erreaktoreen diseinuari dagozkienak lehen lauhilabetan eta Bereizketa prozesuei eta Prozesu kimikoen kontrol eta instrumentazioari dagozkienak bigarrenean.



Lauhileko bakoitzean, lehenik eta behin, garatu beharreko praktiken oinarri teorikoa lantzen duten eskola magistralak ematen dira. Ondoren, mintegi-saioak egiten dira, eta horietan praktika bakoitzean egin beharreko lan zehatza azaltzen da, erabili beharreko ekipo esperimentala behatzeko laborategira bisita barne. GL saioekin hasi aurretik, mintegiko orduetan, ikasleek ahozko azterketa bat egin beharko dute praktika bakoitzari buruz, eta dagokion irakasleak ebaluatuko du. Ikasleek gehienez 2 aukera izango dituzte ahozko azterketa gainditzeko (5/10), eta lortzen ez badute, ikasleak zigortu egingo dira, praktika horrekin kalifikazio %50ra jeitsiz. GL saio bakoitzaren amaieran, ikasleek Excel fitxategi bat bidali behar diote dagokion irakasleari, egindako praktikan lortutako datuekin, eta gero txostena egiteko erabiliko dute. Excel fitxategia entregatzen ez bada, ezingo da praktiken txostena entregatu. Ikasleek dagozkien praktikak egin ondoren, beste mintegi-saio batzuk egiten dira, praktika bakoitzari dagokion txostena egiteko beharrezkoak diren datuen tratamendua eta kalkuluak argitzeko. Une horretatik aurrera, ikasleek gutxi gorabehera beste bi aste izango dituzte txostenak entregatzeko.

Azterketa: notaren % 40a

Lanak eta idatzizko txostenak (praktiketako gidoiak): notaren % 40a

Laborategiko segimendua (bertaratzea, ekipoen erabilera, laborategiko koadernoa, etab.): notaren %10a.

Hasierako ahozko azterketa: notaren %10a.





Ebaluazio jarraitua:



Hasierako ahozko azterketa bat egingo da egin beharreko praktika bakoitzerako. Ahozko proba gainditzen ez bada (5/10), praktika horren nota % 50era jaitsiko da. Gainera, bi azterketa partzial egingo dira ikasturtean zehar. Azken azterketa ez egiteko, ikasleek azterketa partzialetako bloke bakoitza gainditu beharko dute (5/10). Azken azterketan, ikasleak azterketa partzialetan gainditu ez dituen ikasgaiko blokeak aztertu beharko ditu. Ikasleak amaierako azterketako blokeetako batean azterketa partzialean bloke berean lortutakoa baino nota altuagoa lortzen badu, azken azterketan lortutako nota hartuko da kontuan, baina txikiagoa bada, bi balioen batez bestekoa hartuko da kontuan. Irakasgaia gainditu ahal izateko, beharrezkoa izango da amaierako azterketaren ondoren bloke bakoitzean gutxienez 3.5/10 lortu izana. Gainera, 4.5/10eko batez besteko azterketa-nota eskatuko da. Halaber, ikasle bakoitzari eskatuko zaio laborategiko praktika guztiak egin izana, praktiketako txosten guztien egile edo egilekide izatea eta txostenen eta laborategiaren batez besteko nota gaindituta izatea.





Azken ebaluazioa:



Ikasleak 18 asteko epea izango du kurtsoa hasten denetik ebaluazioa jarraituari uko egiteko. Horretarako, idatzi bat azaldu beharko dio irakasle arduradunari bere ukoa azaltzen. Uko egin duen ikasleak ez du izango azterketa partzialen bidez ebaluatua izateko eskubiderik. Irakasgaia modu honetan gainditu ahal izateko, honakoa eskatuko da: Azken azterketan gutxienez 3.5/10 atera beharko du azterketako atal bakoitzean eta azterketako bataz bestekoa gutxienez 4.5/10 izan beharko da. Gainera, praktika guztiak egin izana, praktiketako txosten guztiak entregatzea autore edo koautore gisa eta batzuk zein besteak gainditzea eskatzen da.



DEIALDIARI UKO EGITEA

Hala azken ebaluazioaren kasuan nola etengabeko ebaluazioaren kasuan, “Esperimentazio Ingeniaritza Kimikoan II” irakasgaiaren azken probaren pisua bada irakasgaiko kalifikazioaren % 40 baino handiagoa denez, nahikoa izango da proba horretara ez aurkeztea azken kalifikazioa <> izan dadin. (2019ko maiatzaren 16an onartutako testua, 12.2 art. eta 2019/20 ikasturtean indarrekoa).



Osasun baldintzak irakasgaian matrikulatutako ikaslego osoaren edo ikasle batzuen ebaluazioa arestian deskribatutako baldintzetan egitea ahalbideratuko ez balu, Errektoretzak emandako, eta indarrean dauden, ebaluazioaren jarraibideak beteko dira

Praktika bakoitzeko gidoiak
Laborategiko koadernoa

Oinarrizko bibliografia

Lide, D.R. Ed. CRC Handbook of Chemistry and Physics, 89th Edition, CRC press, London, 2008

Perry, R.H., Manual del Ingeniero Químico, (4 vol), 7ª Ed, McGraw Hill, México, 2002.

Treybal, R.E., Mass Transfer Operations, 3ª Ed., McGraw Hill, Nueva York, 1980.

Levenspiel, O., Ingeniería de las Reacciones Químicas, Reverté, Barcelona, 1990.

Stephanopoulos, G., Chemical Process Control: An Introduction to Thery and Practice, Prentice Hall Int., Englewood Cliffs, N.J., 1984.

Gehiago sakontzeko bibliografia

Seader, J.D., Henley, E.J., Separation Process Principles, John Wiley & Sons, Nueva York, 1998.
Jacobsen, H.A., Chemical Reactor Modeling, Springer Berlin Heidelberg, Berlin, 2008
Seborg, D.E., Edgar, T.F., Mellichamp, D.A. "Process Dynamics and Control", John Wiley and Sons, Nueva York (1989). (2º Ed 2004)

Aldizkariak

Chemical Engineering Education,
Ingeniería Química