Irakasgaiaren gaitasun espezifikoak:



CE1. Materialen zientzia, teknologia eta kimikaren oinarriak ulertzea, Ingeniaritza arloan aplikatzeko asmoz.

CE2. Mikroegitura, sintesi edo prozesatze eta materialen propietateen arteko erlazioa ulertzea.



Zeharkako gaitasunak:



CT1 Jarrera arduratsua hartzea, lanean ordenatuta eta ikasteko prest, bizibideak eskatuko duen heziketa jarraituaren beharra kontuan hartuz.



CT2 Metodologia zientifikoaren berezko estrategiak aplikatzea: egoera problematikoa era kualitatibo eta kuantitatiboan analizatzea; hipotesiak eta konponbideak planteatzea, Ingeniaritzaren berezko ereduak erabiliz.



CT3 Taldean era eraginkor batean lan egitea, ahalmenak eta ezaguerak elkartuz, irakasgai teknologikoaren berezko lanen garapenean erabakiak hartu ahal izateko.



Ikasketa emaitzak:



1. Irakasgaiaren espezifikoa den terminologia egokitasunez erabiltzea, Materialen Zientziaren funtsezko oinarriak adieraziz ahozko hizkuntza eta adierazpen matematiko eta grafiko egokien erabileraren bitartez.



2. Material mota nagusiak bereiztea, beraien ezaugarriak eta erabilerak erlazionatuz.



3. Materialen barneko egitura eta beraien berezko ezaugarri fisiko-kimiko eta mekanikoak lotzea, material bakoitzaren funtzio praktikoan ezaugarri hauek duten eragina ezarriz.



4. Materialen oreka egoeraren kontzeptua erabiltzea; nola trataera mekaniko edo termiko batek egoera hori alda dezakeen arrazoitzea eta, ondorioz, nola aldatzen diren materialaren ezaugarriak.



5. Materialen Zientziaren eremuan jarritako zereginetan lankidetzako lana aplikatzea, zereginei taldearengan ekinez eta gainontzeko taldekideek emandako ideiak analizatuz eta eztabaidatuz.

1. Materia kondentsatuaren egitura.

Beirazko egitura eta egitura kristalinoa. Material motak. Akats kristalinoak. Difusio fenomenoak.



2. Egitura kristalinoen solidotzea.

Solidotze mekanismoak. Fase-diagramak.



3. Materialen propietateak.

Propietate mekaniko, elektriko eta magnetikoak eta egiturarekin duten erlazioa. Material saiakuntzak. Beste propietate fisiko eta kimiko batzuk.



4. Materialen egitura-aldaketa.

Trataera termiko, termokimiko eta termomekanikoak. Materialen propietateetan duten eragina.



5. Ingeniaritzarako materialak.

Material metaliko, polimeriko, zeramiko eta konposatuak. Propietateak, sailkapena eta aplikazioak. Aplikazio berrietarako material berriak.



6. Materialen ekoizpena.

Material metaliko, polimeriko, zeramiko eta konposatuen lorpena eta eraldatzea. Balidabide naturalak, sintesi eta birziklapena.



7. Zerbitzu-baldintzak.

Korrosioa, nekea, creep, higadura eta zahartzea gertatzeko baldintzak. Hutsegite-analisia.



8. Materialen hautaketa.

Materialak hautatzeko irizpideak: zerbitzu-beharrak eta irizpide ekonomikoak.



Laborategiko praktikak:

Saiakuntza mekanikoak: trakzioa, gogortasuna (Brinell, Vickers, Rockwell) eta talka-saiakuntza (Charpy)

Metalografia: probetaren prestakuntza eta mikroskopiozko behaketa.

Analisi kimikoa: karbono eta sufrearen kantitateen zehaztapena lagin metalikoetan.

Aurkezpen audiobisualak erabiliz, materia gelan irakatsiko da. Ikasleak apunteak eta gehigarriko informazioa eskura izango ditu gela birtualetan.



Informazio teorikoa finkatzeko, klasean adibide teoriko-praktikoak garatuko ditu irakasleak. Adibide gehiago proposatuko dira ikasleek egiteko eta klasean zuzentzeko.



Ikasleek taldeka lan bat aurkeztu behar dute. Lanen edukiera eta eskema irakasleak definituko ditu.



Laborategiko praktiketan, irakasleak aurkeztuko ditu helburua, ekipoak eta prozedura operatiboak praktika bakoitzeko, aurkezpen audiobisualak erabiliz. Jarraian ikasleek praktika garatzen dute laborategian, irakaslearen aurrean.

Nota = (0,2) x Laborategiko nota + (0,7) x Azterketako nota + (0,1) Talde-lanak



Azterketako nota lortzeko, ikasleak bi azterketa partzial egiteko aukera izango du (bata kurtsoaren erdian, bestea lauhilekoaren amaieran). Kasu honetan nota bion batez bestekoa izango da. Partzialak egin beharrean, azterketa final bakar bat egin daiteke, lauhilekoaren amaieran.



Laborategiko nota lortzeko praktika guztiak egitea derrigorrezkoa da. Praktikak eginda, azterketa bat gainditu behar da, praktikei buruzko galdera teoriko-praktikoak erantzunez.



Ikasleak talde-lanak aurkezten ez badu, nota finalaren % 10 galduko du. Ikasleak azterketa teorikoa egin ezean (partzialak edo azterketa finalak eginez), edo laborategiko azterketa egin ezean, ez aurkeztutako ikasletzat hartuko da. Egoera honetan, nota finala lortzeko behar den zatiren bat gaindituz gero (teoria, laborategia, talde-lanak), nota hori gordeko da hurrengo deialdietan erabiltzeko.



Ikasle batek irakasgaia gainditu ezean (nota finala 5.0 baino txikiagoa), gainditu dituen zatien notak (teoria, laborategia, talde-lanak) gordeko dira hurrengo deialdietan erabiltzeko.



UKO EGITEA



Ikasleak etengabeko ebaluazio edo ebaluazio mistoari uko egiteko aukera du. Kasu horretan azken ebaluazioa egingo du, nahiz eta etengabeko ebaluazioaren parte hartu izan duen (Graduko Titulazio Ofizialetako Ikasleen Ebaluaziorako Arautegiaren 8.3 artikulua)



Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du lauhilekoko irakasgaien kasuan, ikastegiko eskola egutegian zehaztutakoarekin bat lauhilekoa hasten denetik kontatzen hasita.



Azken ebaluazioan ikasleak azterketa idatzi bat egin behar du, galdera teoriko-praktikoak erantzunez. Galdera hauetan irakasgaiaren programa eta laborategiko praktikak kontuan hartuko dira. Hauetaz gain, irakasleak proposatutako lan bat ere aurkeztu behar du.



Azken ebaluazioaren nota = (0,9) x Azterketako nota + (0,1) Lanaren nota



Irakasgaiaren ebaluazio presentziala egin ezin bada, dagozkion aldaketak egingo dira online ebaluazio bat egiteko, UPV/EHUn dauden tresna informatikoak erabiliz. Online ebaluazio horren ezaugarriak eGelan argitaratuko dira.

Materialen saiakuntzetarako arauak.

Oinarrizko bibliografia

1. Materialen zientzia eta ingeniaritza. Hastapenak. W.D. Callister Jr. Euskal Herriko Unibertsitateko Argitalpen Zerbitzua.



2. Fundamentos de la Ciencia e Ingeniería de los Materiales. W.F. Smith (Ed. McGraw-Hill).



3. Ciencia de Materiales. Teoría - Ensayos - Tratamientos. P. Coca Rebollero, J. Rosique Jiménez (Ediciones Pirámide S.A.).



4. Ciencia e Ingeniería de Materiales. W.D. Callister, D.G. Rethwisch. (Ed. Reverté).



5. Irakasgaiaren apunteak.

Gehiago sakontzeko bibliografia

1. Materiales para Ingeniería. M.F. Ashby, D.R.H. Jones (Ed. Reverté.

2. Metales y Aleaciones: su constitución, estructura, propiedades y tratamientos. R. Calvo Rodes (Ed. INTA).

3. Introducción a la metalurgia Física. S.H Avner, Ed. McGraw-Hill, Mexico, 1988.

4. Ciencia e ingeniería de materiales : metalurgia física, estructura y propiedades. J.A. Pero Sanz, Ed. Cie Dossat 2000, Madrid, 2004.

Aldizkariak

1. Metalurgia y Electricidad.

2. Fundidores.

3. Plásticos universales.

4. Journal of Materials Science.

5. Materials Science and Engineering.