Adimen Artifizialeko Gradua

Begirada batean

Titulazioa: Adimen Artifiziala Gradua

Eskainitako plaza kopurua: 40

Iraupena: 4 ikasturte (240 ECTS kreditu)

Hizkuntzak: Euskara, Gaztelera, Ingelesa

Tokia: Informatika Fakultatea UPV/EHU, Gipuzkoako Campusa

Harremanetarako: info-dif-fiss@ehu.eus

Informazio orokorra

UPV/EHUko Informatika Fakultatea erreferentziazko zentroa da Informatika Ingeniaritzako arloan, eta gainera lehengoa Adimen Artifizialeko gradua eskaintzen.

UPV/EHUko Informatika Fakultatean ibilbide luzea eta esperientzia zabala dugu, bai irakaskuntzan eta bai ikerkuntzan, Adimen Artifizialeko hainbat arlotan: Datuen analisian (Big Data), Hizkuntzaren prozesamenduan, Lankidetza-robotikan, Konputagailu bidezko ikusmenean, etab. Horregatik, arlo horietan jarduteko gradu berri bat diseinatu dugu. 2020/21 ikasturtean jarriko da martxan eta urtero 40 ikasle onartuko ditu. Informa zaitez!

Adimen Artifizialak goitik behera aldatuko du gure mundua, eta sistema adimendunak sortu eta barneratuko ditu gure eguneroko bizitzan, eremu pertsonalean zein profesionalean. Adimen Artifizialeko Graduak ateak zabalduko dizkizu etorkizuna duen diziplina batean prestakuntza hartzeko eta jakinduria eta trebetasunak lortuko dituzu honako arloetan: elkarrizketetarako laguntzaileak, itzulpen automatikoa, lankidetza robotika, ikuspegia, gidatze autonomoa, Big Data eta datuen analisia, neurona sare sakonak, arrazoimen automatikoa eta errealitate birtual eta areagotua.

Adimen Artifiziala nazioko zein nazioarteko ikerketa, garapen eta berrikuntzarako lehentasunezko arloa da, gizarte erronka berriei aurre egitea ahalbidetuko diguna eta “Industry 4.0” etapa berrirako funtsezko zutabea dena.

Adimen Artifiziala da zure gradua, baldin eta erronkek, sistema adimendunak garatzeko aukerak erakartzen bazaituzte, matematika eta estatistika, erronka zientifiko eta teknologikoak gustatzen bazaizkizu, eta diziplina anitzeko taldeetan lan egiteko sormen, irudimen eta gaitasuna baduzu.

Titulazio honek gaitasuna emango dizu...

Sistema adimendunak ulertu, aplikatu, berritu eta ikertzeko. Beharrezkoa den prestakuntza jasoko duzu gizartea aldatu eta aurrera joanarazteko ahalmena duten ideia berriak asmatzeko, eta laborategi handietako azken aurrerapenak aplikatu ahalko dituzu gizarte eta enpresa inguruneko arazo praktikoekin.

Guk jakintza eskainiko dugu, eta zuk, berriz, gizartea aldatzeko irudimena.

Ikasketa plana

Graduaren egitura derrigorrezko 3 ikasturte dira eta 4. ikasturte bat 8 hautazko eta Gradu Amaierako Lanarekin (12 kreditu).

Hizkuntzak: Derrigorrezko irakasgai guztiak gaztelaniaz eta euskaraz emango dira. Gainera, irakasgai ezberdinak ingelesez ikasteko aukera izango duzu.
 

LEHENENGO MAILA  
1go Lauhilekoa 2. Lauhilekoa
Analisi matematikoa Kalkulua
Matematika Diskretua Aljebra
Estatistika Metodoak Ingeniaritzan Programazioaren Metologia
Oinarrizko Programazioa Programazio Modularra eta Objektu Orientzaioa
Konputagailuen Arkitekturaren Oinarriak Konputagailu Sareen eta Sistema Eragileen Oinarriak

 

BIGARREN MAILA  
1go Lauhilekoa 2. Lauhilekoa

Datu meatzaritza

Adimen Artifiziala
Seinaleak eta Sistemak Arrazoiketa Automatikoa

Datu-egiturak eta Algoritmoak

Ikerketa Operatiboa
Estatistika Metodo Aurreratuak Software Ingeniaritza
Sistema Paralelo eta Banatuak Datu-baseak

 

HIRUGARREN MAILA  
1go Lauhilekoa 2. Lauhilekoa

Hizkuntzaren Prozesamendua

Ikaskuntza Automatiko Aurreratua

Robotikaren Oinarriak Datu Masiboen Prozesamendurako Azpiegiturak
Ikaskuntza Automatikoa eta Neurona Sareak Konputagailu bidezko Ikusmena
Bilaketa Heuristikoak Big Data Aplikazioen Garapena

Datu-baseen Diseinua

Testu-datuen Meatzaritza

 

LAUGARREN MAILA  
1go Lauhilekoa 2. Lauhilekoa

Hautazko 1

Hautazko 6

Hautazko 2

Hautazko 7

Hautazko 3

Hautazko 8

Hautazko 4

Gradu Amaierako Lana (12 kr.)

Hautazko 5

 

 

HAUTAZKO IKASGAIAK  
1go Lauhilekoa 2. Lauhilekoa

Idatzizko komunikazio zientifiko-teknikoa euskaraz

Ahozko komunikazio zientifiko-teknikoa euskaraz

Web Sistemak Informazioaren Bistaratzea
Hizkuntzaren Prozesamenduko Teknika Aurreratuak Robotika Soziala
Espazio-Denbora Datuen Analisia Ahotsaren Prozesamendua
Pertsona-Robot Elkarrekintza Errealitate Birtuala eta Areagotua
Robotika, Sentsoreak eta Eragileak Datu Biomediko eta Fisiologikoen Analisia
Robotika Probabilistikoa  

Ezagutzan Oinarritutako Sistemak

 
Informazio Sistemen Segurtasuna Kudeatzeko Sistemak  
Adimen Artifizialeko Teknika Aurreratuak  

Praktikak eta Gradu Amaierako Lana enpresan

Enpresako egonaldiak zure prestakuntzarako osagarri bikaina dira. Fakultateak hitzarmenak sinatu ditu 100 enpresa baino gehiagorekin, eta horri esker, zure lehentasun eta kezkekin ondoen egokitzen den praktika aukeratu ahalko duzu.

Gainera, laugarren urtean, zure Gradu Amaierako Lana ere egin dezakezu enpresan.