Teknologia Kimikoa graduaren M03 moduluari dagokio: Teknologia espezifikoak. Irakasgai honetan moduluaren E6 gaitasuna lantzen da: materia eta energia-balantzeen ezagutza, bioteknologia, materia -transferentzia, bereizte- eragiketak, erreakzio kimikoaren ingeniaritza, erreaktoreen diseinua eta lehengai eta baliabide energetikoen balorizazioa eta eraldatzea.



Irakasgai honen bitartez lortu beharreko irakaskuntza-emaitzak hurrengoak dira:

- Industria-ingeniaritzaren arloko arazo errealak ulertzea, baita arazo horien garrantzia ingurune industrialean ulertzea ere . Gainera, ikasleak giza-kalteak, ingurumen-kalteak zein kalte ekonomikoak ekiditeko erabakiak hartzeko gai izatea espero da, arazo industrialen ulertzearen bitartez.

- Ingurune industrialeko diziplina-anitzeko problemak era egituratuan ebaztea. Horretarako, ikasleek hartutako ezagutzek ondorengo gaitasunak lortzea ahalbidetu behar dute:

- Instalazio industrialen diseinua eta ezarpena, alde energetikoak, mekanikoak, elektrikoak eta ingurumenekoak kontuan hartuz.

- Ekoizpen eta kontrol-prozesuen diseinua, alde energetikoak, mekanikoak, elektrikoak eta ingurumenekoak kontuan hartuz.

KLASE TEORIKO ETA IKASGELAN EGINDAKO ARIKETA PRAKTIKOEN PROGRAMA



1. Teknologia Kimikoaren inguruko sarrera

2. Materia- eta energia-balantzeak

3. Zinetika kimiko aplikatuaren oinarriak

4. Bereizketa eragiketen oinarriak

Irakasgaiaren irakaskuntza hurrengo errekurtsoak erabiliz burutuko da:



Ikasgai Magistralak eta gela praktikak

Saio hauetan gai bakoitzaren oinarrizko kontzeptuak eta funtsezko legeak aurkeztuko dira, eta irakasgaiarekin erlazionatuta dauden problemak eta kasu praktikoak ebatziko dira. Aurkezpenak errekurtso audiobisualez lagunduta burutuko dira.

Aurkeztutako kontzeptuak argitu ahal dituzten adibide esanguratsuak ikasleekin eztabaidatuko dira, batik bat eguneroko bizitzarekin eta industriaren errealitatearekin zerikusia dutenak.



Problemak

Gai bakoitzean galdera teorikoak eta problema numerikoak proposatuko dira. Helburua ikasleak aurkeztutako gaien aspekturik garrantzitsuenak sakonago ulertzea eta garatu beharreko gaitasunak errazago lortzea da. Hauetako batzuk klasean ebatziko dira, besteak ikasleek haien kabuz egiteko eta/edo entregagai bezala aurkezteko geldituko dira.

Ebaluazio jarraituan, problema hauek ebatzi eta entregatu izana kontuan hartuko da. Problema hauen enuntziatu guztiak eGela plataforman egongo dira eskuragarri.



Hautazko aktibitateak

Ikasleen ikasketa jarraitua bermatzeko, banaka zein taldeka burutuko diren eta irakaslearen gainbegiratze zuzena edukiko dituzten zenbait aktibitate (zailtasun handiagoa duten ariketen ebazpena, galdeketak…) antolatuko dira.



Praktikak

Irakasgaiaren edukiarekin zerikusia duten eta derrigorrezkoak diren praktikak burutuko dira. Laborategi-saioen egutegia kurtso hasieratik ezarrita egongo da, WebUntis plataforman argitaratuta.

Ikasle bakoitzak, praktikak bukatzerakoan, egindako lana laburbiltzen duen txosten bat entregatu beharko du.

Irakasgaiaren ebaluazioa hurrengo bi esparruen arabera burutuko da:

- Idatzizko froga (teoriko-praktikoa): notaren %70a.

- Ebaluaketa jarraitua: %30, non bi zatitan banatuko den:

- Entregak: notaren %15a. Ikasleek irakasgaian zehar garatuko dituzten lanak, txostenak,

aurkezpenak etab, ebaluatuko dira.

- Praktikak: notaren %15a. Ikasleek entregatu behar izango dituzten txostenak, galdetegiak

eta laborategian izandako jarrera hartuko da kontuan ebaluazioa burutzeko garaian.



Idatzizko azterketan ikasleek 10 puntutik 4.5 atera beharko dituzte gutxienez irakasgairen beste notekin batez bestekoa egin ahal izateko.



Kurtsoan zehar ebaluazio jarraituari dagokion jarduerak (laborategi praktikak, ariketak, etab,) egiteari uko egiten dieten ikasleek (9. astea baino lehenago irakasleari idatziz adieraziz), ahozko froga bat gainditu beharko dute ohiko deialdian gaitasun hauek lortu dituztela frogatzeko.



Kalifikazio globala hurrengo formula erabiliz kalkulatuko da:



Kalifikazio globala = 0.70 (idatzizko proba edo probatan lortutako kalifikazioa) + 0.15 (praktiketan lortutako kalifikazioa) + 0.15 (ebaluazio jarraituan lortutako kalifikazioa).



- Azterketan 4.5 baino nota altuago bat ateratzen bada, eta formula erabiliz lorturiko azken nota 5.0 edo altuagoa bada, irakasgaiaren nota formula aplikatzean lortzen den nota izango da.

- Azterketan 4.5 baino nota altuago bat ateratzen bada, baina formula erabiliz lorturiko azken nota 5.0 baino baxuagoa bada, irakasgaiaren nota formula aplikatzean lortzen den nota izango da.

- Azterketan 4.5 baino nota baxuago bat ateratzen bada, irakasgaiaren nota finala azterketaren nota berbera izango da.



Azterketa idatzira aurkezten ez diren ikasleak “ez aurkeztutzat” joko dira.



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

eGela plataforman irakasgaiaren gai-zerrenda eta praktika gidoiak formato elektronikoan ikasleentzat eskuragarri egongo dira. Horretaz aparte, gai bakoitzaren problema-zerrenda agertuko da. Honen helburua klaseak errazago jarraitzea eta gaien ulermena erraztea da.

Oinarrizko bibliografia

Principios de Ingeniería Química (6ª edición) Himmelblau. Prentice-Hall, 1996

Principios Elementales de los Procesos Químicos (3ª edición actualizada) Felder y Rosseau. Wiley, 2005

Química. Un proyecto de la ACSACS. Reverté, 2005

Principios de Química. Los caminos del descubrimiento (3ª edición) Atkins y Jones. Panamericana, 2005

Introduction to Chemical EngineeringThompson y Ceckler. Mc Graw-Hill, 1977

Understanding Engineering ThermoLevenspiel. Prentice-Hall, 1966

Gehiago sakontzeko bibliografia

Introducción a la Termodinámica en Ingeniería Química (7ª edición) Smith y otros. Mc Graw- Hill, 2005
Chemical, Biochemical and Engineering Thermodynamics (4ª edición) Sandler. Wiley, 2006
Balances de materia y energíaReklaitis. Nueva Editorial Interamericana, 1983
Cinética Química AplicadaGonzález Velasco y otros. Síntesis, 1999
Ingeniería de la Cinética Química (3ª edición) Smith. CECSA, 1986 (la 3ª edición original
Chemical Engineering Kineticses de 1981, Mc Graw-Hill)
Ingeniería de las reacciones químicas (3ª edición) Levenspiel. Limusa Wiley, 2004 (la 3ª edición original Chemical Reaction Engineeringes de 1998, Wiley)
Elements of Chemical Reaction Engineering (4ª edición) Fogler. Prentice-Hall, 2006
Chemical and Process AnalysisLuyben y Wenzel. Prentice Hall, 1988