GAITASUNAK

M04IA2. Gaitasuna ingurumen-arloan garrantzia duten prozesuak eta sistemak analizatzeko, diseinatzeko, simulatzeko eta optimizatzeko, naturalak nahiz artifizialak.

M04IA3. Gaitasuna ingurumen-arazoetarako ingeniaritzako soluzioen diseinuan, proiektuan eta exekuzioan parte hartzeko, estrategia alternatiboen ebaluazioa eta kontrol- eta segurtasun-irizpideak barne.

M04IA4. Ezagutzak edukitzea materia eta energia balantzeei, bioteknologiari, materia-transferentziari, bereizketa-operazioei, erreakzio kimikoaren eta biologikoaren ingeniaritzari, erreaktoreen diseinuari eta lehengaien eta baliabide energetikoen balorizazio eta transformazioari buruz.

M04IA5. Ingurumen-ingeniaritzaren arloan, ezagutzak edukitzea esperimentazio aplikatuko prozeduren diseinu eta kudeaketari, eta fenomenoen eta sistemen modelatuari buruz; jariakinen jariatze-sistemak, bero-transmisioa, materia-transferentziako operazioak, erreakzio kimikoen zinetika eta erreaktore kimikoak eta biologikoak.



Ikaskuntza emaitzak:

Ikaslea:



Ingurumenean garrantzia duten prozesuak analizatzeko gai izango da, modu kritikoan.

Bioteknologia eta interes industriala duten aplikazio bioteknologikoei buruzko oinarrizko ezagutzak dituela erakusteko gai izango da.

Ingurumen arazoei aurre egiteko eta ingeniaritzan oinarritutako irtenbideak deskribatu eta proposatzeko gai izango da, arrazoiak emanez.

Aukera bioteknologiko ezberdinen artean egokiena aukeratzeko gai izango da, erabilitako irizpideak arrazoituz.

Ariketa eta kasu praktikoak ebazteko gai izango da, prozesu bioteknologikoei aplikatutako zinetika biologiko eta materia-balantzeen alorrean.

Interes industriala duten prozesu bioteknologikoei aplikatutako esperimentuak diseinatu eta planifikatzeko gai izango da.

Irakasgaiaren programarekin erlazionatutako argumentuak azaltezko gai ezango da, modu argian eta irakasgaian landutako berezko hiztegia erabiliz (ahoz eta idatziz).

Talde-lanean egiten diren jardueratan trebetasuna erakusteko gai izango da.

GAIAK

1.-Sarrera: Ingurumenari aplikaturiko bioteknologiaren garrantzia.

2.-Interes industriala duten mikroorganismoen ezaugarriak.

3- Mikroorganismoen hazkuntza baldintzak.

4. Estekiometria eta zinetika mikrobiarra.

5. Zinetika entzimatikoa eta aplikazio teknologikoak.

6. Efluente likidoen tratamendu aerobioa eta anaerobioa.

7. Hondakin solidoen biotratamendua.

8. Gasen bioiragazketa.



Laborategiko lan esperimentalak

Irakasgaia honakoez osatua egongo da:

Saio presentzialak eta gela-praktikak: irakasgaiaren ezagutza teorikoak azaldu eta garatuko dira, eta gaiekin lotutako ariketa edo/eta kasu praktikoak ebatziko dira. Saio horietan ere, banakako edo/eta talde-lanen aurkezpena egingo da.



Ariketak (IA2, IA4)

Gai bakoitzean hainbat ariketa proposatuko dira. Horietako batzuk klasean ebatziko dira. Ariketa guztien enuntziatuak eGela plataforman egongo dira eskuragarri.



Banako lana edo talde lana (IA2, IA3, IA5)

Gelan landuko den gairen batekin erlazionaturik dagoen banakako lan bat egingo du ikasleak edo taldeak. Lan hori ikasturtearen 2. astean banatuko da eta 6. astetik aurrera aurkeztuko da.



Laborategiko lan esperimentalak (IA4)

Irakasgaia gainditzeko derrigorrezkoa izango da laborategiko lan esperimentalak egitea. Ikasleek praktika bakoitzeko txosten bat entregatu beharko dute, lortutako emaitzekin.

Ohiko deialdian ebaluaketa jarraitua ondoko eran egingo da:



- %65a idatzizko azterketa

Gainditzeko gutxienez 5.0 edo gehiago atera behar da (10 puntu guztira).

Ez bada gainditzen, aktatan jarriko den nota azterketa horretakoa izango da.

Ikaslea ez bada aurkezten idatzizko azterketara, aktatan "ez aurkeztua" agertuko da.



-%35a ebaluaketarako beste aktibitate batzuk

Aktibitate guztiak egitea derrigorrezkoa da.

Gainditzeko gutxienez 4.0 edo gehiago atera behar da aktibitate guztietan (10 puntu guztira).

Ez bada gutxienezko nota hori lortzen aktibitateren batean, 0.0 izango du aktibitate horretan.

Laborategiko praktikei dagokienez, ausentzia bat baino ez da onartuko eta aldez aurretik garrantzi handiko arrazoiak egiztagiriaren bidez justifikatuta.



Ikasleek eskubidea izango dute ebaluazio finalaren bidez ebaluatuak izateko, ebaluazio jarraituan parte hartu zein ez hartu. Kasu horretan, ikasleak ebaluazio jarraituari uko egiten diola esanez idazki bat aurkeztu beharko dio ikasgaiaren arduradunari (astrid.barona@ehu.eus) eta, horretarako, bederatzi asteko epea izango du.

Kasu honetan, ohiko deialdiaren egunean bertan, notaren %65a balio izango duen idatzizko azterketa egingo du. Egun horretan ere, %35a balio izango duen beste aktibitate batzuk ere egin beharko ditu. Ikasgaia gainditzeko baldintzak ebaluazio jarraituaren berdinak dira.

Irakasgaiaren oinarrizko dokumentazio guztia eGelan dago eskuragarri.

Oinarrizko bibliografia

1- Renneberg, R. Biotecnología para principiantes; Ed. Reverté 2008, ISBN 978-84-291-7483-0

2- Scragg A. H. Biotecnología para ingenieros; Ed. Limusa 2002, ISBN 968-18-4708-3

3- Hu, W.S. Engineering Principles in Biotechnology. Ar. Wiley. 201, ISBN: 978-1-119-15902-5

4- Rittmann B., Mc Carty, P. Biotecnología del medio ambiente; Ed. Mc Graw Hill 2001, ISBN 8448132807

5--Camacho Garrido S. Ensayos biotecnológicos; Ed. Síntesis 2015, ISBN 978-84-907712-3-5

6- Lazcano, C. Biotecnología Ambiental de Aguas y Aguas Residuales. Ecoe Ediciones. 2016.

https://www.ecoeediciones.mx/wp-content/uploads/2016/04/Biotecnolog%C3%ADa-ambiental-de-aguas-y-aguasresiduales-

2da-Edici%C3%B3n-1.pdf