Ikasleak lortu behar dituen gaitasunak Ingurumen Ingeniaritzako 04 moduluan agertzen direnak dira:



a) Ingurumen garrantzia duten prozesu eta sistemen, naturalak bai artifizialak, analisia, diseinua, simulazioa eta hobekuntza egiteko gai izatea.



b) Ingurumen arazoei aurre egiteko ingeniaritza proiektuen diseinu, proiektu eta gauzatzean parte hartzeko ezagutza eta gaitasuna izatea, estrategia aukera ezberdinen ebaluazioa eta kontrol eta seguritate irizpideak ere kontuan izanda.



c) Ondorengo gaietan ezagutzak izatea: Materia eta energia balantzeak, materia transferentzia, bereizketa eragiketak, erreakzio kimiko eta biologikoen ingeniaritza, erreaktoreen diseinua, materia prima eta baliabide energetikoen balorizazio eta eraldaketa.



d) Esperimentazio aplikatuaren diseinu eta kudeaketan ezagutzak izatea eta ingurumen ingeniaritza esparruko fenomeno eta sistemen modelizazioa egiteko gai izatea. Sistema horietan jariakin emaria, bero transferentzia, materia transferentzia eragiketak, erreakzioen zinetika eta erreaktore kimiko eta biologikoak kontutan hartuta.



Gaitasun hauek ondorengo ikaskuntza emaitzak izango dituzte:



- Erreaktore kimiko edo biologiko bat dimentsionatu eta diseinatu zenbakizko metodo klasikoak edo prozesu-simuladoreak erabilita; prozesuen irteerako jariakinen tratamendu-sistemetan enfasi eginda eta kutsadura ekiditeko eta hazkuntza jasangarrian duten eraginean ere.



- Erreakzio kimiko eta biologikoen ingeniaritza lanak idatzi eta azaltzea.

1. blokea. Zinetika kimikoa.

2. blokea. Nahaste osoko eta fluxu-pistoiko erreaktoreak. Erreakzio sistema homogeneo eta heterogeneoen diseinua. Fluxu modeloen karakterizazioa. Trazatzaileen erabilera.

3. blokea. Erreaktore biologikoak. Biomasa aktiboaren birziklatze konfigurazioak.

4. blokea. Nahastea, aireztatzea. Erreaktore konfigurazioak.

Irakasgaian banakako eta taldeko irakaskuntza metodologiak erabiliko dira. Aurrez aurreko klaseetan ezagutza teoriko-praktikoak landuko dira klase magistraletan, baina ikasleen parte-hartzea sustatuz galderen bidez, non eztabaidak eta analisiak gertatu behar diren. Ordu presentzialetan ere problemak ebatziko dira, banaka eta taldetan. Lantalde txikietan ordenagailu praktikak egingo dira. Praktika hauetan ariketa-lanak egin beharko dira, non programa informatiko ezberdinak erabili behar diren (datu baseak eta software espezifikoa). Saio horiek egin ondoren irakasleari txosten bat eman beharko zaio, lortutako emaitzekin lanaren jarraipena egin ahal izateko. Laborategi praktiketan lan esperimentala egingo da. Praktika orduetan klasean modu teorikoan aztertutako prozesu batekin erlazionatuta dauden datu esperimentalak lortuko dira.

Informazio eta komunikazio teknologiak ere erabiliko dira, hala nola kalkulu-orriak (Excel), prozesu kimikoak simulatzeko softwarea (Aspen Plus) eta zenbakizko metodoak ebazteko softwarea (Polymath).

Bestale, eGela plataforma erabiliko da informazio eta esteka interesagarriak partekatzeko, klaseko notak argitaratzeko, aktibitate eta ariketak bidali eta entregatzeko, eta ordutegi aldaketak eta nobedadeei buruz berri emateko.



“Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.”

Irakasgaiaren nota finala idatzizko probaren %70a eta ebaluazio jarraituaren %30a aplikatuta lortuko da. Hau aplikatzeko, ezinbestekoa da bi zati hauek gainduta izatea, hau da zati bakoitzean 5 puntu edo gehiago lortu behar da. Idatzizko azterketaren nota 5 puntu baino gutxiago bada, lortutako idatzizko probaren azterketaren nota automatikoki aktaren azken kalifikazioa bihurtuko da.



Azkenengo bakarkako idatzizko probaren ezaugarriak: nota finalaren %70a izango da. Ariketa teoriko-praktikoak eta galdera teorikoak egongo dira.



Ebaluazio jarraituaren ezaugarriak: nota finalaren %30a da, lauhilabetean zehar landuko da eta derrigorrezkoa da. Hurrengo moduan banatzen da:



Jarraipen-jarduerak: bakarkako lana izango da eta nagusiki klaseetan egingo dira. Jardueren helburua irakasgaian egindako aurrerapenak aztertzea izango da. Galdetegiak abisatu gabe egin daitezke eta nota finalaren %10a izango da.



Ordenagailu praktikak: Banaka egingo dira. Guztira 4 saio dira, bakoitza 3 h iraupenarekin. Lehenengo Polymath programarekin lan egingo da, magistraletan landutako ariketak ebazteko. Ezagutza hauek proba finalean ebaluatzen dira zuzenean. Hurrengo saioetan Aspen Plus programarekin lan egingo da. Saio hauek amaitzerakoan txosten bat entregatu behar da eta notaren %6a izango da.



Laborategia eta datu esperimentalen tratamendua: Hiru orduko saio bat egingo dira. Laborategiko praktika zinetika kimikoa edo erreaktore bio-masikoekin erlazionatuta egongo da. Praktika bikoteka egingo da eta saioaren hasieran aurretiko lanaren dokumentua entregatu behar da. Saioan lan esperimentala egingo da, eta lortutako datuen tratamendua ordenagailuekin egingo da etxean. Talde bakoitzak bere emaitzak, oharrak edota komentarioak entregatu beharko ditu. Lortutako nota finalaren %6a izango da.



Taldeetan egindako zeregin ezberdinak dituen proiektua: Zeregin ezberdinak egin beharko dira (informazio bilaketa, problemen ebazpena, erreakzio sistemen simulazioa, eta abar.) eta nota finalaren %8a izango da. Ikasgaian zehar egingo da eta eskuratuko ezagutza guztiak erabili beharko dira kasu praktiko bat ebazteko.



Hala ere, Graduko titulazio ofizialetako ikasleen ebaluaziorako arautegiko 8. artikuluko 3. puntuan agertzen den moduan: “ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko di irakasgaiaren ardura duen irakasleari eta, horretarako, bederatzi asteko epea izango du lauhilekoko irakasgaien kasuan.”



Ebaluazio jarraituari uko egiteak ez du landutako konpetentziak ebalua izatetik salbuesten. Beraz, ebaluazio jarraituan parte hartu ez duten edo gainditu ez duten ikasleek ondorengo egin beharko dute:



a) Idatzizko proba finala egin (notaren %70a).

b) Laborategi praktika, non erreakzio sistemen neurketa esperimentalak eta datuen tratamendua egiten den (notaren %15a).

c) Prozesuen simulagailuak erabilita erreakzio sistema bat simulatu (notaren %15a).

- Testu-liburua: Fogler, H.S., Elementos de ingeniería de las reacciones químicas, 4ª Ed., Pearson-Prentice Hall, 2008.
- Kalkulurako informatika tresnak:
Excel,
Polymath, Mathematica Wolfram edo Mathlab.
Prozesu simulatzailea: Aspen Plus.
Oinarrizko datuak (bibliografia ikusi).

Oinarrizko bibliografia

- Doran, P.M., Principios de ingeniería de los bioprocesos. Acribia, 1998.

- Levenspiel, O. Ingeniería de las reacciones químicas (3ª Ed.). Wiley, 2004.

- Gódia, F. y J. López, Eds., Ingeniería bioquímica, Síntesis, 1998.

- Santamaría, J.M., J. Herguido, M.A. Menéndez y A. Monzón. Ingeniería de reactores, Síntesis, 1999..

Gehiago sakontzeko bibliografia

- Ullman, Ullmann's biotechnology and biochemical engineering, Wiley-VCH, 2007.
- Perry, Manual de Ingeniería Química, 7ª Ed., McGraw-Hill, 2001.
- Chemical Engineering Kinetics (3ª Ed.). J.M. Smith, 1981.
- Heterogeneous Catalysis in Industrial Practice (3ª Ed.). C.N. Satterfield. Krieger Publishing Company, 1996.
- Chemical Kinetics and Catalysis. Richard I. Masel. Ed. Wiley, 2001.

Aldizkariak

-Chemical Abstracts
-Chemical Engineering Abstracts
-Chemical Engineering & Technology. Wiley-VCH, Weinheim
-Chemie-Ingenieur Technik. Wiley-VCH, Weinheim
-AlChE Journal. AIChE, New York
-Ingeniería Química. Suplemento Nuevas Plantas. Ingeniería Química S.A., Madrid
-Química e Industria. Asociación Nacional de Químicos de España, Madrid
-Chemical Engineering. McGraw-Hill, New York
-Journal of Chemical Technology and Biotechnology. John Wiley and Sons, New York