Irakasgai honetan M05OP3 gaitasuna garatzen da: Ingurumenaren Ingeniaritzako teknikak, tresnak, teknologiak eta zientziak sakontasunean ezagutzea, konkretuki kutsatutako lurrek eta hondakinen kudeaketak eta tratamenduak osatzen duten espezialitatea.



Irakasgai honen ikastearen emaitza hurrengoa da:

Laginketa-estrategiaren diseinua eta lagin-tratamendu eta ordezko aukera analitikoen balorazioa hondakin karakterizazio egoki baterako.

Irakasgaia 3 gaietan banatzen da:



1.GAIA. Sarrera, eduki teorikoak soilik azaltzen dituena.

2.GAIA. Hondakinen laginketa, eduki teorikoak, gelako praktikak eta laborategi-praktika bat batzen dituena.

3.GAIA. Hondakinen analisia, eduki teorikoak, gelako praktikak eta hiru laborategi-praktika batzen dituena.



1. laborategiko praktika: Nekazaritzako hondakin baten laginketa eta ezaugarritzeko egokitzapena.

2. laborategiko praktika: Hondakin birziklaezin baten karakterizazioa, berreskuratutako erregai solido gisa erabiltzeko.

3. laborategiko praktika: Industria-hondakin baten betetze-probak hondakindegian onartzeko.

4. laborategiko praktika: Hondakin likidoetan HP3 arriskugarritasunaren ezaugarria (sukoia) zehaztea.

Arlo tematiko bakoitzaren barruan, ikasleen gaitasunak bermatzeko metodologia ezberdinak erabiliko dira, besteak beste, irakasleek ahozko azalpenak ematea, kasu praktikoak egitea, ariketak eta problemak ebaztea, edota laborategiko praktikak. Landutako gaiak une oro eztabaidatuko dira, analisi kritikoa sustatuz.



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

Hondakinen Laginketa eta Analisia irakasgaiak ebaluazio jarraituko sistema bati jarraitzen dio, non funtsezko pisua, amaierako notari dagokionez, ikasleek lauhilekoan zehar entregatu/gainditu behar dituzten entregagaietan edo ebaluazio-probetan baitago. Horrez gain, banakako test motako ebaluazio froga bat ere badago, irakasgaiaren azterketa ofizialerako gordetako egunean. Amaierako nota honela kalkulatuko da:



Amaierako nota: 0.3xentregagai1 + 0.3xentregagai2 + 0.3entregagai3 + 0.1test motako froga



Irakasgaia gainditzeko 5.0 lortu behar da formula honen emaitzan eta gutxienez 4.0 test motako frogan.



Etengabeko ebaluazioari uko eginez gero: Ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, lauhilekoko lehenengo bederatzi asteko epea izango du. Ebaluazio jarraituari uko egingo dioten ikasleak azterketa ofizialerako gordetako egunean gaitasun hauetaz test motako froga handituaren eta ahozko azterketaren bidez ebaluatuko dira.

Irakaslegoak eskuragarri utziko du, e-gela plataforman, irakasgai honetan derrigorrez erabili beharreko materiala.

Oinarrizko bibliografia

- Hondakinen laginketa eta analisiari buruzko UNE arau teknikoak, "Hondakinen karakterizazioa" eta "Berreskuratutako erregai solidoak" bildumen parte direnak.

- Guía metodológica para la elaboración de estudios de composición de residuos. Asociación Nacional de Empresas Públicas de Medio Ambiente (2020).

- Guía técnica para la clasificación de los residuos. Ministerio para la Transición Ecológica y el Reto Demográfico del Gobierno de España (2020).

Gehiago sakontzeko bibliografia

- Handbook on Characterization of Biomass, Biowaste and Related By-products. Springer (2020).
- Diseño de una metodología para el control de calidad de los rechazos producidos en las plantas de tratamiento mecánico-biológico de residuos sólidos urbanos. Doktorego-tesia (2019).

Aldizkariak

- Waste Management
- Resources, Conservation and Recycling
- Journal of Hazardous Materials
- Journal of Cleaner Production
- Journal of the Total Environment
- RETEMA, Revista Técnica de Medio Ambiente