Zirkuitu elektrikoen printzipioak. Korronte zuzena, korronte alternoa. Makina elektrikoen printzipioen ezaguera eta erabilera.



Behe Tentsioko instalazio elektrikoen oinarrizko ezaguera eta bere Araudiaren erabilera. Makina Elektrikoen analisia (motor eta transformadore) eta bere aplikazioak.



Zirkuitu elektrikoen oinarrizko teoria ezagutu eta energia elektrikoaren arloan ematen diren problemetan gauzatu eta aplikatu.



Zirkuitu, instalazio eta makina elektrikoen kontzeptu eta terminologia menperatu eta era egokian transmititu, bai idatziz, bai ahoz.



Irakasgai hau ikastearen aldeko jarrera adierazi, kontzeptu berrien azalpenetan parte hartuz.



Ahalmenak eta muntaketa elektriko desberdinak egiteko ezaguerak taldeetan landu, arreta eta erantzukizunarekin.

Zirkuitu elektrikoen blokea:

Zirkuituen teoria. Aldagai elektrikoak eta oinarrizko legeak. Korronte zuzeneko zirkuituak. Korronte alternoko zirkuituak. Harmonikoak. Sistema trifasikoak.



Instalazio elektrikoen blokea:

Potentzia-sistema elektrikoa. Behe-tentsioko instalazioak. Babesgailuak.



Makina elektrikoen blokea:

Elektromagnetismoaren oinarriak. Makina elektrikoen ezaugarri orokorrak. Transformadoreak. Eraikuntza-alderdiak. Potentzia-galerak, errendimendua, tentsio-erorketa. Makina asinkronoak. Eraikuntza-alderdiak. Potentzien balantzea. Indar-parea. Abioa eta abiaduraren kontrola. Sorgailu gisako funtzionamendua. Makina sinkronoak. Eraikuntza-alderdiak. Sorgailu gisa eta motor gisako funtzionamenduak.

Irakasgaia irakasleen azalpenen bitartez ematen da. Teoria azalduko da eta ariketak ebatziko dira, gai-zerrenda eta gomendatuko bibliografia jarraituz.

Teoriako klaseetan, programatutako gaien oinarri teorikoak azaldu eta garatuko dira. Azalpen teorikoak osatuko dira ikasleen analisi kritikoa, eztabaida eta parte-hartzea bultzatzen diren jarduerekin.

Ikasleak ebatziko ditu, bakarka zein taldeka, jorratutako gaiei buruzko problemak.

Laborategiko praktiketan, ikasleak muntaketa elektrikoak egingo ditu eta dagokion fitxa osatu eta entregatuko du, eskatzen diren kalkulu eta ondorioekin.

Ikasleak, bere kabuz, proposatutako ariketak ebazteko eta kontzeptuak asimilatzeko ikasi beharko du.

Ikasleak, eGela gela birtualean, apunteak, egutegia, erreferentziak, ariketak eta laborategiko praktikei buruzko informazioa eskuragarri izango ditu.

Irakasleak prest egongo dira edozein argibidetarako tutoretza-ordutegietan.

Ebaluazio jarraituaren sisteman, ebaluazioa lau bloketan banatuta dago:



1º. Zirkuitu elektrikoak. Azken kalifikazioaren % 35.

2º. Instalazio elektrikoak. Azken kalifikazioaren % 20.



3º. Makina elektrikoak. Azken kalifikazioaren % 20.

4º. Laborategiko praktikak. Azken kalifikazioaren % 25.





Kalifikazio-bloke bakoitza gutxienez 5eko kalifikazioarekin gaindituko du ikasleak. Ebaluazio jarraitua gainditzeko bloke guztiak gainditu behar dira, eta, orduan, nota lau kalifikazio-blokeen batezbesteko haztatua izango da. Horrela ez bada, ikaslea suspendituta egongo da eta nota gainditzeke dauden blokeen batezbesteko haztatua izango da.



Ebaluazio jarraituari uko egitea:

Ikasleak eskubidea izango du azken ebaluazioaren bidez ebaluatua izateko, ebaluazio jarraituan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, 18 asteko epea izango du, ikasturtea hasten denetik kontatzen hasita.

Eskaera hori egiteak ebaluazio jarraituaren ekintzetan pilatutako puntuak galtzea dakar.



Azken ebaluazioa:

Azken ebaluazioa ikasturtearen materiaren %100ren gainean egiteko proba bakar batean datza, goian deskribaturiko lau blokeetan banatuta.

Azken ebaluazioa gainditzeko lau blokeetako batezbesteko haztatua gutxienez 5 izan behar du. Batezbesteko haztatu hori egiteko beharrezkoa da bloke guztietan 3,5-eko nota, gutxienez, lortzea. Horrela ez bada, ikaslea suspendituta egongo da eta nota gainditzeke dauden blokeen batezbesteko haztatua izango da.

Laborategiko praktiken blokea gainditzeko ikasleak laborategiko proba bat egin beharko du.



Deialdiari uko egitea

Ohiko deialdiaren azterketaren data ofizialera ez aurkezteak deialdira uko egite automatikoa dakar eta kalifikazioa "ez aurkeztua" izango da.

Dokumentazioa eGela plataforma birtualean eskuragarri egongo da.

Oinarrizko bibliografia

Apunteak eta ariketen bildumak, eGelan eskuragarri.



Circuitos eléctricos. J.Edminister Mc Graw-Hill



Circuitos eléctricos. C.Hubert. Mc Graw-Hill



Máquinas eléctricas. Jesús Fraile Mora. McGraw-hill, 2004



Máquinas eléctricas. Chapman. McGraw-hill, 1993



Instalaciones Eléctricas de Baja Tensión. Thomson.Narciso Moreno y Ramón Cano

Gehiago sakontzeko bibliografia

Problemas de electrotecnia. J.Fraile Mora. ETSIT

Teoría de Circuitos Ras. Marcombo

Teoría de Circuitos V.Parra UNED

Teoría General de Máquinas Eléctricas. M. Cortes Cherta, J. Corrales Martín. A. Enseñat Badia, UNED Maquinas eléctricas. Análisis y diseño aplicando Matlab. J.J. Cathey. McGraw-hill, 2003