Irakasgai honek titulazioaren honako gaitasun orokor indartzea du helburu:



G003. Ezagutzak edukitzea oinarrizko gaietan eta gai teknologikoetan, metodo eta teoria berriak ikasteko eta egoera berrietara egokitzeko gaitasuna garatzeko.



G004: Arazoak ekimenez ebazteko, erabakiak hartzeko eta sormenerako gaitasuna, ezagutzak eta trebetasunak komunikatzeko eta helarazteko gaitasuna ere, industria ingeniariaren jarduera profesionala eta erantzukizun etikoa kontuan hartuta.



Irakasgaia biltzen duen moduluko (M02 Industria Adarreko Moduluarekin Bateratua) gaitasun berariazkoa:



M02R4: Zirkuitu eta makina elektrikoen teoria printzipioen ezagutza eta erabilera.

Horrela, ikasleek ondorengo gaitasunak bereganatuko dituzte:



C1: Zirkuitu elektrikoekin lotutako kontzeptu eta lengoaia zehaztasunez menperatzea eta erabiltzea.



C2: Zirkuitu elektrikoen erregimen iraunkorreko erantzuna aztertzeko erabiltzen diren lege, kontzeptu eta metodoak ulertu, aplikatu eta erlazionatzea.



C3: Problemen datuak egoki ulertzeko gai izatea, hauek erabilita egoeraren azterketa egokia egin ahal izateko.



C4: Proposatuko zirkuituaren azterketa egiteko metodo egokiaren aukeraketa egitea.



C5: Aztertzen ari diren aldagaien kalkulu zehatz eta egokia eta soluzio egokia lortzea.



C6: Lortutako emaitzak magnitude-ordena egokian izatea eta unitate egokiekin adieraztea.

IKASGAI-ZERRENDA



1. Gaia: Zirkuitu-teoriako hastapenak.

2. Gaia: Zirkuitu monofasikoen analisia erregimen iraunkorrean.

3. Gaia: Zirkuitu-teoriako teoremak.

4. Gaia: Zirkuituak ebazteko metodo topologiko orokorrak.

5. Gaia: Zirkuitu trifasikoen analisia erregimen iraunkorrean.

6. Gaia: Egoera iragankorreko zirkuituen analisia.



LABORATEGIKO PRAKTIKAK



Irakasgaiaren inguruko kontzeptuak lantzeko lau saio praktiko burutuko dira laborategian.

Irakaskuntza-metodoa lau ardatzetan oinarritzen da:



1.- Astean zehar landuko diren kontzeptuak azaltzeko astero klase magistral bat izango da. Kontzeptu horiek klasean bertan landuko dira baliabide ezberdinez (arbela, gardenkiak, etab.) lagunduta. Ikasleak bere esku utzi diren baliabideak osotu beharko ditu klasean emandako argibide zehatzekin.



2.- Astero gelako praktikak lantzeko klase bat izango da. Horretan, irakasleak klase magistraleko kontzeptuak lantzen dituzten ariketak egin eta azalduko ditu. Irakasleak problemak ebazteko erabilitako arrazonamendu analitiko eta deduktiboak kontutan izanik, ikasleak landutako lege, kontzeptu eta metodo ezberdinak elkar erlazionatzeko bidea eraikiko du. Era berean, hizkera teknikoa (fasoreak, unitateak, polaritateak, aldagaiak, etab.) era zehatz eta egokian garatuko du. Guzti horri esker, mintegietan proposatuko diren ariketa berriak ebazteko baliabideak jasoko ditu ikasleak.



3.- Mintegien bidez, ikasleak talde txikietan antolatuta, klase magistral eta praktikoetan azaldutako kontzeptuak landu eta zabaltzeko proposatuko ariketak ebatziko dituzte. Irakasleak ikasleak gidatuko ditu eta klasearen bilakaera erritmo egokian ematen den bermatuko du.



4.- Mintegiak ez dauden asteetan zehar laborategi-saioak izango dira. Saio hauetan zirkuitu elektrikoen muntaia fisikoak egingo dira, ikasitako kontzeptuak ingurune errealean landuz. Zirkuitu hauetan erabiliko diren elementu elektriko ezberdinei (iturriak, kargak, konexioak, neurgailuak, etab.) esker, teorikoki ikasitako ideiak era praktikoan egiaztatuko dira. Gainera, egin beharreko txostenei esker, kalkuluak egin, emaitza fisiko eta teorikoak alderatu eta txosten tekniko zehatz eta egokiak idaztea bultzatuko da.



Bukatzeko, gela birtualean ikasleak eskura izango ditu irakasgaia gauzatzeko eta autoikaskuntza sustatzeko material ezberdinak (klasean erabiltzeko materiala, ariketa sortak, beste urteetako azterketak, etab.) eta, gainontzeko ikasle eta irakaslearekin elkarrekintza egiteko foroak. Jarduera presentzial eta ez presentzial horietan sortutako zalantzak tutoretzetan argitzeko aukera izango du ikasleak.

EBALUAZIO JARRAITUAREN SISTEMA



Ebaluazio-sistema hau hiru bloketan banatuta dago:



A Blokea

Proba baten bidez ikasleak ikasitako ezaguerak frogatu beharko ditu. Bloke honek %70eko pisua du eta deialdiko proban ebaluatuko da.



B blokea

Ikasleak taldean edo banaka, problemak ebatzi beharko ditu ikasitako ezagutzak frogatuz. Bloke honek %20ko pisua dauka eta mintegiko saio bakoitzean ebaluatuko da.



C Blokea

Ikasleak, muntaia errealak eginez eta teorikoki ikasitako kontzeptuak alderatuz, ezagutzak praktikan jarri eta frogatu beharko ditu. Bloke honek %10ko pisua dauka eta laborategi-saio bakoitzean ebaluatuko da. Ebaluazioa taldeka edo bakarka izan daiteke eta idatzizko txostenen bidez edota bestelako proben bidez egingo da.



Sistema honen bidez irakasgaia gainditzeko, ikasleak beharrezko ezaguerak lortu dituela frogatu beharko du batetik blokeetako bakoitzean (A Blokea, B Blokea eta C Blokea) gutxienez %40eko nota lortuz eta bestetik bloke bakoitzaren pisu ezberdina kontuan izanik, hiru blokeen arteko batezbesteko nota haztatua %50 izan beharko da gutxienez. Blokeetako batean %40 lortzen ez duten ikasleen nota finala 4 (10 puntutatik) izango da gehienez.



Bloke hauetako notarik batere ez da aurreko urteetako notarekin baliozkotuko.



AZKEN EBALUAZIOAREN SISTEMA



Ikasleak lauhilekoaren 10. astea baino lehen eskatzen baldin badu, aukera dauka azken ebaluazio sistema hautatzeko. Ebaluazio-sistema honek bi bloke ditu:



D Blokea

Proba baten bidez ikasleak ikasitako ezaguerak frogatu beharko ditu. Bloke honek %90eko pisua du eta deialdiko proban ebaluatuko da.



E Blokea

Proba baten bidez ikasleak laborategian ikasitako ezaguerak frogatu beharko ditu. Bloke honek %10eko pisua du eta deialdiko proban ebaluatuko da.



Sistema honen bidez irakasgaia gainditzeko, ikasleak beharrezko ezaguerak lortu dituela frogatu beharko du batetik bloke bakoitzean (D Blokea, E Blokea) %50eko nota lortuz eta bestetik bloke bakoitzaren pisu ezberdina kontuan izanik, bi blokeen arteko batezbesteko haztatua %50 izan beharko da gutxienez.



Bi blokeetako batean nota minimoa lortzen ez duten ikasleen nota finala 4 (10 puntutatik) izango da gehienez.



Bi ebaluazio sistemetan, deialdiari uko egiteko nahikoa da ohiko deialdi ofizialeko probetako batera ere ez aurkeztea.

Plataforma birtualetan argitaraturiko materialak

Oinarrizko bibliografia

(euskaraz)

Sanjurjo Navarro, R.,"Zirkuitu elektrikoen teoria", EHUko Argitalpen Zerbitzua, 2005

ISBN: 84-8373-820-1



(gazteleraz)

Fraile Mora, J., "Circuitos Eléctricos", Prentice-Hall, Madril. 2012. ISBN: 9788483227954



(ingelesez)

Alexander C. and Sadiku M., Fundamentals of Electric Circuits (4/e), McGraw-Hill 2008

(in basque)

Gehiago sakontzeko bibliografia

(euskaraz)
Arbelaitz, O. eta Ruiz T., "Zirkuitu elektriko eta elektronikoen oinarrizko analisia", UEU, 2001, ISBN: 84-8438-018-1.

(gazteleraz)
Bruce Carlson, A., "Teoría de Circuitos", Ed. THOMSON, 2002, ISBN: 84-9732-066-2.
Charles K. Alexander, Matthew N. O. Sadiku, Fundamentos de circuitos eléctricos, 5/e, McGraw-Hill Interamericana de España S.L., 2013, ISBN-13: 978-607-15-0948-2
Conejo Navarro, A.J. et al., Circuitos Eléctricos para la ingeniería, McGraw Hill, 2004, ISBN:84-481-4179-2, 405 páginas
Dorf R.C. y Svoboda J. A., "Circuitos eléctricos. Introducción al análisis y diseño", 3ª ed., Marcombo, 2000, ISBN: 8426712711.
Hayt W., Kemmerly J., Durbin S., Análisis de circuitos en ingeniería, 8ª ed., McGraw-Hill Interamericana de España S.L., 2012, ISBN-13: 978-6071508027
López Ferreras, F., Análisis de Circuitos Lineales. Vol. I y II, 2ª ed., Ed. Ciencia 3, Madrid, 1994, ISBN: 849539183X, 392 páginas
Madrigal, R.I., "Teoría Moderna de Circuitos Eléctricos", Ed. Pirámide. 1977.
Parra Prieto, V. et al., Teoría de Circuitos. (V 1 y 2), 7e., UNED., Madrid, 1997, ISBN: 843621949X, 1116 Páginas
Thomas L. Floyd, Principios de circuitos eléctricos, 8e., Prentice Hall, 2007, ISBN-13: 978-970-26-0967-4
Thomas, R.E., Rosa, A.J., Circuitos y Señales: Introducción a los Circuitos Lineales y de Acoplamiento, Ed. Reverté. 1991.

(ingelesez)
Alexander C. and Sadiku M., Fundamentals of Electric Circuits (4e), McGraw-Hill 2008
Bird, J., Electrical circuit theory and technology (4e), Newnes 2010
DeCarlo R. and Lin P., Linear Circuit Analysis, OUP 2001
Desoer C. and Kuh E., Basic Circuit Theory, McGraw-Hill 1969
Guillemin, E. A., Introductory circuit theory, John Wiley & Sons 1953
Kuphaldt T., Lessons in electric circuits, 2010
Mayergoyz and Lawson, Basic Electric Circuit Theory, AP 1997
Nilsson and Riedel, Electric Circuits (8e), Pearson 2008
Van Valkenburg, M. E, Network analysis, Prentice Hall Electrical Engineering Series 1964

Aldizkariak

IEEE Transactions on Education (ieee-edusociety.org)
IEEE Transactions on industry Applications (ieeexplore.ieee.org)
IEEE Transactions on Circuits and Systems (www.ieee-cas.org)
International Journal of Circuit Theory and Applications
(www.Interscience.wiley.com/jpages/0098-9886)

(euskara)
Elhuyar aldizkaria (aldizkaria.elhuyar.eus)