CRI03 gaitasun espezifikoa: Zirkuituen teoria eta makina elektrikoen oinarriak ezagutzea eta erabiltzea.



CRI03 gaitasun espezifikoaren ikastearen emaitzak:



1.- Makina elektrikoko hastapenak ezagutzen ditu.



2.- Makina elektrikoko printzipioak ulertzen ditu eta makina elektrikoko ariketen analisian aplikatzeko trebetasuna du.



3.- Makina elektrikoen analisiei dagozkien metodo analitiko eta teknikoen bidez makina elektrikoak dituzten sistemen portaera identifikatu, sailkatu eta deskribatzeko trebetasuna du.



4.- Makina elektrikoak aukeratzean erabiltzailearen beharrak ulertzen ditu.



5.- Derrigorrezko konplimenduko prebentzio eta segurtasun araudiak kontuan hartuz, makina elektrikoko laborategiari dagozkien tresnak zuzenki erabiltzen ditu.



6.- Neurketa esperimentalaren edo simulazioaren oinarrizko metodoak zuzen erabiltzen ditu eta makina elektrikoko printzipioekin erlazionatuz, lortutako datuak aurkeztu eta interpretatzen ditu.



G011 Zeharkako gaitasuna: Etengabeko prestakuntza edota ondorengo ikasketak egiteko beharrezkoak diren ikaskuntza-abileziak (giza eskubideen eta pertsona guztien aukera-berdintasunaren errespetuan oinarrituak) autonomia-maila handiarekin garatzea.



Zeharkako gaitasunaren ikastearen emaitzak:



7. Informazio-iturri fidagarrietan bilaketak eginez ikasketa autonomoa egiten du

1. gaia.- Makina elektrikoen hastapenak.

Gai honetan, elektromagnetismoaren oinarrizko legeak, makina elektrikoen funtsezko elementuak, potentzia izendatua, errendimendua, sailkapen orokorra eta horren analisi kualitatiboa deskribatuko dizkigute.



2. gaia.- Transformadore monofasikoak eta trifasikoak.

Gai honetan, transformadoreen funtzionamendua, saiakuntzak, zirkuitu baliokidea, erabilera, transformadore monofasiko eta trifasikoen analisia eta transformadoreen paralelo-konexioa landuko ditugu.



3. gaia.- Motor eta sorgailu asinkronoak.

Gai honetan, makina asinkronikoen osaera, funtsezko ezaugarriak, saiakuntzak eta zirkuitu baliokideak (motor eta sorgailu moduan) aztertuko ditugu.



4. gaia.- Bitan elikatutako motor eta sorgailu asinkronoak.

Gai honetan, bitan elikatutako motor eta sorgailu asinkronoaren portaera landuko dugu (aerosorgailuetan erabiltzen da).



5. gaia.- Motor eta sorgailu sinkronoak.

Gai honetan, makina sinkronikoen osaera, funtsezko ezaugarriak, saiakuntzak eta zirkuitu baliokideak (motor eta sorgailu moduan) aztertuko ditugu.



6. gaia.- Korronte zuzeneko makinak eta makina bereziak.

korronte zuzeneko makinen osaera, ezaugarriak, aplikazioak eta zirkuitu baliokideak aztertuko ditugu, motor eta sorgailu moduan. Brushless motorra.





Praktikak:



1. Praktika.- Transformdore monofasikoaren hutseko saiakuntza eta zirkuitulaburreko saiakuntza. Zirkuitu baliokidearen lorpena.



2. Praktika.- Transformdore trifasikoaren hutseko saiakuntza eta zirkuitulaburreko saiakuntza. Zirkuitu baliokidearen lorpena.



3. Praktika.- Motor asinkrono trifasikoaren (funtzio anitzeko makina)errotore askeko eta errotore blokeatuko saiakuntza. Zirkuitu baliokidearen lorpena.



4. Praktika.- Zirkuitu baliokidea eta saiakuntza-bankuaren bitartez, errotore harilkatua duen Motor Asinkrono trifasikoaren azterketa analitikoa.



5. Praktika.- Sorgailu Sinkrono trifasikoaren (alternadore trifasikoa) ezaugarri-kurbak.



6. Praktika.- Sorgailu Sinkrono trifasikoaren eta sare elektrikoaren sinkronizazioa.

TEORIA-KLASEAK:



Teoria-klaseak irakasleak irakasgaiaren apunte teorikoen edukia azaltzen duen irakaspen hitzaldiak dira. Gai bakoitzean 3 edo 4 ordu eskaintzen dira batez beste.



PROBLEMA-KLASEAK:



Makina elektrikoekin erlazionaturiko kalkulu praktikoen problemak ebatziko dira. Hauetako batzuk irakasleak egingo dituen problemak izango dira. Beste batzuk, irakaslearen laguntzarekin ikasleak egingo dituen proposaturiko problemak izango dira. Gai bakoitzean 4 edo 5 ordu eskaintzen dira batez beste.



LABORATEGI-PRAKTIKAK:



Makina elektrikoen laborategian praktika-saioak egingo dira. Praktika hauetan, makina elektrikoetan egindako neurketak klasean azaldutako eredu teorikoekin alderatuko dira eta bera funtzionamendua aztertuko da. 2 orduko 7 saio egingo dira.

ETENGABEKO EBALUAZIOKO SISTEMA



Kalifikazioko tresnak:



- Azterketa idatzia: Bukaerako notaren % 70 balio du. Gutxienez 10etik 4 atera behar da.



- Laborategi-praktikak: Bere balioa % 15ekoa izango da amaierako notan. Irakasgaia gainditzeko, derrigorrezkoa da laborategiko saio guztietara agertzea. Gutxieneko nota 10etik 5 izan beharko da.



- Entregagaiak: Bere balioa % 15ekoa izango da amaierako notan. Entregagaiak ebatzi beharreko kalkulu-ariketak izango dira.





AZKEN EBALUAZIOKO SISTEMA



Graduko Titulazio Ofizialetako Ikasleen Ebaluaziorako Arautegiaren 8. artikuluaren arabera, ikasleek eskubidea izango dute azken ebaluazio bidez ebaluatuak izateko. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du lauhilekoa hasten denetik kontatzen hasita. Azken ebaluazioak proba baten bitartez ebaluatzen ditu ikaskuntzaren emaitzak. Proba hori azterketa idatzi batek (notaren % 85) eta laborategi praktiken ebaluaziorako jarduera batek (notaren % 15) osatzen dute. Derrigorrezkoa da azterketa eta jarduera bakoitzean gutxienez 10etik 5 lortzea. Proba azterketa aldi ofizialean egingo da.





UKO EGITEA



Graduko Titulazio Ofizialetako Ikasleen Ebaluaziorako Arautegiaren 12. artikuluaren arabera, etengabeko ebaluazioaren kasuan, deialdiari uko egin nahi dioten ikasleek horretarako aukera izango dute. Irakasgaiaren irakaskuntza aldia bukatu baino hilabete bat lehenago edo aurretik egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari.



Azken ebaluazioaren kasuan, azterketa egun ofizialean egin beharreko probara ez aurkezte hutsak ekarriko du automatikoki deialdiari uko egitea.



Deialdiari uko egiten dioten ikasleek «aurkezteke» kalifikazioa jasoko dute.

Apunteak, ariketak eta laborategi-praktikak eGela-ren bitartez.

Oinarrizko bibliografia

"Makina Elektrikoak. Oinarrizko kontzeptuak eta aplikazio-ariketak". J. Mazon, J.F. Miñambres, M.A. Zorrozua, G. Buigues, V. Valverde.

"Makina Elektrikoak". M.A. Zorrozua, J.F. Miñambres, A.J. Mazón, I. Zamora.

"Máquinas Eléctricas". J. Fraile.

"Máquinas Eléctricas". S.J. Chapman.

"Máquinas Eléctricas y Sistemas de Potencia". T. Wildi

Gehiago sakontzeko bibliografia

"Máquinas Eléctricas y Sistemas de Potencia". T. Wildi

Aldizkariak

Ingeniería Energética.