Helburua:

Ikasleak oinarrizko ezagutza, arautegia, aukeraketa irizpide, etab.ekin hornitu, erdi eta behe tentsioko instalazioen proiektuei zailtasunik gabe ekin ahal izateko.



Gaitasunak:

Behe tentsio eta tentsio ertaineko instalazioen berezko elementuak ezagutu, eta zehazki deskribatzen eta erabiltzen jakitea.



Behe tentsio eta tentsio ertaineko instalazioen berezko terminoak ezagutzea, ulertzea eta ahoz zein idatziz zehaztasunarekin deskribatzea, hala nola instalazio elektrikoen kalkulu eta diseinuan aplikatzekoak diren arau, araudi, gomendio eta abar badaudela jakitea eta zehaztasunez aplikatzea.



Behe tentsio eta tentsio ertaineko instalazio elektrikoak erabaki egokia hartuta zehaztasunez diseinatzea, eta arazo tekniko zein ekonomikoei erantzuna emanez zehaztapeneko kalkuluak egiten jakitea. Egindako diseinu eta kalkuluak komunikatzeko, eztabaidatzeko eta horiei argi eusteko gaitasuna izatea.



Instalazio elektrikoen berezko arazoak era kritiko baten aztertu eta eztabaidatzeko gaitasuna izatea, egokiak diren konponbideak planteatuz.



Neurketak egin, horiek aztertu eta eztabaidatu ondoren, beharrezkoak diren kalkuluen analisia egin eta gero, era zehatz batean dagokion txostena edo bideragarritasun azterlana igortzeko gaitasuna izatea.

1. Gaia. Sarrera. Sistema elektrikoa, gai orokorrak, arautegia, zenbaki normalak, grafikentzako paper pautatuak



2. Gaia. Eroale elektrikoak eta eroanbideak. Motak. Izendapena. Eroanbideak. Beren sekzioaren kalkulua.



3. Gaia. Behe tentsioko instalazioen babesa. Babes-gailuak, behe tentsioko lurren oinarrizko kontzeptuak.



4. Gaia. Behe tentsioko instalazioak. Lotura-instalazioak, eskemak, babes-kutxa orokorra, elikadura linea nagusia, banakako deribazioak, kontagailuak, aginte eta babes tresnak.



5. Gaia. Barne instalazioak, betebehar bereziak, adibideak.



6. Gaia. Etxebizitzetako barne instalazioak, elektrifikazio mailak, zirkuitu kopurua, adibideak.



7. Gaia. Argiztapena. Sarrera, argi-magnitudeak, lanparak, luminariak, fotometria, barne -argiztapena.



8. Gaia. Kanpo-argiztapen instalazioak.



9. Gaia. Publikoarentzat irekitako lokaletako instalazioak. Sarrera, betebehar bereziak, larrialdiko argiztapena.



10. Gaia. Sute edo eztanda arriskupeko lokaletako instalazioak, kokalekuen sailkapena, babes motak, baldintza bereziak.



11. Gaia. Neutroaren banaketa, neutroaren banaketa ezberdinen funtzionamendua.



12. Gaia. Lurrera-jartze instalazioak tentsio ertainean, lur-jartzearen elementuak, lurzoruaren jokabidea eroale moduan, lurzoruaren erresistibitatearen neurketa, urrats- eta kontaktu-tentsioak, kalkulu-metodoak. Lurrera jartzearen erresistentziaren eta urrats- eta kontaktu- tentsioen neurketa.



13. Gaia. Transformazio zentroak, sailkapena, osagaiak, eta eskema elektrikoak.



14. Gaia. Korrontea-etetea, korrontea eteteko teknikak.



15. Gaia. Zirkuitulabur trifasikoen kalkulua.



LABORATEGIKO PRAKTIKAK



1. PRAKTIKA: Eskolako transformazio zentrora ikustaldia eta sakoneko azterketa.

2. PRAKTIKA: Saikuntzen bidezko isolamendu baten zurruntasun-dielektrikoa eta erresistentziaren neurketa.

3. PRAKTIKA: Tresneria elektrikoa. Etengailu magnetotermiko eta diferentzialen saiakuntzak.

4. PRAKTIKA: Saiakuntza bidezko lur-sistemen erresistentzien neurketak.

5. PRAKTIKA: Argikuntza.





ORDENAGAILUKO PRAKTIKAK

Larrialdiko argikuntza (Daisalux)

Transformazio zentro baten proiektua (Amikit)

Argikuntza (Dialux)

Behe tentsioko instalazio elektriko industriala (ABBdoc)

KLASE MAGISTRALAK: gardenkiak erabiliz gaitegiaren garapena egingo da.

LABORATEGIKO PRAKTIKAK: ikasgaiko temarioa tinkotzeko, hainbat laborategiko praktika garatuko dira.

ORDENAGAILUKO PRAKTIKAK: Proiektuetan oinarrituriko metodología erabiliko da gidaritzapeko lanak eta entregagarriak egiteko, ordenagailuko programa komertzialak erabiliz.

Etengabeko ebaluazio sistema erabiliko da, azterketa data ofizialean egingo den teoria eta problemen proba osagarri batez. Etengabeko ebaluazioa kurtsoan zehar egingo dira lan eta aktibitateez ezarriko da, hauexek dira kalifikatuko direnak: laborategiko praktiketako txostenak, entregatzekoak diren lanak eta gidaritzapekoak (proiektuak edo/eta txosten-teknikoak).



Laborategiko txostenak: a) banakako txosten bat aurkeztu beharko da paperean edo egela bidez (irakasleak esango dizue) egindako praktika bakoitzeko, ikasturtearen hasieran argitaratuko den txantiloiaren arabera, eta b) laborategiko praktika baten ahozko defentsa lauhilekoan egindako praktiken artean. Landa praktikak eginez gero, praktika bakoitzeko txosten bat egin beharko da. Landa praktika batek notan edukiko duen haztapena eta laborategiko praktika batek edukiko duena berdina izango da.



Gidaritzapeko lana eta entregatzeko lanak: Hiruko taldeak lehenetsiko dira. Gidaritzapeko lanak zein entregatzeko lanak hedapen maila ezberdineko behe tentsio edo tentsio ertaineko proiektuak edo/eta txosten-teknikoak izango dira.



Ebaluaketa prozesua teoria eta ariketen azterketa batekin osatzen da.



Haztapena (ponderazioa):

Laborategia % 10

Gidaritzapeko lana eta entregatzekoak: % 30

Teoria eta ariketen azterketa % 60



Ikasgaia gainditzeko nahitaezkoa da: a) Praktiketara joatea; b) Praktiken txostenen defentsa gainditua izatea; c) Gidaritzapeko eta entregatzeko lanetan beren balioaren % 45a edukitzea behintzat; d) Teoria eta problemen azterketaren balioaren % 45a izatea behintzat.

Ebaluazio prozesu ofiziala teoria eta ariketen azterketara edo laborategiko defentsara aurkezterakoan hasiko da.



AZKEN EBALUAZIOA:

Graduko titulazioen ebaluaziorako araudian agintzen den prozedura jarraituz eskaria egiten duten ikasleek azken ebaluazioaren prozedura jarraitu ahal izango dute. Azken ebaluazio horrek proba hauexek edukiko ditu: laborategiko azterketa praktikoa (% 10), teoria eta problemetako azterketa idatzia (% 60) eta azterketa egunaren aurretik egindako proiektu baten defentsa (% 30). Proiektu horren hedadura eta edukia ikasgaiko irakasleak finkatuko du azterketa data baino hilabete bat lehenago behintzat. Ikasgaia gainditzeko nahitaezkoa da proba bakoitzean bere balioaren % 45a behintzat edukitzea.

Behe tentsioko erregelamendu elektroteknikoa, Zientzia eta Teknologia Ministerioa;(Benilde Buenoren komentatutako edizioa gomendatzen da Marcombo)

UNE-HD 60364-5-52:2014 Behe-tentsioko instalazio elektrikoak 5. Atala: Tresna elektrikoen aukeraketa eta instalazioa. Eroanbideak.

Goi-tentsioko instalazio elektrikoen baldintza teknikoei eta segurtasun-bermeei buruzko erregelamendua eta haren jarribide tekniko osagarriak JTO-GTE (01etik 23ra)

Ikasgaiko gaiak gardenkietan (egelan)

Oinarrizko bibliografia

Behe tentsioko erregelamendu elektroteknikoa, Zientzia eta Teknologia Ministerioa.

Goi-tentsioko instalazio elektrikoen baldintza teknikoei eta segurtasun- bermeei buruzko erregelamendua eta haren jarribide tekniko osagarriak JTO-GTE 01etik 23ra.

UNE-HD 60346-5-52:2014 Behe-tentsioko instalazio elektrikoak 5. Atala: Tresna elektrikoen aukeraketa eta instalazioa. Eroanbideak.

A.J. Cornejo, Instalazio Elektrikoak, EHUko Argitalpen Zerbitzuak.

A. Colmenar, Instalaciones Eléctricas de baja tensión: diseño, cálculo, dirección, seguridad, Ra-ma.

J. García, Instalaciones eléctricas en media y baja tensión, Paraninfo.

A. Lagunas, Instalaciones eléctricas de baja tensión en edificios de viviendas, Thomson.

A. Lagunas, Instalaciones eléctricas de baja tensión comerciales e industriales, Thomson.

J. Ramírez, Sistemas de iluminación. Proyectos de alumbrado, Ceac.

E. Carrasco, El libro de las instalaciones eléctricas de baja tensión en edificios de viviendas, Tébar.

E. Harper, Elementos de diseño de subestaciones eléctricas, Limusa.

N. Moreno y R. Cano, Instalaciones eléctricas de baja tensión, Paraninfo

Gehiago sakontzeko bibliografia

J. L. Sanz Serrano, Instalaciones eléctricas. Soluciones a problemas en baja y alta tensión, Paraninfo.
J. I. Urraca, Tratado de alumbrado publico, Donostiarra, S.A.
J. Ramírez, Luminotecnia, Ceac.
G. Zoppetti, Estaciones transformadoras y de distribución, Gustavo Gili.
G. Castelfranchi, Instalaciones eléctricas, Gustavo Gili.
D. Carmona, Manual de instalaciones eléctricas, becedario.
J. Roldan, Mantenimiento de instalaciones eléctricas, Creaciones Copyright, S.L.
Guía de diseño de instalaciones electricas según normas internacionales CEI, Schneider Electric España, S.A.
D. Cramona, Cálculo de instalaciones y sistemas eléctricos. Proyectos a través de supuestos prácticos (tomo II), Ediatec, S.L.

Aldizkariak

Electra. Revista Técnica de Innovación Eléctrica.
Metalurgia y electricidad.
Técnica Industrial (Digital)
Elektor (Digital)