- Makina elektrikoen printzipioak ezagutzea eta erabiltzea.

- Makina elektrikoekin lotutako kontzeptu eta lengoaia zehaztasunez menperatzea eta erabiltzea.

- Makina elektrikoak aztertzeko erabiltzen diren lege, kontzeptu eta metodoak ulertzea, aplikatzea eta erlazionatzea.

- Problemen datuak egoki ulertzeko gai izatea, hauek erabilita egoeraren azterketa egokia egin ahal izateko.

- Proposatuko makinen analisia egiteko metodo egokiaren aukeraketa egitea.

- Lortutako emaitzak magnitude-ordena egokian izatea eta unitate egokiekin adieraztea.

- Ezagutzak edukitzea oinarrizko gaietan eta gai teknologikoetan, metodo eta teoria berriak ikasteko eta egoera berrietara egokitzeko gaitasuna garatzeko.

- Arazoak ekimenez ebazteko, erabakiak hartzeko, sormena garatzeko eta arrazoibide kritikoa aplikatzeko gaitasuna.

- Ezagutzak eta trebetasunak komunikatzeko eta helarazteko gaitasuna, industria ingeniariaren jarduera profesionala, erantzukizun etikoa kontuan hartuta.

- Lan egin modu eraginkorrean eta elkarlanean, gaitasunak eta ezagutza integratuz, ingeniaritza arloan erabakiak hartzeko.

- Gizartean eta ingurumenean soluzio teknikoen eraginaz konturatzea

Hiru ataletan antolatuta dago irakasgaia:

1. Indukzio-makina edo makina asinkronoa.

2. Makina sinkronoa.

3. Eskuilarik gabeko (brushless) eta erreluktantziako makinak.



Eta horiei buruz gai hauek jorratuko ditugu:

- Oinarri elektromagnetikoak

- Eraikin-ezaugarriak

- Zirkuitu baliokidea

- Indar-parea eta potentzia

- Abioa

- Funtzionamendu iraunkorra

- Balaztaketa

- Kontrola

- Erabilera

- Maniobra eta babesa

Irakaskuntza-sistemak gela irauliaren metodologia du oinarri. Era horretan, ikasleek gelatik kanpo bideo, testu eta material didaktikoen bidez landuko dituzte kontzeptu teorikoak, eta eskoletan kontzeptu horiek talde-lanean aplikatuko dituzte. Jarduera gehienak, bai gelan, bai gelaz kanpo, lan-kooperatiboa lantzeko ekintzak izango dira.



Aplikazio-zeregin hauek egingo ditugu:

- Makinen maketekin esperimentazioa

- Kalkulu-ariketak

- Matlab, Simulink eta Simscape Power Systems-ekin zirkuituen simulazioak

- Makinekin laborategi-saiakuntzak

- Kontzeptu-mapak

- Termino-glosarioa

- Ohiko akatsen eta zalantzen zerrendak.

Atal bakoitzeko ebaluazio jarraitua proba hauen bidez egingo dugu:

- Astero banako galdetegiak

- Astero taldeka egindako ariketak, problemak eta simulazioak

- Taldekako bilduma-proiektua

- Proiektuaren aurkezpena.



Ebaluazio-ekintza bakoitzeko pisua hauek dira:

- Banako galdetegiak % 20

- Taldekako zereginak % 30

- Taldekako bilduma-proiektua % 20

- Proiektuaren aurkezpena % 30.



Atal gaindituetako nota mantenduko da hurrengo deialdian.



Ikasleak lauhilekoaren 10. astea baino lehen eskatzen baldin badu, aukera dauka azken ebaluazio sistema hautatzeko.



Ohiko deialdiaren probak ebaluazio jarraituaren egitura eta pisu berberak izango dituzte:

- Galdetegia % 20

- Ariketak eta simulazioak % 30

- Bilduma-ariketa % 30

- Bilduma-ariketaren aurkezpena % 20.



Atal gaindituetako nota mantenduko da hurrengo deialdian.



Deialdiari uko egiteko, nahikoa da ohiko deialdiaren proba ofizialetara ez aurkeztea.

Materialak eGela plataforma birtualean eskuragarri egongo dira.

Oinarrizko bibliografia

“Makina elektrikoak: oinarrizko kontzeptuak eta aplikazio-ariketak”, Javier Mazón ... [et al.]

Universidad del País Vasco, Bilbao, 2012.



“Máquinas eléctricas”, Jesús Fraile Mora

S.A. McGraw-Hill / Interamericana de España, 2005.



"Makina elektriko birakariak: simulazioak eta probak", Miren Terese Bedialauneta

Euskal Herriko Unibertsitatea, Argitalpen Zerbitzua, 2017.

Gehiago sakontzeko bibliografia

“Motores síncronos de imanes permanentes” Manuel Pérez Donsión, Manuel A. Fernández Ferro.
Universidad de Santiago de Compostela, Santiago de Compostela,1990.

“Brushless permanent-magnet and reluctance motor drives”, T.J.E. Miller.
Clarendon Press, Oxford, 1989.

“Brushless permanent-magnet motor design”, Duane C. Hanselman.
McGraw-Hill, New York, 1994.

“Switched reluctance motors and their control”, T.J.E. Miller,
Clarendon Press, Oxford, 1993.

“Design of brushless permanent-magnet motors”, J. R. Hendershot, T.J.E. Miller.
Clarendon Press, Oxford, 1994.

Aldizkariak

Dyna
Técnica industrial