Gaitasunak:



· Korronte, tentsio, potentzia eta energia elektrikoen kontzeptuak bereganatzea, energia elektrikoaren garraio- eta banaketa-sistemekin erlazionatuta daudelarik.



· Korronte zuzen, korronte alterno monofasiko eta korronte alterno trifasikoko aldagai elektrikoak kalkulatzea zirkuituen teoria aplikatuz.



· Behe-tentsioko eskema elektriko baten osagaiak identifikatzea.



· Behe-tentsioko instalazio elektriko bat diseinatzea, araudi aplikagarria kontuan hartuz.



· Ekipo elektrikoen fabrikatzaileek ematen dituzten datu teknikoak interpretatzea.



· Makina elektrikoen oinarri elektromagnetikoak ulertzea, makina estatikoak eta makina birakariak barne hartuz.



· Makina elektrikoek funtzionamendu-baldintza ezberdinen aurrean duten portaera aurreikustea, fabrikatzaileak ematen dituen datuetan oinarrituz.



· Teknologia elektrikoari buruzko kontzeptuak egoki komunikatzea idatziz zein ahoz.



· Muntaia elektrikoak egitea laborategian, erantzukizunaz eta segurtasunaz taldean lan eginez.



Ikastearen emaitzak:



· Ikasleak eskema elektriko baten osagaiak zuzen identifikatzen ditu horien sinbologiaren arabera.



· Osagaien datuak abiapuntu izanik zirkuitu baten aldagai elektrikoak kalkulatzen daki.



· Behe-tentsioko instalazio baten eroaleak eta babesgailuak aukeratzeko gai da.



· Makina elektrikoen oinarriak ulertzen ditu.



· Makina elektrikoen ezaugarri elektriko eta mekanikoak zuzenki intrepretatzen ditu.



· Laborategiko muntaia elektrikoak zuzen egiten ditu, segurtasun-arauak errespetatuz.



· Teknologia elektrikoari dagokion terminologiara ohitu da eta problemen datuak, ebazte-prozesua eta emaitzak komunikatzen badaki modu kuantitatiboan zein kualitatiboan.



· Klaseetan aktiboki parte hartzen du eta zalantzak eta iruzkinak adierazten ditu, irakaste-ikaste prozesua errazten dena.

Irakasgai honen edukiak ikasturteko bi lauhilekoetan zehar banatzen dira.



Lehen lauhilekoa:



Zirkuitu elektrikoak:

Zirkuituen teoria. Aldagai elektrikoak eta oinarrizko legeak. Gailu errealak. Korronte zuzeneko zirkuituak. Korronte alternoko zirkuituak. Korronte alterno trifasikoko zirkuituak.



Instalazio elektrikoak:

Potentzia-sistema elektrikoa. Behe-tentsioko instalazioak. Eroaleen kalkulua. Zirkuitulaburreko korronteak. Babesgailuak.



Bigarren lauhilekoa:



Makina elektrikoak:

Makina elektrikoen oinarri elektromagnetikoak. Makina estatikoak. Potentzia-transformadoreak. Neurketa-transformadoreak. Makina birakariak. Makina asinkronoak edo indukzio-makinak. Makina sinkronoak. Beste makina mota batzuk.

Irakasgaia irakaslearen azalpenen bitartez ematen da teoria eta aplikazio-ariketen klaseetan, ikasleen analisi kritikoa, eztabaida eta parte-hartzea bultzatzen diren jarduerekin osatuta.



Gainera, ikasleak proposatutako ariketak ebazteko eta kontzeptuak asimilatzeko bere kabuz ikasi beharko du. Horretarako, irakaskuntza-materiala eta beharrezko informazioa eskuragarri edukiko du eGela plataforman.



Ikasleak hainbat laborategiko praktika egingo ditu, irakasleek emango dioten dokumentazioan oinarrituta. Saio bakoitzeko materiala erabiliz, muntaiak eta neurketak egingo ditu eta ondorio arrazoituak aurkeztuko dizkio irakasleari. Gainera, zeregin bat egingo du laborategiko saio bakoitzaren aurretik.



Bai teoria eta ariketen klaseak, bai laborategiko praktikak ere, modu presentzialean emango dira ahal izanez gero. Osasun publikoko arrazoiengatik modu telematikoan ematea beharrezkoa izango balitz, bideokonferentziaren bidez emango lirateke eGela plataforma eta BlackBoard Collaborate erabiliz.



Irakasleak prest egongo dira edozein argibidetarako GAURen edo Eskolaren webgunean argitaratuko diren tutoretza-ordutegian.

Ebaluazio Jarraituaren sistema:



Ohiko deialdia ebaluazio jarraituaz ebaluatzen da modu lehenetsian eta hurrengo 3 ebaluazio-bloketan bananduta dago:



Lehen Lauhilekoa. Azken notaren % 45a balio duena.

Bigarren Lauhilekoa. Azken notaren % 30a balio duena.

Laborategiko praktikak. Azken notaren % 25a balio duena.



"Lehen Lauhileko" ebaluazio-blokea azterketa partzial edota banakako entregagai batzuen bidez ebaluatuko da, problemen ebazpenak, test motako galderak eta garatzeko galderak egongo direlarik. Ebaluazio-bloke horrek "Zirkuitu Elektrikoak" eta "Instalazio Elektrikoak" gai nagusiak barne hartzen ditu.



"Bigarren Lauhileko" ebaluazio-blokea azterketa partzial batzuen bidez ebaluatuko da, problemen ebazpenez eta test motako galdera teorikoez osatuak egongo direnak. Ebaluazio-bloke horrek "Makina Elektrikoak" gai nagusia hartzen du.



"Laborategiko Praktikak" ebaluazio-blokea ikasturtean zehar lortuko diren laborategiko noten bidez ebaluatuko da.



Kalifikazio-bloke bakoitza gutxienez 5eko kalifikazioarekin gaindituko du ikasleak.



Ebaluazio jarraitua gainditzeko 3 ebaluazio-blokeak gainditu beharko dira, eta, kasu horretan, azken nota 3 ebaluazio-blokeen batezbesteko haztatua izango da, goian adierazi diren ehunekoekin. Kontrako kasuan, ikaslea suspendituta egongo da eta bere nota batezbesteko haztatua izango da baina 4,5-eko nota batekin gehienez.



Ikasturtean zehar gainditzen diren ebaluazio-blokeen notak gorde egingo dira oraingo ikasturterako.



Azken Ebaluazioaren Sistema:



Ikasleak eskubidea izango du azken proba baten bidez ebaluatua izateko, ebaluazio jarraituaren sisteman parte hartu zein ez hartu. Eskubide hori erabiltzeko, ikasleak ebaluazio jarraituaren sistemari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, 18 asteko epea izango du, ikasturtea hasten denetik kontatzen hasita, Eskolako egutegi akademikoaren arabera.



Ohiko deialdiko azken probak ebaluazio jarraituan deskribatu diren egitura, pisu eta 3 ebaluazio-blokeak gainditzeko baldintza berak izango ditu.



Ohiko deialdiko azken proban gainditzen diren ebaluazio-blokeen notak gordeko dira oraingo ikasturteko ezohiko deialdirako.



Ohiko Deialdiari uko egitea:



Ohiko deialdiaren azterketaren data ofizialera ez aurkezteak deialdira uko egite automatikoa dakar eta kalifikazioa "Ez Aurkeztua" izango da.

eGela plataforman eskuragarri egongo diren apunte-koadernoak eta ariketa-bildumak.

Oinarrizko bibliografia

UNE-EN 60375:2004 Convenios relativos a los circuitos eléctricos y magnéticos. AENOR

Fraile Mora, Jesús. "Circuitos eléctricos". Ed. Pearson

"Reglamento Electrotécnico para Baja Tensión e Instrucciones Técnicas Complementarias". BOE

Fraile Mora, Jesús. "Máquinas eléctricas". 6ª edición. Ed. Mc Graw Hill

Gehiago sakontzeko bibliografia

Pastor Gutiérrez et al. "Circuitos Eléctricos. Vol. I". Ed. UNED
Rafael Sanjurjo Navarro. "Zirkuitu elektrikoen teoria". Ed. UPV/EHU
Zaloa Aginako et al. "Zirkuituen Teoriako 100 Ariketa" Ed. Elhuyar
Prysmian Group. "El libro blanco de la instalacion de BT". Edición 2018.
Javier Mazón et al. "Guía de autoaprendizaje de máquinas eléctricas". Ed. Pearson Prentice Hall, 2008
Javier Mazón et al. "Makina elektrikoak. Oinarrizko kontzeptuak eta aplikazio-ariketak". Ed. UPV/EHU, 2012
ABB. "Low voltage motor guide". ABB, 2014
Theodore Wildi. "Máquinas eléctricas y sistemas de potencia". 6ª edición. Pearson Prentice Hall, 2007
Javier Sanz Feito. "Máquinas eléctricas". Pearson Prentice Hall, 2004
Chapman, SJ. "Electric Machinery Fundamentals". McGraw-Hill, 2012
Sanjurjo Navarro, R. "Máquinas Eléctricas". McGraw-Hill, 1989
Melchor Gómez et al. "Máquinas Eléctricas a Ensayo". EUITI de Eibar (UPV/EHU), 1996
Grupo Arteche. "Acercamiento a los transformadores de medida". Cuadernos de formación Arteche