GAITASUNAK



1 - Makina elektrikoen funtzionamendu, kalkulu, diseinu, eraikuntza, saiakuntza eta simulaketari buruzko ezagutza.



2 - Makina elektrikoen kalkulu-, diseinu- eta simulaketa-ariketak ebazterakoan, asignaturako edukinak era aproposean erabiltzea.



3 - Makina elektrikoen saiakuntzak egiterakoan, asignaturako kontzeptu teorikoak aplikatzea. Lortutako emaitzak aztertzea eta interpretatzea.



4 - Talde-lana egitea zeregin kooperatiboak aurrera ateratzeko. Proposamenak egitea, gainerakoenak aztertzea, sortutako ideiak eztabaidatzea, informazioa topatzerakoan zenbait iturritara jotzea eta dagozkion ekintzak gauzatzea.



5 - Informazio teknikoa, ahoz zein idatziz, era aproposean komunikatzea, behar diren baliabide teknologikoak erabiliz.

1. ATALA: Transformadoreak: Transformadoreen analisia, kalkulua, diseinua eta eraikuntza



Transformadoreen analisia (hedapena).

Sistema trifasikoen transformazioa.

Transformadoreen paralelo-konexioa.

Autotransformadoreak eta neurketa-transformadoreak.

Transformadoreen kalkulu eta diseinuaren oinarriak.





2. ATALA: Makina asinkronoak: Makina asinkronoen analisia, kalkulua, diseinua eta eraikuntza



Korronte alternoko harilkatuak. Indar elektroeragilea eta pare electromagnetikoa.

Makina asinkronoen analisia (hedapena).

Motor asinkronoen abioa, abiadura-erregulazioa eta balaztaketa.

Sorgailu asinkronoa.

Makina asinkronoen kalkulu eta diseinuaren oinarriak.





3. ATALA: Makina sinkronoak: Makina sinkronoen analisia, kalkulua, diseinua eta eraikuntza



Ezaugarri orokorrak.

Makina sinkronoen analisia.

Makina sinkronoa sarera akoplatuta.

Motor sinkronoa.

Makina sinkronoen kalkulu eta diseinuaren oinarriak.





4. ATALA: Korronte zuzeneko makinak: Korronte zuzeneko makinen analisia, kalkulua, diseinua eta eraikuntza



Ezaugarri orokorrak.

Korronte zuzeneko makinen analisia.

Korronte zuzeneko motorrak.

Korronte zuzeneko makinen kalkulu eta diseinuaren oinarriak.





5. ATALA: Makina elektriko bereziak: Makina berezien analisia, kalkulua, diseinua eta eraikuntza





6. ATALA: Makina elektrikoen simulazio dinamikoaren oinarriak

(Atal hau laborategiko praktiketan landuko dugu)

- KLASE MAGISTRALAK: Irakasleak asignaturako gaiak jorratuko ditu, arbela eta gardenkien bidez. Era berean, makina elektriko eta euren aplikazioen buruzko ariketa praktikoak ebatziko ditu, asignaturako kontzeptu teorikoak aplikatzeko eta argitzeko.



- LABORATEGIKO PRAKTIKAK: Asignaturako edukinak osatzeko eta finkatzeko, makina elektrikoekin zenbait saiakuntza eta proba egingo dira laborategian.



- JARDUERA OSAGARRIAK: Ikasleen lan autonomoa bultzatzeko jarduera osagarriak egingo dira, banakoak zein taldekoak (aplikazio praktikari buruzko ariketak eta klasean jorratu ez diren sakontze-gai bereziak garatzeko lanak)

Ebaluazioa mistoa izango da.



a) Azterketa (%60)

Kontzeptu teoriko-praktikoak ebaluatuko dira: 1) Teoria eta ariketak (%50), non test moduko probak, garatzeko galderak edota aplikazio praktikako ariketak erabiliko diren; 2) Laborategiko froga teoriko-praktikoa (%10).



Azterketako zati batzuk partzialen bidez edota kurtsoan zehar egindako ariketen bidez baliozkatu daitezke.



b) Laborategiko praktiken txostenak (%10)

Egindako txostenak ebaluatzeaz gain, laborategian egindako lanaren ebaluazio jarraia edukiko da kontuan.



c) Entregagarriak (%10)



d) Lan gidatuak (%20)

Taldeko lana izango da. Lanaren gaia eta gainerako zehazpenak kurtso hasieran zehaztuko dira. Egindako lanaren memoria entregatzeaz gain, lauhilabete amaieran lana aurkeztu eta defenditu egingo da.

Lanaren ebaluazioan aspektu hauek edukiko dira kontuan: 1) Egindako lanaren ebaluazio jarraia eta entregatutako memoriaren ebaluazioa (%15). 2) Aurkezpen eta defentsaren ebaluazioa (%5).



Asignatura hau gainditzeko:

- Gutxienez, 4 atera beharko da ondoko ataletan: teoría/ariketa azterketan; lan gidatuan (lana garatzeko prozesuan zein defentsan); eta laborategiko praktiketan.

- Azterketan ahozko probarik egonez gero, 3 edo gehiago lortu beharko da ahozko proba guztietan.

- Aurrekoa bete ezean, amaierako nota azterketan lortutako nota izango da eta nota maximoa 4 izango da.



Arautegiak ezartzen dituen kasuetan, bide ofizialetan eskatuta eta eskubide hori ofizialki onartuta, ikaslea amaierako froga bakar eta berezi baten bidez ebaluatuko da. Froga horretan ere, asignatura gainditzeko irizpide orokorrak eta baldintza minimoak beteko dira. Froga horren atalak hauek izango dira:



- Amaierako azterketa: teoria/ariketak (%60)

- Laborategiko amaierako azterketa teoriko-praktikoa (%20)

- Lan bat egitea, aurkeztea eta defendatzea (%20). Lan horren gaia eta irismena ebaluaketa jarraiari uko egiteko unean (eta, gutxienez, amaierako azterketaren data baino hilabete bat arinago) zehaztu eta irakaslearekin adostu beharko da.



Egindako azterketa ofizial bakoitzak deialdia erabiltzea suposatuko da.



Asignatura honetako ebaluaketa-proba guztietan, eta besterik espresuki adierazi ezean, ikasleek debekatuta izango dute irakasleak proba hori egiteko eman ez dituen materiala edota kontsulta-elementuak erabiltzea (besteak beste: liburuak, oharrak edo apunteak, tresna edo gailu telefoniko, elektroniko, informatiko edo bestelakoak). Orokorrean, erabili ahal den aparatu bakarra kalkulagailua izango da (kalkulagailu progamakorrak ere ezin erabili).



Era beran, asignatura honetan aplikagarria izango da EHUko ebaluazio probetan eta lan akademikoetan jokabide makur eta iruzurrezkoak eragozteari eta etika akademikoari buruzko protokoloa.

Asignaturako dokumentazioa, apunteak eta materiala.

Oinarrizko bibliografia

MAZÓN SAINZ-MAZA, J. eta abar, "Makina Elektrikoak. Oinarrizko kontzeptuak eta aplikazio-ariketak", Euskal Herriko Unibertsitateko Argitalpen Zerbitzua, 2012.

FRAILE MORA, J. "Máquinas Eléctricas", Garceta, Madril, 2015.

FRAILE MORA, J., FRAILE ARDANUY, J., "Problemas de Máquinas Eléctricas", Garceta, Madril, 2015.

CATHEY, Jimmie J, , "Máquinas Eléctricas. Análisis y diseño aplicando Matlab", McGraw-Hill, Mexico, 2002.

Gehiago sakontzeko bibliografia

BOLDEA, I, "Electric Machines: Steady State, Transients, and Design with MATLAB" CRC, Boca Ratón 2009
CHAPMAN, SJ, "Electric Machinery Fundamentals" McGraw-Hill, New York 2012
CORRALES, J, "Cálculo industrial de máquinas eléctricas" Marcombo, Bartzelona 1982
CORRALES, J, "Cálculo modular de máquinas eléctricas" Marcombo, Bartzelona 1994
FITZGERALD, A, "Máquinas Eléctricas" McGraw-Hill, Mexico 2004
FRAILE, J, "Accionamientos eléctricos" Garceta, Madril, 2016
GÓMEZ, M, "Problemas Resueltos de Máquinas Eléctricas" Paraninfo, Madril 2008
KRISHNAN, R, "Switched reluctance motor drives : modeling, simulation, analysis, design, and applications" CRC, Boca Ratón 2001
KULKARNI, SV, "Transformer Engineering. Design and Practice" Marcel Dekker, New York 2004
LOI LEI LAI, "Distributed Generation, Induction and Permanent Magnet Generators" John Wiley & Sons, UK 2007
MAGANTO, FJ, "Devanados de máquinas eléctricas: (teoría y problemas)" Madril 2008
MAZÓN, J, "Guía de autoaprendizaje de máquinas eléctricas" Prentice Hall, Madril 2008
McLYMAN, WT, "Transformer and inductor design handbook" Marcel Dekker, New York 2004
PYRHONEN, J, "Design of rotating electrical machines" John Wiley & Sons, UK 2008
RAS, E, "Transformadores de potencia, medida y protección" Marcombo, Bartzelona 1994
SANZ FEITO, J, "Máquinas Eléctricas" Prentice Hall, Madril 2004
SERRANO, L, "Teoría de los fasores espaciales : introducción y aplicaciones industriales" Marcombo, Bartzelona 2001
TOLIYAT, HA, "Handbook of electric motors" Marcel Dekker, New York 2004